News

Friday, May 25, 2007

الدورى تلات الوان




دلوقتى اقدر اقول مبروووك الدورى يا اهلى .. صحيح اتغلبنا اخر ماتشين
ومع مين الزمالك والاسماعيلى يعنى بطولات خاصة غير الدورى لكن كسبنا شيء اهم
وهو معرفة نقط الضعف فى الفريق بجد وكسبنا ناشئين جداد زى محمد سمير فى الدفاع وعبد الاله جلال فى الدفاع برده
واحمد جلال فى الهجوم ونانو خط وسط .. احنا محتاجين تدعيم لمراكز كتير ونج شمال مع شديد قناوى
لان طارق السعيد لا يصلح للعب اصلا
.. وشديد قصير ينفع فى ماتشات معينة ولو جيلبرتو رجع لمستواه

وده اللى اشك فيه لطول فتره غيابه يبقى محتاجين فعلا ونج شمال مع احمد شديد
لانى بأمانة اتخنقت من طارق السعيد ده .. انا شايف ان عادل امام ونج شمال الاوليمبي مستواه حلو اوى بس عيبه انه قصير برده .. وبصراحة بعد ماتش النهاردة مع الاسماعيلي وبرغم من الخسارة الا
انى بجد بقيت واثق جدا فى مستوى امير عبد الحميد متألق متألق متألق ( تلاتة متألق ) مستواه بأه احسن كتير
برغم قلة الماتشات اللى شارك فيها الا ان جهده فى التدريبات واضح .. خط الدفاع وصخرته وائل جمعة ومعاه احمد السيد وشادى محمد
واتوقع لمحمد سمير وعبد الاله جلال انهم يظهروا الموسم القادم بقوة كدعائم للدفاع ..خاصة بعد ظهورهم المتألق فى ماتش الاسماعيلي
احمد عادل الونج اليمين صفقة فاشلة تماما واحمد صديق احسن منه 100 مرة اسرع وشايف الملعب احسن بكتير
وبيعرف يحرك الجنب اليمين كويس بصراحة بيفكرنى بابراهيم حسن احسن ونج شمال كان فى الاهلى وفى دلوقتى طبعا اسلام الشاطر
خط الوسط موجود فيه النجم محمد شوقى ومعاه حسن مصطفى وبوجلبان اللى لازم ينسجم مع الفريق اكتر من كده شويه
وطبعا حسام عاشور
نيجى بقي للمربع الذهبى تريكة وفلافيو ومتعب وبركات وبصراحة الاربعة روعة
... بلال انا مش مصدق ان ده بلال هداف الاهلى السابق .. ده ولا حتى حصل بطة بلدى بتلعب
وزنه زاد اوى ومحتاج مجهود اكتر من كده عشان يرجع لمستواه الدلع وشارة الكابتن مش هينفعوك يا بلال
.. صفقة تانية فاشلة للاهلى وهى عبد الحميد حسن انا مش شايف انه عمل اى حاجة
للاهلى لحد دلوقتى ولا كان فذ للدرجة ان الاهلى يتعاقد معاه وهو فى السن ده !!!!! ونفسى اعرف سبب التعاقد معاه

اتمنى ان صفقات الاهلى اللى جاية تكون بتأنى اكتر احنا عندنا ناشئين زى الفل .. نديهم الفرصة وبس وهما هيقطعوا
نفسهم عشان يظهروا كويس والاهلى هيستفيد والمنتخب هيستفيد ويزيد عدد المحترفين بره وده هيرجع علينا بفايدة كبيرة اوى
مش رايحين نرجع اللى احترفوا تانى للدورى المحلى .. حررااام .. اخر كلمة
انا ومع انى زعلان من خسارتنا من الزمالك والاسماعيلي الا انى مع قرار الراحة السلبية لنجوم الاهلى
وهتشوفوا انها هتفرق فى مستواهم كتير اوى ومننساش اننا لسه عندنا كاس مصر ودورى ابطال اقريقيا
ومحتاجين مجهود كل واحد منهم .. وقرار الراحة السلبية سليم 100% برغم اعتراض كتير من الجمهور علي القرار ده
الا ان جوزيه كان شجاع فى اتخاذه والاهلى كان محتاج لاختبار زى ده عشان يفوق نسه كده ويشوف هو محتاج ايه
وتحياتى لكل الاهلاوية ومبرووووووووووك الدورى لتالت مرة على التوازى .. ههههههههههه
اوووووووووووووووه اهلاوييييييييييييييييييى




مبروك عليك يا زمالك المركز التانى بصراحة انا حاسس ان الزمالك بدأ يفوق ويرجع تانى
زى زمان والدورى كده هيبقي احلى الزمالك عنده لاعيبة ممتازين والادارة بدأت فى الاستقرار
اتمنى للزمالك كل التوفيق ... ويرجع تانى لمنواشاته مع الاهلى ..
مبروك يا زملكاوية



مبروك يا اسماعيلى تالت الدورى .. مستوى الاسماعيلي رائع بتشكيله اللاعيبة الموجودين دلوقتى
اتمنى ان الاسماعيلي ميبعش اى لاعب ويفضل لاعيبته عنده وده هيخلى الانسجام بينهم يزيد اكتر ويفهموا بعض اكتر واكتر
وبكده يقدروا ينافسوا فى كل البطولات ..
ملحوظة : محمد فضل انجح صفقات الدورى المصري
واثبت فعلا انه مهاجم ممتاز ...
الف مبرووك للاسماعيلي

وانتهى الدورى اللى المفروض ممتاز نهاية طبيعية جدا ... وخلصنا من القصة دى

*******

سبحان الله مش الناس دووول برده اللى بيلعبوه اسمه كورة ولا حاجة تانية
فى نفس الوقت اللى بينتهى فيه دورى مصر ..

انتهت اول امبارح مباراة فى قمة الروعة





شهدت اثينا قمة بين العملاقين الميلان الايطالى وليفربول النجليزى على
دورى ابطالى اوروبا 2007 ..









وعلى طريقة المعلقين الرياضين المصريين الرخمين اللى في الماتشات تايهين
ولا عارفين ده من ده وكل واحد أودامه كراسة بينقل منها .. وسايب الماتش زى ماتيجي تيجى
وابسط مثال الكابتن حمادة امام على الرغم من انى بحبه جدا الا انى نفسه اقوله يبطل تعليق
فى ماتش الزمالك بيقول على هنرى ميشيل .. هندى ميشيل
وانيس بوجلبان .. وليد بوجلبان وغلطات كتيير تعصب الواحد
وغيره وغيره من المعلقين بالاكراه ... اتمنى فى الموسم الجديد نشوف حل للحكاية دى
استنوا استنوا انا لقيت حل طارق السعيد يبطل كورة ويعلق على الماتشات
والله مسخرة الواد ده فى التعليق على الماتشات وادى الدليل




وعلى طريقة هشام رشاد ... انتهت رسالتنا الرياضية اعزائي المشاهدين

******

واسيبكم مع اغنية بجد عجبتنى اوى بالرغم من انى اشك انها تابعة للحزب اياه
والاغنيه ذات نفسيتها فيها تناقضات غريبة الا ان ده مش موضوعنا
دى اغنية شيرين ... مشربتش من نيلها ... انا عجبتنى وقلت اسيبهالكم تريح اعصابكم






خلاص ريحتوا اعصابكم ... تمااااام ادعولى بقي عشان انا عندى امتحانات الاسبوع اللى جاى
وده اخر تيرم ...
امنيتك لوحدها انى انجح مش كفاية اتبرع ولو بدعوة
...


وأشوفكم على خير
,,,,,,


8 comments:

البتاع said...

اولا بما انك طلعت ذوق كده
وقلت مبروك للزمالك
يبقى الفين مبروك للاهلى ياعم

بس فعلا انا حسة ان الزمالك عاوز يتغير
ويرجع تانى زمالك زمان
ربنا يسهل
ويجعل الشفا على اديك ياهنرى ياابن ميشيل يااخويا يارب

بس المشكلة ان الاهلى هو اللى بقى فيه مشكلة من ماتش برشلونة وهومش عاجبنى
لا ابوتريكة هو
ولا متعب هو
وعلى رأيك بلال تخن فعلا
وجوزيه نفسه حسة انه.....مش عارفة
بس عاوز يمشى مثلا؟؟
المهم انه مش مريحنى

كفاية كورة بقى
اغنية شرين حلوة
بس بدايتها تبضن
نيلها ايه وشرب ايه؟؟
لكن لما ازعل منها اه بمشى فى شوارعها وبشكيلها انا معاها فى النقطة دى
عموما انا مسمعتهاش للاخر

بالنوسبة بقى لامتحاناتنا

انا عندى امتحان يوم التلات الجاى
عاوزة دعا من نار ياسمسم

اه والنبى احسن الدكتور ده غلس بن غلسة ومستقصدنى

ويـــــــــــــارب تتخرج السنة يااسلام ياابن ام اسلام يارب
حلو كده؟؟؟

خلينا نشوفك كده يابرنس ونورتنى زى ماانا اكيد منوراك
هههههه
تحياتى

islamz said...

يا ستى الف مبروك للزمالك وان شاء الله يرجع زى الفل واهو كله فايدة للمنتخب

ماتش برشلونة بالتأكيد اثر نفسيا على لاعبي الاهلى لانهم اعتبروا الهزيمة التقيلة دى اهانة قاسية خصوصا فى وسط مجتمع مبيفهمش فى الكورة غير ان لو الفريق كسب يبقي حلو ولو خسر يبقي زبالة وابن ستين فى سبعين

اتمنى كل لاعيبة الاهلى بعد الاجازة يرجعوا لفورمتهم ومستواهم ..

واتمنى كمان انى اذاكر واتنيل اخلص امتحانات بقي ... عشان زهقت بجد :(

ملحوظة زعننتتة : يا ريت يا بتاعتنا الجميلة نبعد عن الكلام اللى مش ولا بد فى التعليقات .. فهمانى يا أروبة ..

وطبعا منورة على طووول وهدعيلك كمان يوم التلات بس ادعيلي يوم الاتنين بقي

يا رب وفقنا ياااااااااااا رب :]

وتوارد مدونات زى ما بتقولى ههههههه

islamz said...

يا اهالى التدوين الكرام اسمعوا وعوا ..
اللى عاوز يفحت الموضوع ده
يروح على اللينك ده ...
وهنيالك يا فاحت الخير والثواب ...

:]

http://www.ef7at.com/story.php?id=369

Amr Ahmed said...

ياعم ربنا يوفق الزمالك وياخد كاس العالم لمراكز الشباب

اما جماهير الاسماعيلي
وسفالتهم ضد الاهلي كالعادة

فمش مبروك للاسماعيلي علي اي حاجة

ياعم دول فرحوا انهم كسبوا الاشبال

دول عندهم حقد فظيع ضد الاهلي

Tamer Nabil Moussa said...

ازيك يااسلام

اخبارك اية

بوست عشرة على عشرة

وياريت الروح الرياضية الحلوة دى تكون عند الجميع


تحياتى

غمض عينيك said...

فعلا انا معاك..الاهلي كان بجد لازم يريح اللعيبة الاساسيين حتي لو كانت الماتشات اللي فاضلة مع الزمالك والاسماعيلي
مدونتك ظريفة اوي
دي اوب زيارة ليا وانشاءالله مش هتكون الاخيرة
تحياتي

البنت الشلبية said...

ايه ده انت روحك رياضية اوى كده ليه!!

عامة مبروك للزمالك الجميل بمناسبة انى زملكاوية
ومبروك للاسماعيلى الجميل برده لانه بيحب الزمالك

وهارد لك الاهلى فى آخر تلات مباريات اخرهم القادسية الكويتى

سلام

ذو النون المصري said...

انا لست من هواة الكره المحليه
لذا فلا تعليق عندي