News

Wednesday, May 02, 2007

هــاذى باذى يـو يـو


طـــــــــــاااااااااااااااااااااخ
س : هل هذا الصوت هو صوت رصاصة اطلقها المحتفلون بعيد ميلاد الريس ؟
س : هل هذا الصوت هو صوت كف مخبر على قفا مواطن مش عارف يقول هابي بيرث داى تو ريس ؟

ارسل الاجابة الصحيحة على اى عنوان يعجبك .. بس لما تعرف الاجابة .. الصحيحة ..
يوم الجمعة اللى جاى يوم مبارك .. غير ان هو يوم مبارك فهو كمان يوم عيد ميلاد مبارك
ويوم جواز جمال مبارك .. وهيبقي يوم عيد جواز جمال مبارك والسيدة قرينته
خديجة مبارك
وفى مشروع هيعرضوه على مجلس الشعب والازهر
عشان ايام الاسبوع تبقي
[ سبت ، احد ، اثنين ، ثلاثاء ، اربعاء ، خميس ، مبارك ،سبت ، ... وهكذا ] وهيتعمل استفتاء عشان الشعب يقول رأيه الحر فى الموضوع ده ..




انا ماقولتـش حاااجـة

كل سنة وانت طيب يا ريس .. وجوازة بالهنا والشفتشي
يا جيمى .. وخللى بالك من جمال يا ديجا .. محدش عارف بكره هيبقي ايه [ كل الشعب اسمه محدش ] هيبقي ايه يعنى ؟



ما علينا .. انا من زمان بقول الناس دول ناس طيبين شوفوا حتى الريس الطيب
عيد ميلاده جى يوم جمعة .. لييييه ؟ عشان ربنا راضي عنه طبعا





وعقبال 130، ولا حتى 140 سنة ، هو يعنى اقل من اللي بيعيشوا 130 ، 140 ولا ايه يلا محدش ينسي هدية الريس .. ممنوع احضار البمب والصواريخ والاقلام " الرصاص " عشان فيه قلق فى المنطقة ...





هاذى باذى يو يو ..
هاذى باذى يويو
هاذى باذى تو ريس ..

هاذى باذى يويووووو
طااااااااااااااااااااااااااااااخ

فى ايـــييه دا انا بغنى .... طااااااااااااااااااااااااااااااااااااااااااااخ

الحقونـــــ....... طاااااااااااااااااااااااااااااااااااااااااااااااااااااااااااااخ

8 comments:

البتاع said...

كل سنة وهو بألف مليون جنية
هههههههه
على فكرة انا برضه بموت فى جوليا بطرس
بس صاحبك ايه اللى بتاع؟
هو فيه بتاع غيرى على البلوجر؟؟
لالالالالا
انا عاملة سجق تجارى
حننصب من اولها
:-)
المهم يافندم انى مش بس جيت
انا كمان ضيفتك على قايمة المدونات اللى بحبها واى خدمة ياعم اسلام :-)

islamz said...

البتاع:
------

هههههههه .. الف مليون جنيه بس
دنتى بخيلة اوى .. ده ريس يا بنتى

ايوة فيه بتاع تانى والله http://el-bta3.blogspot.com/

السجق التجارى بتاعك مضروب يا بشمهندسة ... اقولك فكرة سميها البتاعة .. هههههه
ايه رايك والله جامدة ...

وشكرا على الاضافة كمان :]

وهاذى باذى يويو
هههههههه :]

البتاع said...

لا طبعا مش البتاعة
لانى مش قصدى عليا

انا قصدى عليه هو.....وكل واحد عارف نفسه :-)

لا ياعم انا مش بتاعة
اخص عليك يااسلام
انا اعلى من كده
انا بتاتيع كتيرين مع بعض :-)
بس بجد حرام
هو نجم مألفش غيرها يعنى :-(

islamz said...

طب هديي نفسك بس .. هههههه
وبعدين مهو البتاع ده خلاص جاب بتاع صغير وعجبته بتاعه حوله وهيبقي يوم البتاع العالمى ..

ما علييينا ما عليييينا ...

معلش بقي نجم سبق .. بس بجد بلوجك حلو :]

ونورتينى هنا كمان ..

zizo said...

مع أعتراضنا مع السياسه للرئيس بس أنا معترض علي أننا نعمل شعر علي وزن القرأن
القرأن ياجماعه شئ سماوي ليس له مثيل أنه كلام الله وكلام الله لايشبه به أبدا
وشكرا
http://zezozahkan.blogspot.com/

islamz said...

zizo :
-----

بص بقي يا عم زيزو .. اولا انا مش هفتى واقولك ان ده حلال او حرام لانى معرفش ولكن فى حاجة .. هو هما مشبهش القراءن بالشعر والعياذ بالله ولكن تعالى ناخدها بالمنطق والعقل .. هو مش القراءن عربي ونزل بالكلام اللى أى حد بيتكلم عربي بيقوله .. ومادام استخدام الكلمات للتشبيه او التهكم او توصيل معلومة يبقي كننا بنستخدم الكلمات العربية الدارجة .. لان الشاعر هنا مش بيقول ان الريس ده اله يهنى ولا هو ده القصد خالص لو كنت فهمت كده يعنى ..

زى مثلا لما بنقول الاب رب الاسرة
او رب العمل يعنى صاحب العمل .. ده رايي الشخصى فى الحكاية دى .. اما مسألة حلال وحرام فانا معرفش واللى
يقول مش عارف مش عيب يعنى .. يا ريت تكون المعلومة وصلت
ونورت يا عم زيزو ...

:]

هاذى باذى يويو
هاذي باذى يويو
هاذى باذى هاذى باذى هاذى باذى يو يوووووو ..

طااااااااااااااااااخ ... :]

Esmeralda said...

طاخخخخخ ليه


هى هاذى باذى يويو ديه كلمه ابيحه عدم اللامؤخذه؟؟؟؟؟

islamz said...

العزيزة ازميرالدا ..
-------------

حلوة العزيزة دى ... ههههه اى خدمة ..

لا مش ابيحة ولا حاجة .. دى زى هابي بيرث داى تو يو بس على طريقة كتكوت .. مش ذنبي بقي انك مش بتتفرجى على افلام
ومش عارفة الفنان الفزيييع كتكوت ( محمد سعد سابقا ) اتفرجوا على الافلام بقي وبطلوا جهل .. هههههههههه

حكاياتك على بلوجك مش ممكن بجد تحفة ...

نورتى وعاوز اشوفك هنا على طوووووووووووووول ...

وهاذى باذى يويو ... :]