نــواب الشعب الحـلويـن

مجلس النوم لنواب الشعب الحلوين

من زمان متفرجتش على جلسات مجلس الشعب .. وحظى النحس كنت قاعد مرة فاضى
وطلعت فى دماغى اتفرج على قنواتنا الارضية ربنا يأخدها .. ولقيت على القناة الاولى
مجلسنا الحبيب .. مجلس الشعب الموافقون دائما ...

قلت والله لأتفرج .. وبعد برهة من الوقت ( حلوة برهة من الوقت دى ) اى خدمة مثقف مثقف يعنى

وبعد برهة من الوقت لقيت مناظر غريبة والناس بتتكلم

وناس وراها ولا جنبها عمالين يتاوبوا وخلاص هيناموا .. وناس يتكلموا فى الموبايلات .. وناس بتضحك مع بعض


حاجة اخر عسل والله .. قلت لأ بقي دنا لازم اصور الحاجات الحلوة دى .. عشان اتفرج عليها بمزاج وافرجكوا معايا

بسم الله نبدأ الجلسة ... ههههههههههه

ريس القاعدة .. المعلم فتحى سرووور . كان بينسي نص الاسماء
بتاعة الاعضاء

شوفو بقي وركزوا مع البرنس اللى ورا اللى
بيتكلم فى الموبايل ولا فى دماغة الجلسة خالص

الأخ الى ورا ده بقي كان بياكل تقريبا وملوش دعوة باللى بيتكلموا دول

والاخت دى كمان كانت سرحانة .. وبعدين حلمت
خير اللهم اجعله خير ان المايك بيعاكسها
راحت ضربت المايك ..

وادى الامور ده كمان حاطط ايده على خده .. وعايش فى حالة من الرومانسية
وباصص للراجل اللى بيتكلم بمنتهى الرقة .. يا حبيبي

واخر الجلسة بقي كان الحلو الامور ابو بدلة كحلى
كان بينام .. وفاتح بقه على الاخر .. ولا كأنه فى السرير بتاعه

*******

بالذمة هما دوول نواب الشعب اللى بيروحوا المجلس
علشان يشوفوا مصالح دوايرهم والناس اللى اختارتهم
وانا من بلوجى هذا بقولهم .. جتكوا القرف
زهقتوا الناس

ومش هتفرج تانى على مجلس الشعب
وعلى رأى مارى منيب .. بلا نييلة