News

Friday, December 22, 2006

الاهلى ثالث العالم :]


الف مبرووووووووووك لكل الاهلاوية .. كفاية اننا تالت عالم يا جدعااان والسنة الجاية ان شاء الله لو لينا عمر ناخد البطولة دى زى غيرها ...
طبعا انا جاى متأخر اوى فى البوست ده .. بس والله بسبب المذاكرة وقرفها .. مكنش عندى وقت اعمل البوست اعمل ايه بقي اخر سنة ليا ولازم اعمل اللى عليا وخصوصا ايام الامتحانات انا كنت محضر البوست من الاسبوع اللى فات بس الوقت سرقنى وملحقتش انزله يلا مش مهم حصل خير .. المهم هو الانجاز اللى عمله الاهلى .. بلاعيبة فعلا عالميين



والحمد لله فرجنا العالم على كورة مصرية بجد


ابو تريكة الـفناااااان .. وعجبنى اوى لما بيقولوله جبت ايه لاولادك من اليابان قالهم بمنتهي التلقائية .. مجبتش حاجة شجع منتج بلدك .. ههههههههههههه والحدق يفهم بقي ...


كفاية عليك يا بنى ان العالم كله شاف لعبك وشهد بانك تستحق الاحتراف فى احسن اندية العالم انت متقلش عن اى لعيب عالمى .. الفرق بس انهم متشافين فى دوريات اوروبا شهيرة .. وشوف انت مستواك ووانت فى دورى متواضع بجوار دورياتهم الساخنة شرفتنا يابوتريكة ... ولا يهمك بلاتر ولا غيره .. اللعيب لعيب



شايفين الجون يا بشر .. بذمتكم فنان ولا لأ ..





وهالله هالله هالله .. ايه يا بنى ده وان .. تو .. جووووووول

تعالى فى حضنى يا فلافيو ... :]


والله علشان انت فعلا طيب ومؤمن بجد ربنا بيكرمك




جماهير الاهلى فرحانة باللاعيبة وجوزيه


بجد انا فرحااااان جدا بالاهلى .. وتحيااتى لكل الاهلاوية

وسلامتك يا حضري
هترجع بالسلامة ان شاء الله


نسخة من جريدة الاهلى الاسبوعية لكل الاهلاوية

سلاااااااااااامز :]



7 comments:

Amr Ahmed said...

البوست ده اتاخر يا معلم

مخصموم منك يومين يا سيد

احنا هنهزر ولا ايه

ايه اخبارك يا جميل

امتحانك امتي؟


المهم ربنا معاك يارب

انا قاعد تقريبا فاضي ومش لاقي حد

كلكم بتمتحنوا

ربنا معاكم يارب

انا هاعود للغم تاني بعد العيد ان شاء الله

سلام يا اهلااااااااااوي

يا جامد

smraa alnil said...

هههههههه
انا بقي فاضية ومش فاضية
اصل انا مش بمتحن بس بخلي العيال هما اللي يمتحنوا
بس مش مشكلة نبقي نسلي بعض يا عمر انا وانت ونسيب اسلام

اسلام مش تقول ان انت هنا
عامة اديني اهو جيت للبوست بتاع الاهلي
عشان ترتاح
ههههههههههه
ابقي ذاكر كويس وربنا يكرمك يارب

islamz said...

عمووووووووووور :

والله مش بمزاجى انا مطحون فى المذاكرة والله
خلااااص دماغي فرقعت من سيرة الامتحانات ..

بس ده الاهلى حبيب قلبي .. مقدرش مكتبش عنه .. انت عارف

شفت ماتش انهاردة بتاع الحرس والاهلى .. الاهلى ظبط الحرس 2/0 من عماد متعب

ولسه الاهلى هيعمل عمايل جنان .. ان شاء الله

وربنا يسهلها معانا فى الامتحانات بقي

.........

سلاااااااااااامز يا جميل :]

islamz said...

سمووورة :

ماشي قال بخلى العيال يمتحنوا قال ..
الله يرحم ايام مكنتى فى الجامعة وبتمتحنى ..

ولا نسيتى .. هههههههههههههه

عموما .. سوف نكاغح حتى نهاية الامتحانات وكل ما هو ات ات .. والعتبة جزاز والسلم نايلو فى نايلو وال وال

ههههههههههههههههههههه


مش بقولكوا خلاص الدماغ راحت ....

نورتى يا سموووووورة
:]

شادي فايد said...

عايز كل الناس تعرف مدونتك
عايز اصحابك يوصلوا لمدونتك بسهولة
ضيف نفسك في ارشيف المدونات العربية


http://arabblogs.blogspot.com/
ارسل لنا اسم مدونتك و عنوناها و اسمك
في ايميل او كومنت على
http://arabblogs.blogspot.com/2006/12/blog-post.html
ابعت نفس الرسالة دي لكل اللي تعرفهم

nadine said...

انا مش من شجيعة الكورة جامدة قوى يعنى
بس برضه بحب اتفرج
و طبعا الأهلى فريق طالع السما و يستاهل يتقال عليه فريق عالمى
بس ابو تريكة ده
بجد انسان بحترمه جدا
و خلى العالم كله يحترمه

استضافته منى الشاذلى من كام يوم
و قعدت تتكلم معاه حوالى ساعة
بجد انسان حلو قوى من جوه
بسيط
ما اتكسفش انه يقول انه من عيله بسيطة و انه كان بيشيل طوب فى وقت فراغه من المدرسة عشان يساعد اهله

مش قادرة اقوفلكوا احترمت ابو تريكة الإنسان ازاى
بجد يستاهل كل خير
و يارب دايما كده مفرحنا مع الأهلى

سلامى ليك يا اسلام و ليك يا عمر
و لسمراء النيل كمان :)

باااااى

islamz said...

ناديييييين :

نورتى يا نادين .. مش عيب ان الواحد ميكنش بيشجع كورة .. لكن نشجع اللعبة الحلوة مفيش مانع .. وباعتراف العالم كله الاهلى افضل من قدم اللعبة الحلوة فى مونديال اليابان 2006

.. رايك فعلا صح جدا يا نادو .. ابوتريكة انسان فرض احترامه على كل اللى شافه .
متواضع واخلاقه عالية وغير كده لا يتنصل من اصله البسيط .. فعلا انسان بمعنى الكلمة وفعلا مؤمن وتقي بجد لا بيمثل قدام الكاميرا وينزل يسجد على ارض الملعب بعد الجون .. ولا لما بيدخل جون بيقول انه هو اللى دخله لوحده ومهارته وكلام فارغ .. العكس ده بيعترف بفضل كل اللى ساهم فى المباراة وبمنتهى الادب بيقول ان ربنا وفقه عشان يكون سبب فرحة جماهير الاهلى .. وفرحة جماهير مصر

ملاعبنا كانت نسيت الشكل الخلوق من اللاعب المصري وكادت ان تتعود على اللاعب المادى صاحب السهرات الحمراء او قليل الادب اللى بيتطاول على مدربه ..

لكن ابو تريكه رجعنا فعلا لزمن اللاعب المحترم .. زى الخطيب وربيع ياسين والشاذلى

وربنا يهدى الجميييع

نورتى يا نادين .. وكل سنة وانتى طيبة

:]

متنسيش العشييين جنيه .. هههههههه