News

Wednesday, May 16, 2007

مـشـمـحـتـرمــ



صورة وبقت بتتكرر .. من لاعبي مصر خاصة .. وهى سوء الاخلاق الرياضية
سواء مع المدربين او حتى مع بعضهم ..جوه البلد او المحترفين
حاجة اخر قلة ادب .. فاكرين " ميدو " فى كاس الامم الافريقية
لما كان ناقص يضرب حسن شحاتة لما غيره .. المفروض ميدو كان يتعمل قرار بوقفه عن
المشاركة فى اربع خمس مباريات رسمية مع المنتخب علشان يتعلم الادب
لكن كل اللى حصل انه دفع غرامة وملعبش اخر ماتش فى كاس الامم


******

يقلده زميله فى توتنام ويعمل عمله سودة فى وش كل مصري
" حسام غالى " اظهر غضبه من تغيره بعد 30 دقيقة فقط من نزوله ارض الملعب
بأنه قلع قميصة ورماه على الارض .. وتصرفه ده خلى كل الجماهير تهتف ضده
وعلى الموقع الرسمي بيطالبوا برحيله .. هو غالى فاكر اللى عمله ده فى وشه هو لوحده يعنى لا طبعا ..
ده فى وش الرياضة فى مصر وفى اى بلد عربي
لما نديهم انطباع عن اخلاقنا الرياضية بانها بالمستوى ده






******


ومن ضمن المحترفين فى الدورى التركى بشير التابعي وابراهيم سعيد
وشوفوا الحلاوة بقي ان الاتنين اطردوا فى ماتشهم الاخير مع ناديهم ريز سبورت
فى اقل من 20 دقيقة بشير اطرد الاول واتسبب فى ضربة جزاء وبعده على طوول ابراهيم سعيد
اللى قرفنا فى مصر اهلى وزمالك ومشاكل مش بتخلص شعر احمر وازرق واخضر
اطرد هو كمان عشان الجمهور التركي يلعن ابو اليوم اللى شافهم فيه



******

أحمد غانم سطان فى ماتش الزمالك مع الحرس
تم طرده لتعديه بالضرب على لاعب الحرس احمد عيد عبد الملك


منتهى السفالة الرياضية والهمجية .. انا على فكرة مش بهاجمه علشان
انا اهلاوى .. انا مش راضي عن التصرف نفسه ومستنى قرار اتحاد الكرة عشان المهازل دى تقف








وده عبد الحليم على اتعمد انه يدوس على لاعب السويس
بالذمة هى دى الاخلاق الرياضية ..

نفسي اسأل سؤال .. ليه لاعــيبتنا بقوا مش محترمين ؟؟؟


اللاعب مش مهارات وبس .. اللعب اخلاق قبل اى حاجة
واللاعب اللى عاوز يسيب بصمة عند جمهوره لازم يحترم نفسه عشان الجمهور يحترمه

ويفتكره بالخير


******


4 comments:

AHMED SAMIR said...

عارف هم ليه بيعملوا كدة؟
لان معظمهم عمل كدة من قبل ومحدش كلمهم ولا قال لهم ايه اللي بتعملوه دة
واللي معملش كدة....شاف غيره عمل افظع ومحدش عاقبه
اللي خلاني اعرف فداحة خطأ حسام غال تعبير على وجه مشجعة انجليزية مسنة كانت بتتفرج ع الماتش في الاستاد وارتسم على وجهها كل علامات الذهول والصدمة والرعب من تصرف غالي
ساعتها بس حسيت هو ضرنا كلنا قد ايه
موضوع فعلا جميل
تحياتي واحتراماتي

islamz said...

سمير :
----

طب وتفتكر لحد امتى هيفضل ده فكر اللعب المصري واخلاقه .. وتفتكر ان العقوبات هى اللى هتخليهم يتغيروا عشان يغيروا الفكرة السودة عنهم وعن بلدهم ولا الحكاية دى وقتها راح خلاص والامل فى الاجيال اللى جاية زى ما بيقولوا :S

متشكر يا عم سمير على كلامك .. ونورت البلوج :]

البتاع said...

ايه ياسمسم؟؟
انت فين كل ده؟
قلقتنى عليك جدا جدا بجد
امتحانات ايه ياعم ؟
ماانا عندى امتحان يوم الاحد الجاى ده ومفتحتش ورقة ومعرفش اسم المادة
عادى يعنى حسقط؟؟؟
طظظظظظظظظ
المهم مصر تعيش :-)

بالنسبة للى انت كاتبه طبعا عندك حق وحاجة تأرف لما تلاقى ده بيحصل فى حين اننا لما بنقول تسامح بنقول روح رياضة مش روح تجارية ولا طبية
!!!!!!!!

وكمان خد عندك تهزئ عصام الحضرى وشتمه لصحفى المصرى اليوم
وازاى النادى معملوش حاجة وجه عالصحفى رغم انه كان المفروض عصام يتسحل غرامة ومنع من ماتشين كده تأديب

مش عارفة اقول ايه
بس هو انا محترمين فى ايه عشان نبقى محترمين قى الرياضة؟؟؟
عندك موضوع بمها بين اد ايه المصريين شاطرين جدا فى انهم يخبو ديولهم
مكانش باين علينا خالص اننا حمير ولا بقر
الديل مختفى بعناية

انا قلتها كلمة
هى بلد عاوزة مصنع بنزين وعود كبريت واحد وتنضف

عود احمد ياسمسم
ومتبقاش تغيب كده

islamz said...

بتاعة :
------

يا بنتى منا لازم غصب عن بوز اهلى اذاكر عشان اخلص بقي اخر سنة عقبال عندك ونفسي ابطل مذاكرة بقي .. ومتجبيش سيرة السقوط بقي عااااااااااااااااا

روح رياضية مين اللى عند اللعيبة دى اى حاجة تانية غير روح رياضية .. روح امهم على ما اعتقد .. ايه الكلام الوحش ده مش عيب ...

وهو عصام الحضري لوحده مهو عماد متعب ضرب ظابط فى حملة مرور وعدت الحكاية واشطة يعنى بس لغاية امتى هنقول اشطة
انا عن نفسي زهقت ..

وحياتك انتى هما مبقوش مخبيين الديل ولا حاجة بس عارفة بقوا عاملين هبل كل واحد عامل انه مش شايف ديل التانى والتانى مش شايف ديل الاولانى وقضيها الناس لبعضيها ...

خلينا ساكتيييين ...

وذاكرى كويس وبطلى لعب بقي امتحانك خلاص قرب :] " قول لنفسك يا خويا " هههههههههههه

وطمنينى عليكى على طووول

نورتى يا قمر :]