News

Tuesday, January 30, 2007

مبروك يالأبيض الإماراتى




وفااازت الامارات بكاس خليجى 18 لاول مرة فى تاريخها ...

الفريق الابيض

لحظة حمل الكأس

انتوا مش متخيلين فرحة الاماراتيين بالكاس ده .. فاكرين فرحتنا فى مصر بكأس الامم الافريقية فاكرين مصر والفرح اللى كان فيها والعربيات وبيب بيب بيب بيب بيب نفس الكلام فى الامارات .. فرحة وسعادة فى كل الشوارع والامارات كلها فرحانة بجد .. وده لان فريقها حقق انجاز كبير بفوزه بكاس خليجى 18 ..
فازو على السعودية
وهى فرقة تقيلة مش سهلة بفضل مهاجمهم الرائع اسماعيل مطر .. بجد كان صاحب هدف الفوز فى مباراة السعودية

فرحة مطر بعد الهدف فى السعودية




لقطات من مباراة الامارات مع السعودية

********

وصاحب هدف الفوز فى مباراة النهاردة فى مع عمان اللى انتهت بواحد صفر للامارات
احرز الهدف الوحيد للامارات اسماعيل مطر فى الدقيقة 73

اسماعيل مطر قاد الامارات للفوز بالبطولة


يا فرحتك يا ابو اسماعيل يا جنيييييي .. ههههههه

لاعبى الابيض الاماراتى يحتفلون بالهدف

بجد هو صاحب البطولة فاز الامارات بسببه فى مباراتين
السعودية .. وعمان


يا فرحة الجماهير الاماراتية بفريقها ... اووووه اماراتييي
اووووه اماراتيييي .. ههههههه

الشوارع فى الامارات تصوير بنت خالتشي من موقع الحدث هههههههه...

كأس الخليج تصميم عراقي
من المصمم احمد البحراني

من الذهب الابيض

قال العراقي احمد البحراني مصمم ومنفذ كأس الخليج ان فكرة الكأس ترجمة حقيقية لفلسفة وأهداف البطولة تحت شعار "المهم ان الشمل التم" وهو عبارة

عن الغترة الخليجية مع الشماغ العراقي ملتفين حول بعضهما البعض وملتحمين. واضاف: انني سعيد بالاشادات الكثيرة التي تلقيتها عن هذا التصميم.


صنع الكأس في مصنع بريتوني في ايطاليا وهو من الذهب الخالص ارتفاع الكاس 47 سنتيمتر

وهو نفس الكأس الي استعمل بخليجي 17


*******

وحضر المباراة رئيس دولة الامارات العربية المتحدة الشيخ خليفة بن زايد آل نهيان، والرئيس اليمني علي عبدالله صالح.

وانضمت الامارات الى نادي حاملي اللقب الخليجي وهي الكويت (9 مرات، رقم قياسي) والسعودية (3) والعراق (3) وقطر (2). يذكر انها المرة الثالثة التي تستضيف فيها الامارات كأس الخليج، الاولى كانت في النسخة السادسة عام 1982 وحلت فيها ثالثة، والثانية في النسخة الثانية عشرة عام 1994 وجاءت ثانية خلف السعودية.

وسقطت عمان في الامتحان الاخير للدورة الثانية على التوالي حيث كانت
خسرت في نهائي "خليجي 17" في قطر عام 2004 امام قطر بركلات الترجيح 4-5 اثر انتهاء الوقتين الاصلي والاضافي 1-1.

وبقي سجل عمان خاليا من اللقب الخليجي منذ بدء مشاركتها فيها عام 1974.

وثأرت الامارات من عمان التي كانت هزمتها في المباراة الافتتاحية على الملعب ذاته في السابع عشر من الشهر الجاري 2-1.


******



الفيديو ده لقطات حية من الامارات صورها بنت خالتى يارة
من بلكونة بيتهم هناك ... البنت كانت هتقع عشان تصور الفيديو
ربنا يخليكى يا يارة يا مظبتانى هههههههه
شايفين الكلاكسات والاعلام اللى مالية الشوارع الناس فرحانين بالكاس

********

الف مبروووك الكاس الخليجية لجمهور الامارات
واتمنى بجد تقدم الكرة العربية اكتر واكتر
عشان يبقي ان شاء الله لينا مشاركات اكبر
ومراكز فى كاس العالم كمان
:]





14 comments:

أسوور said...

مبروووووووووووووك

ولو انى زعلانة من الإمارات عشان واخدة منى حبايب كتير

islamz said...

ياسميييين :
----------
منورة البلوج .. ليه بس زعلانة هى الحياة كده مش لازم يكون معانا كل اللى بنحبهم
ولا ايه .. وادينا برضه بنشوفهم وبنكون مشتاقينلهم جدا ...
تحياتييي .. وكررى زيارتك كتييييييير
وسلميلى على اختك بقي متنسيش .. ماشي

:]

Anonymous said...

هوا صحيح انا كنت هاقع من البلكونة و خاصة اني ماكنتش عارفة اصور حاجة من الغابة اللي تحت العمارة ...شجر كتيير اوي مش مبين الشارع ....بس اللي عرفت اجيبه بقى ....و حتى هتلاقي حتة من التكيف كده طالعة في الصورة ..اصل كان نفسي اجيب الشارع من أوله بس كان طويل قوي
و صحيح الموبايل هنج و كان عمال يعمل باتري لووووووووووووو....علشان كنت بصور فيديو منه
بس يلا كله يهون علشان السبق الصحفي ...لخطوة عزيزة ...و ان شاء الله يبقى فيه صبقيات صحفيات كتييييير....ماتسألنيش ايه الجمع ده علشان ماعرفش
ملحوظة : تعرفني بقالك 18 سنة و ماتعرفش ان يارا ب(ا) مش بال(ة)..يلا مش مهم ...اهو كله يؤدي الى روما :)حبه تهييس

islamz said...

ياااااااارااااا :
-----------------
اهو يا ستى عملتلك اسمك بالالف مش بال(ة) اى خدمة .. وبعدين لازم الفضايح دى يعنى بالالف ولا ال(ة ) خلاص يعنى اسمك اختلف اوى يا ختى ماااشي .. وسبق صحفى وبتاع ماشي يا حجة صحفية هههههههههه
يلا اى خدمة شفتى بقي المعلومات والصور والشغل ده .. عشان تعرفي بس ..
سلميلي على احمد .. وخلوا بالكو من نفسكو

تحياتشي .. وابقي تعالى على طول بقي ولا انتى متعلقيش غير على اخبار الامارات وبس
هههههههههه ... :]

Anonymous said...

خلاص يا سيدي مش هانفضحك قدام الاجانب تاني .....هوا اسمي مش هايختلف و لا حاجة بس من ساعة ما اتعلمت الكتابة و انا بكتبه كده..يلا مش مهم
و هاسلملك على احمد ....ة هبقى آجي تاني ان شاء الله
يلا سلااااااااااااام ....و ابقى سلم على العائلة الكريمة

soosa el-mafroosa said...

يا دماغك يا إسلام؟

و النبي ما أعرف موضوع الإمارات ده الا لما جيت هنا

ماشية معاك يا عم ..عمال تعمل دعايا..بكره حد من الأمراء و الا الشيوخ يردلك الجميل

هذا و قد تفضل الشيخ ..... بالأمر للمدون إسلام بقيمة وزنه ذهب

هههههههههههههههها

دي الجماهير بتهيص

و كذلك أمرنا ليارا بموبايل دهب بدل اللي بيهنج

ههههههههههههههههها

مبروك عليك يا إسلام

------------------------
بص يا إسلام ربنا يخليك يا رب

قوللي انت حاطط الشريط بتاع الأخبار في أنهي حتة من التمبليت لحسن كل أما أحطه يزقلي المدونة كلها تحت

ميلي أهه ابعتلي عليه

soosamafroosa@yahoo.com

smraa alnil said...

نا جيييييييييييت

سلامتيك يا قمري
الكورة دي هتلحس دماغك ومش بعيد تكون هي اللي خليتك تكون عيان
مبروك للامارت
وبعدين حلو اسالتك عن التاج
ولو انك مش جبت سيرتي
ههههه

صياد said...

انت تنفع تشتغل معلق رياضى
زى شوبير
اصل انا سمعت النهارده ان فى عجز عندنا فى المعلقين الرياضيين
ومبروك للامارات

Memo said...

يا رب كتر افرحنا يا رب كتر افراحنا و على قد نيتنا ادينا بس الفكره ان حتي لو كانت السعديه كسبت ربضو كنت همبسط انا شخصيه سعيده كدا على طول حيتث ان المنتخب المصري جابلنا حاله عته
فمبقتش فرقه و انا فعلا كل اما افتح قناه ابو ظبي الاقي الفراح والليالي الملاح ونشكر سموه على تشريفه و بتاع و لا حد عزمنا يا واد يا اسلام و لا جابولنا سيره الاندال
تحياتشي

مسرح الغلابا said...

تحية خاصة من مسرح الغلابة الي الامارات ... و كمان تحية خاصة جداااااا الي خطوة عزيزة و نحب نقوله: الله يعز مقدارك ... :P

Ahmad Hegab said...

يستحقوا الكاس عن جدارة

أُكتب بالرصاص said...

احنا ماعرفناش ننام
خالص







من الفرحة طبعا

ذو النون المصري said...

انا مش متابعالكوره لافي مصر و لا في غير مصر انا بتابع المباريات العالميه فقط
لك تحياتي

واحـــد مـــــن الـنـــاس said...

انا ملياش في الكورة خالص يا اسلام
وبجد اول مرة اعرف حكاية الامارات دي

على العموم
الف مبروك يا عم
وعقبال ما مصر تكسب كاس مركز شباب ابو طرطور