News

Friday, May 04, 2007

9/0 مبـاراة القــمــة


اللى مشــغول يروح .. الزمالــك جاى ومروح

نكلم زى المعلقين المصرييين بقي يعنى نمد كل الحروف اللى بتتمد واللى مش كمان

احححححم احم .. تك تك تك ... اااعـزااائــى المووشاهدييين اااهلا بيكم كولوكم الناهااااردة بنقااادم تاااعلييق على مباراة قمة قمة قمة يعنى ... واحد هيسألنى ويقولى يا كابتن يعنى ايه قمة ؟ ده سؤال لذيذ .. هقولك يا حبيبي .. قمة يعنى حاجة عالية كده عارف انت زمان لما كان الللل .. الللل ... واخد بالك انت بقي هى دى القمة .. مش فاهم حاجة يا كابتن .. غووووور يااااض انت جاتكوا البلاوى عالم اغبية

نعوووود اعزااائى المشاهدين وياريييت بلاش اسئلة ..
مباراة القمة النهاردة بين الفريقين العظيمين .. يعنى الاثنين من العظام
مش عظام بتاعة البنى ادم دى لا لا عشان متوهوش منى .. عظااام يعنى الللل ... اللللل .. واخدين بالكم انتوا هه

صوت عالى اوى : مباراااااااة الزمااااالك وبنى سويف تشجييييييع حااااااد من حوالى اربع مشجعين رايحين جاين فى الاستاد كله ما شاء الله عملوا منظر فى المدرجات .. هما دووول والله الجماهير اللى تفرح بجد .. جماهير جماهير يعنى ...

تبدأ احداث المباراة بين الفريقين العظام اوى

الزمالك واااا تليفووووناااات بنييييي سويييييييف طبعا المباراة صعبة على الفريقين فريقين كبار ومش سهل انك تتوقع خصوصا انهم بيضموا لعيبة لعيبة يعنى


حارس مرمى بنى سويف ..
شايفين اسد فى الجون واكنه بيقول : انا عاوز راجل يعدى من هنا وانا افرجه


جمال حمزة بيعيط تقريبا وهو متأثر وخايف وبيقول يا حليم انا خااايف حليم بيقوله متخافش جمد قلبك
حمزة : لا يا عم انا عاوز ارووووح لأووومى



اممممم انا مزنوووق اوييي هو مفيش حمااام هنا ولا ايه امممممممممممح


اللعيب اللى على الارض : هو الواحد ميعرفش ينامله حبة فى ام الملعب ده ولا ايه خد هنا يا عم الحاج
جمال حمزة : هيييلا هوب والله لو كعبلتنى لاقول لاووومى .. هييييييه جوووووون جووون جووون جووون


كابتن كابتن .. استنى يا كابتن .. هييييييه جوووون



حازم امام : حلو اوى كده يا رجاله بس يا حليم متاخدش الكورة على صدرك عشان انت عندك كحة

وانتهت المباراة بنتيجه غييير متوقعة فووووز تاريخى 0/9 فاز الزمالك على العملاق تليفونات بنى سويف وبهدل بكرامته الارض يا سلااااام لأ فوز فوز يعنى ...

مبروك يا زملكاوية الفوز الغالى على التليفونات .. وعقبال كل سنة






يا حول الله يا رب ما صدقوا فرحوا بتسعة صفر على تليفونات بنى سويف
الله يسهلو يا عم ... ومفيناش من زعل ...



******

12 comments:

Amr Ahmed said...

ياعمم ايه ماتش السلة ده

وبعدين انت فين ياعم انتتتتتت



مبتسالش كده خالص

islamz said...

عمووووووووووووووووووووووور :
---------------------------
ياااااااااااه انت واحشنى اوى يا واد انت والله انا مش بدخل كتير عشان المذاكرة وقرفها بقي .. ادعيلى والنبي يا عموور .. وسيبك من ماتش السلة الفيزيييع ده

هو ده ماتش القمة ههههه قمة الكوميديا

وربنا معاك فى مذاكرتك .. وابقي اسأل يا عم انت

ونورررررررررررررت اويييييييييي يابو العمامييير ... حلوة ابو العمامييير دى :]

البتاع said...

ده ماشت مش ماتش
!!!!!!

منهم لله جابولنا الكلام

عموما لو الموضوع فيه كفاله مشجع وبتاع
انا معنديش مانع
بث انا ليا ثروطى فى البيت اللى اتكفل فيه

اه عثان يبقى ثغل على ميه بيضا

ربنا معانا كلنا فى اماتحناتنا يارب

islamz said...

البتاع :
-----
يا بنتى اسمك ايه لحسن انا اتلخبط خالص ... ايه ده هو انتى زملكاوية اهلا اهلا اهلا
انتى بث اختاري البيت اللى على مثاكك
واحنا نتحايل على اهله ... ههههههه

يا رب يسمع من بقك ربنا ونعدى الامتحانات على خير ...

تحياتشي لحد ما اعرف اسمك :]

البتاع said...

بص هو فيه ترشيحات انى اسمى نفسى البتاعة

بس انت يرضيك يعنى؟؟

اهئ اهئ اهئ

وبعدين يالئيم عاوز اثمى عثان تبلغ عنى؟؟

لا ياعم انا ماليث دعوة
ثم تتحايل على مييييييين؟؟
ده انا اى ىىى حد يتمنى بس امضيله اتوجراف

قال تتحايل قال

وبعدين سوزى مش حتقول العيال كبروا ياحووووووسنى


دى حتقول العيال عجوزو ياحوسسنننننننى

اسندنى يااخويا

islamz said...

البتاعة :
--------
تصدقى اسم جامد بس انا اول واحد قلتلك عليه مليش دعوة بقي ...
اااه واااه من سوزى بعد ما نفت فى المنديل حطته فى جيب الراجل تانى ..

دى عالم مقرفة يا شيخة .... معكيش منديل
ااااااااتسييييييي ...

منك لله يا سوسى :] عديتى البلد

البتاع said...

الاهلى بيلعب مع بتروجيت حالا حالا
قيد كتابة هذه السطور


طبعا لان الفانلة بتاعت الزمالك بيضا زىىى قلوووبهم

فأنا بالاصالة عن زملائى بتمنالكو نجاح ساحق

يالا ياعم اى خدمة :-)

بس برضه شايلاهالك فى قلبى موضوع بتاعة دى

انا لو سميت نفسى اسمى نفسى فاتينيستا
هههههههههههههههههه

صحيح استخبى عشان سوسى طلع عندها حصبة المانى مش بس برد

البتاع said...

طبعا ياسمسم مش حتكلم على اداء الاهلى فى الماشت امبارح

وخلى الطابق مستوووور
;-)

حائر في دنيا الله said...

حلو اوي
حلو خالص

معاتش إلا الأهلاوية اللي مبيتغلبوش خالص يتكلموا، عمرك في حياتك شفتوا فريق ما بيتغلبش، إلا إذا كان فريق عفاريتي بقه

واتريق يعم براحتك احنا عندنا روح رياضية ومش هنزعل

:)

البتاع said...

يالهوى
انت فين ياعم
الاهلى فاز مبروووووك

انت فييييين؟؟

islamz said...

بتاع او بتاعة او فاتينيستا مستقبلا :]
----------------------------------
اولا معلش على التأخير فى الرد انتى عارفة المذاكرة .. متجبيليش سيرة بتروجيت بقي عشان انا قرفت من الماتش ده والله ..

وايتتريقي على سوسى مااااشي .. بكره تتمسكى ولو حد سألنى هقول معرفكيش :]

شوفتى الجدعنة بتعة ولاد البلد :]

وانا طبعا فرحااان جدا بان الاهلى اخد الدورى لتالت مرة على التوازى :]
لكن انا مش هقول مبروك الا بعد اخر ماتش مع الاسماعيلى ان شاء الله ..

لسه تلات ماتشات الاوليمبي والزمالك والاسماعيلي نقطعهم " ان شاء الله " وبعدين نبارك بقي

:]

منورة والله :]

islamz said...

حائر :
-----

انت شكلك كده بتتريق انا هعديها المرة دى علشان انا جاى مـتأخر :]

وطبعا احنا مبنتغلبش حد عنده مانع :] وربنا يستر بقي ..

نورت يا باشا :]