News

Saturday, March 10, 2007

كفايــــة ... حــرام





انا مش اتصدمت لما قريت الخبر انا لعنت اليوم اللى خلانا بقينا مذلولين للدرجة دى
بأه للدرجة دى ولاد مصر اللى استشهدوا علشانها ملهومش دية
بأه بعد طلب التفسير الرسمى والنفخة الكدابة
طلع الفيلم مفيهوش مصريين .. يا سلاااااااااااام

والله لو مش عارف ان امى بتقرا البلوج كنت قلت كلمة وحشة اوى
اظن عارفينها ..




بأه المخرج غلط .. واللى بيعلق على الفيلم غلط فى التعليق
والله حرام الذل ده فى يوم وليلة بأه الفيلم مفيهوش
اى اسير مصري .. ولا ليه علاقة بمصر

كفاية بأه نرخص نفسنا اكتر من كده
حرام اللى بيحصل فينا ده .. والله حرام

حد يقولى ليه كده

---------



شوفوا كده اللى
اتقتلوا
دول مصريين
ولا
يمكن خلاص الواحد اتعمى



هو ده الفيلم اللى اتعرض فى التليفيزيون
الاسرائيلى ..
واللى مصر معرفتش تجيبه يا عينى غير بطلب رسمي من وزارة الخارجية
وشكلهم فى اسرائيل بعتولهم فيلم
توم اند جيرى


وقالك لا يوجد اسري مصريين فى الفيلم
هو انتوا مستنيين الفيلم عشان تطالبوا بتحقييق
خليكوا مستنيين
لحد منتفرج عليكوا فى افلام



وسلملى على الجندى المجهول


8 comments:

واحـــد مـــــن الـنـــاس said...

الله يحرق ابو ده بلد
الواحد بيتداس فيه كل يوم وبيتمسح بيه الارض

الله يخربيتك يا مبارك يا للي خلتنا عرة الشعوب
ننضرب على قفانا ومنقولش لأ

الله يحرق ابو الساعة اللي افتخرت فيها اني مصري

ALiaa said...

بدون سب و لعن و تحسر ... الموضوع خد أكبر من حجمه و الفيلم من وجهة نظرهم أكتر من رائع لأنهم شايفين ان من حقهم انهم يقتلوا و يعذبوا كل من هو دون اليهود.... الموضوع لا يتعلق بكم يا مصريين.... يتعلق بهم و هما حرين.... و في حالة زي دي التنفيض أحسن حلولك مش عشان السلبية بس لأن دي أفكارهم منذ الأزل

islamz said...

على :
----
انا معاك فى لعن النظام وسياساته
لكن لعن مصر لا طبعا مش معاك .. مصر مجنى عليها وليس جانى .. مصر مش هى مبارك ولا نظيف ولا جمال وصفوت الشريف ..
مصر انا وانت وابوك وابويا وكل اللي عاوز الاحسن للبلد دى بالفعل قبل الكلام ..

مش انت معايا برده فى الكلام ده ولا ايه

islamz said...

علياء :
------
بدون سب ولعن .. يعنى ايه الموضوع خد اكبر من حجمه لما يظهر فيلم يأكد المجازر اللى حصلت فى 67 اللى كل العالم عارفها يبقي موضوع صغير وخد اكبر من حجمه

ولا لما بن اليعازر يعترف بوجود الكاشيدا وان جزء من مهمتها كانت قتل الاسري
موضوع صغر وخد اكبر من حجمه


ولا لما يتقال في يوم وليله ان الفيلم مفيهوش ولا سيرة عن المصريين وان المخرج غلط والكلام الفرغ ده وان مصر ملهاش علاقة بالموضوع
يعنى بعنا دم شهدائنا بالرخيص بالرخيص اوى .. ده موضوع صغير وخد اكبر من حجمه ...

FTM said...

الصحف القومية دى المفروض يغيروا اسمها لصحف تايهة..منتهى الإستفزاز تلاقية فيها المجرم يبقى بطل و الصحية تطلع جانى وكلة مرسوم ;)

تحياتى

... الـبـتـاع ... said...

المشكله ان احنا عودناهم اننا بنسكت و مانفتحش بؤنا!!
زى ما حصل قبل كده فى 95 لما الموضوع اتفتح و برضه سكتنا
و الجديد حاليا : اسرائيل تتهم مصر بتعذيب أسراها فى 73
ربنا يحرقهم زى ما خلونا مطاطين كده على طول

islamz said...

ftm :
-----
وانت الصادق الصحف ديه لازم تتشال خالص لمخالفتها اداب المهنة وميثاق العمل الصحفى وامانة الكلمة والاستخفاف بعقول الناس ... كل اللى فالحين فيه قام سيادتة بافتتاح مشروع مش عارف ايه لاسكان الشباب والشباب مش لاقيين عشة يسكنوها ..
وقام سيادته بوضع حجر الاساس لمركز شباب كبر ابو لبه الابهة .. وهكذا تملقات لكن حاجة ليها قيمة متلاقيش ...

islamz said...

البتاع :
-------

وتفتكر هنفضل ساكتين لحد امتى ..
احلى حاجة الاهرام نشرها وكانوا فخورين اوى ومبسوطين من نفسهم انهم قالوا ان ايام الحرب امر احد القادة المسؤولين عن الاسري باخذهم لرحلات لزيارة معالم مصر
ونزهة خارجية للترويح عن الاسري الاسرائيلين .. وعلى رأى الليمبي
وبعد كده نحميهم ونرضعهم ونحطهم فى سياييرهم
وهو ده قلب الام بقي ...

تحياتى