News

Friday, November 10, 2006

كـــفايـة .. معاكـــسة


قامت بالامس مظاهرة نسائية .. بوسط المدينة احتجاجا على احدلث التحرش بالفتيات والسيدات بوسط المدينة فى ثانى ايام عيد الفطر .. طبعا قرينا كلنا عن الحصل فى وسط البلد وانا قصدى على المدونات طبعا
.. لان معظم الجرايد الرسمية تكتمت الموضوع او نفـته اساسا
واللى حصل فى
وسط البلد منشور فى عدة مدونات اهمها
..
الوعى المصرى ، ومدونة مالك اكس
وده رابط لمقال مجمع عن
الحادثة فى مدونة
بيت العز طبعا اللى حصل ده قلة ادب ومسخرة وكل حاجة ممكن تتقال عليه .. والناس شبعت كلام فى الموضوع وكل البلد عرفت باللى حصل .. ومع ذلك تكتيم اعلامى ورسمي على الحادث وكأنه لم يكن .. ولكن على مييييين دول ستات مصر يا معلم .. مسكتوش .. وقرروا يعملوا " وقفة نسائية " احتجاجا على الحادث واحتجاجا على التكتيم ايضا ... وانا وصل لى على الميل صور للمظاهرة من تصوير " ناصر النورى " وكانت المظاهرة تحت شعار


كـــــفـــــايـــــه ... مــــــعـــــــاكـــــــســــــة


واكن لسانها بيقول :
كتبتها بالعربي والانجليزى عشان الحمار يفهم
----


دى واحدة شبه كونداليزا فى نص المظاهرة .. ربنا يستر
----

شبيهة كونداليزا دخلت اجواء المظاهرة
----

الامن المركزى كالعادة .. حافظ مش فاهم .. وتمام يافندى
----

صرخى .. صرخى .. وطلعى كل اللى جواكى
----

اوعـــــى اليــفـــط
----


حماسة واضحــة .. من السيدات والفتيات
من جميع الاعمار
هما مراحوش وسط البلد يتفسحوا او يتصوروا
لا دول راحوا عشان مؤمنين باللى عاوزين يعملوه

وربنا ياخد اللى كان السبب ....

2 comments:

كلبوزة لكن سمباتيك said...

جميل ان لسة في ناس عندها قوة تقول لا و كفاية و حرام

بعد ما ضاع امل الشعب المصري في الحفاظ علي مستوى اجتماعي و مادي و تعليمي و غذائي و امني
مقبول

كان لابد من التمسك باخر عرى الشرف و الكرامة

و التي يساهم الامن المصري في انفلاتها

تحية لاخواتي المشاركات في المظاهرة
و لكن للاسف الصور لم تفتح عندي
ربما بسبب البروكسي!

islamz said...

اكيد لسه فى ناس عندها القدرة انها تقول لأ والا الناس كانت انفجرت من زمااان ..
بس الشعب المصرى مضعش وعمره مهيضيع بإذن الله .. وحاولى مرة اخرى الدخول على البلوج وان شاء الله الصور تتحمل معاكى .. تحياتى