بعيدا عن مؤامرات الشعب ضد الشرطة التى
باتت مسلسلا مكررة احداثه يتخيلها ويحيكها كل من له علاقة
بالشرطة من قريب او من بعيد
.. وبعيدا عن جرائم التعذيب التى تتنصل منها الشرطة
مرة بعد الاخرى .. ويكون ضحاياها بالغين قد يكونوا اذنبوا فى حق الشرطة
وقد يكونوا غير مذنبين .. ولكن على الاقل نالوا بعض حقهم من الدنيا
على الاقل هم بالغين ..
اريد ان اعرف ولن اتهم الشرطة او اي من احهزة الامن التى سوف تنكر بالطبع اى علاقة لها بالموضوع لا اتهمكم ولكن استحلفكم بالله من قتل هذا الصبي محمد ممدوح بهذه الطريقة البشعة
اريدكم ان تحددوا موقفكم وكفى تنصلا لا فائدة منه ولا طائل الا مزيد من السخط عليكم
هذا الطفل دخل سليما الى القسم وخرج محروقا مقطعا الى مستشفى الصدرليس هذا هو الشاب الذى اتهموا الشرطة بحرقة لاجبار اخوه على الاستسلام وتسليم نفسه
ولكنه فتى يبلغ من العمر 12 سنة .. حد يقولى طفل عنده 12 سنة ممكن يعمل ايه يوصل
اللى قدامه انه يعمل فيه كده .. انا مش قادر حتى اقول حرام
ده مش حرام .. ده كفر .. وبكررها ده كفر ..
لما طفل يموت محروق ومتقطع بدون اى جريمة عملها يبقي اسمه ايه
لما طفل يكسر عضمه وهو حى .. ويتحرق ويتفتح جنبه وهو حى ده يبقي اسمه ايه؟
اريد اجابة من المسئول عن مقتل محمد ممدوح ..
واتوقع خروج وزير الداخلية المبجل برد على مصراوى ولا فى الاهرام
يشجب ما حدث للطفل محمد ويستنكر ان يكون حدث هذا فى قسم من اقسام الشرطة ويعد بمتابعة شخصية لمجريات الحدث
حسبي الله ونعم الوكيل ..
*****
تحديث ... والدة الطفل تتحدث عما حدث لابنها
منذ خروجه سليما وحتى عودته جثة هامدة
محروقة مكسرة ومقطعة
-----------------
********
اريد اجابة من المسئول عن مقتل محمد ممدوح ..
واتوقع خروج وزير الداخلية المبجل برد على مصراوى ولا فى الاهرام
يشجب ما حدث للطفل محمد ويستنكر ان يكون حدث هذا فى قسم من اقسام الشرطة ويعد بمتابعة شخصية لمجريات الحدث
حسبي الله ونعم الوكيل ..
*****
تحديث ... والدة الطفل تتحدث عما حدث لابنها
منذ خروجه سليما وحتى عودته جثة هامدة
محروقة مكسرة ومقطعة
-----------------
********
15 comments:
الصور تقطع القلب
وامه صعبت على جدا وهي بتتكلم في قناة الجزيرة
المجرمين طلعوا بيان قالوا انه مات خارج القسم بسبب التهاب رئوي
منتهي الصفاقة حتى في الكذب مش بيعرفوا يرتبوا كذبتهم كويس
ربنا ينتقم منهم جميعا
حسبنا الله ونعم الوكيل
منذ الأمس وأنا في حالة نفسية سيئة جدا بعدما شاهدت التقرير والصور على العاشرة مساء وظهور مساعد وزير الداخلية بدم بارد وجلد سميك ينفي أي تعذيب حدث للطفل
لأ انكر فعلا ان هذا الموضوع أثر فيا بشدة عن مواضيع اخرى كثيرة
وللمرة الاولى اجد العاطفة تجعلني عاجزا عن ممارسة اي شيئ وتؤثر هذا التأثير المباشر
فليرحمه الله ويصبر اهله ولياخذ المجرم عقابه وليس هذا على الله بكثير
بيلا
---
امه مش حعارفة تقول ايه .. مش عارفة ابنها ليه حصل فيه كده .. ابنها عنده 12 سنه يحصل فيه كده ويتقطع ويترمى قدامها بالمنظر ده ..
دى مش صفاقة ده كفر صدقينى اللى عمل كده لا بيخاف من رب ولا من عبد .. ده بنى ادم من غير قلب ولا احساس مهما كان الطفل ده عمل ايه لو قتل حتى ميتعملش فيه كده
يتحاكم مش يتقطع ويتحرق
... انا لحد دلوقتى مذهول .. ده لو كان جاسوس على مصر كانوا عاملوه بطريقة احسن من كده ..
عزيزى شقير
--------
منذ رايت هذا التقرير وانا فى حالة احباط شديد صدقنى لو قلتلك انا عندى امتحان ومش عارف اذاكر .. صور اطفل قدام عينى .. لا اعلم كيف يأتى لهؤلاء الاقذار قلب للانكار والنوم مرتاحى الضمير
كيف يقضون يومهم بلا تفكير ولا عذاب نفس .. فعلا ليس على الله بكثير ان يعاقبهم بما فعلوا .. ونعم بالله ولكن الله امرنا بالقصاص .. وقال فى كتابه الكريم .. ولكم فى القصاص حياة يا اولى الالباب ..
عذاب الاخرة لهم باذن الله يحرقوا كما احرقوا هذا المسكين .. ولكن اين قصاص الدنيا .. لهذا الطفل حق فى اعناقهم
وحرام ان يضيع ..
كان ممكن يعنى تعرض الصور من غير ما تهين إنسانيه صاحبها مش الحكومه هاتنتهك حقوقه و تعذبه و أحنا المدونين نتهك حقوقه و نعرض عوراته أعتقد أنه فيه صور تبين التعذيب و ميبنش فيها عورات الأنسان ده يا جماعه أنتو بتعرضو صور أنسان مش صور حيوان المشكله أننا بننتهك حقوق الأنسان من غير ما نعرف ياريت تراجع تقرير الأمم المتحده ألى فات بتاع حقوق الأنسان و تشوف الصور بتتعرض أزاى من غير أى انتهاك حقوقى
cruel world
-----------
لم ياتى فى مخيلتى عند عرض هذه الصور
ولو حتى اى خيال عن موضوع الانتهاك ..
فالصور لا مجال لانتهاكها فى منتهكة اصلا ..
ومن وجهة نظرى يجب عرضها لبيان مدى بشاعة الحادث .. ولم اعرض بالطبع كل الصور التى لدى وفيها ابشع من ذلك
عند كتابة الموضوع وانا غاضب ومستاء من قتل طفل حرقا وتقطيعا لن اذهب للبحث عن كيفية تحضير الصور للموضوع تبعا لقرار الامم المتحدة فقد ذهلت من الصور ورايت انه من واجبى نشرها كما هى لبيان بشاعة الحادث .. والا فما الفرق بينى وبين جرائد الحكومة التى ان عرضت تعرض صورة وجهة وهو عنده انفلونزا وتقول تانى الموت بسبب التهاب رئوى .. لم اقصد الاهانة بل قصدت المساعدة فى نشر الموضوع دون اى تهوين ..
اتمنى ان تكون فهمت وجهة نظرى .. وشكرا
ادعي عليك بايه يا اسلام
نكدت عليا علي الصبح كدة
الصور تقطع القلب
ولالفيديو كمان صعب اوي
بجد مش لاقية كلام اقوله
حسبي الله ونعم الوكيل
حسبي الله ونعم الوكيل
حسبي الله ونعم الوكيل
عايزة اصرخ يا اسلام
الى من سمى نفسه صلعم الحادا وكفرا بالله والرسول .. ليس بيننا مجال للمناقشة
وانت غير مرحب بوجودك على مدونتى
سوف اترك تعليك لاجل ان يعرف الناس كفرك والحادك .. فانت وامثالك واجب فضحهم ..
واكررها مرة اخرى انت غير مرغوب فى وجودك
هنا وارجو عدم التعليق مرة اخرى ..
سمرا
---
الصور دى انا خايف يجى علينا يوم نبص عليها وتبقي عادة بالنسبة لنا
الصور دى اتكررت كتير اوى ..
وكل مرة حالتنا بتسوء فترة وننسي
خايف نتعود على المنظر ده
انا كمان مش لاقي ملام اقوله يا سمرا
بس انا ملييش ذنب . وكان لازم انشرها
يمكن اكون بعمل حاجة صح يرجع بيها حق اللى مات ده ..
اسلام
الى متى هذة الحقارة الى متى
انا تعبت
وكلنا تعبنا
متى تنتهي هذة المأساة
شكرا على نشرك للصور واحييك
رغم قساوتها فهي تفضح الكثير
تحياتي مع كل اسفي
سدرة .
-----
شوفى يا سدرة .. تنتهى هذه الحقارة بانتهاء عهد الحقراء .. لا شيء ينهيها غير ذلك ..
شاهدت التقرير على الجزيرة توك وحقيقة لا يوجد اي كلمات يمكن ان تصف الوضع
sudan halls
-----------
بل توجد كلمات .. ولك كلها وضيعة وحقيرة
بشاعة وقذارة وتسلط وهمجية وقلة رحمة
اما زلت لا تجد كلمات ..
تحياتى لك صديقي
Post a Comment