مـوقـعـة اوكلانـد .... ومبـرووك يـا أهلــى

نجووووووووم الاهلى

مش قلتلكم قبل كده ان الاهلى السنة دى مش رايح يتفسح
الاهلى بيثبت انه فريييييق عالمى ... والله النهاردة عمل كل اللى عليه
صحيح اوكلاند فريق مش قد كده بس بجد الاهلى عمل عمايل جامدة اووووى

الاهلـــى يستحق الفووووز 2/0

فلافيوووووو .. والله بحبك يا فلافيو انت يا ابنى اكتر لاعب اجنبى اتشتم فى مصر
وكل الناس كانوا ضدك لكن فعلا انت بتثبت كل مرة انك مكسب للأهلى
بقيت بتفائل بيك وببقي عارف انك هتجيب جوووول

عملت اللى عليك يا ابنى والله .. لعبت حلو .. صحيح اتغابيت فى كورة ولا اتنين .. لكن مش مهم

وتعبت الناس معاك والله يمين وشمال .. جاااااااامد

حقك .. جوووول جااامد موووووت .. جول بجد حلو اوى

جول فى الدقيقة 51 قلب الماتش خالص .. الاهلى بقي واثق اكتر فى نفسه .. واوكلاند اتخلى عن الحذر الدفاعى
والاهلى كان ممكن يجيب اكتر والله ..

اوووووووووووووه .. ابو تريكه ..اووووووووه ابو تريكه
النهاردة ابو تريكة كان ممسوك بطريقة مش معقولة .. لاعب من اوكلاند ماسكه رايح جاى ..
مسابهوش ومع ذلك كان بيعمل اللى عليه وبرضه تعبهم

جوووووول عالميييييي
والله جووووولك جامد جامد جامد .. الحارس نفسه كان بيتفرج على الكورة

فى الدقيقة 73 بياخد الاهلى فاول ضربة حرة مباشرة من 22 ياردة تقريبا
وجووووووووووووول .. والعب يا تريكة العب
مبرووووووووووووك يا ابوتريكة .. كنت عارف انك هتعملها ... واحد
هيقولى انت كنت عارف كل حاجة ولا ايه .. يا عم يلا بقي طنش اصلى والله فرحاااان موووت

-----------

الفريق كله تألق دفاع وخط وسط وهجوووم .. لعبوا لعب رجالة وربنا كرمهم فى اول ماتش ..

.. كده الاهلى صعد للدور نصف النهائي .. وهيلعب مع إنترناسيونال ضمن انه يكون يكون ضمن الاربعة الكبار حتى لو خسر لا قدر الله امام انترناسيونال ..

الف مبروووك يا اهلاوية .. ان شاء الله نلعب احسن واحسن قدام انترناسيونال .. وربنا يكرمهم ان شاء الله





والـــــــعــــــــــب يا اهلـــــــــــييييييييي