News

Sunday, September 30, 2007

امبارح كان عمرى عشرين


امباااارح كان عمرى عشريييين
والنهاردة واحد وعشرين ...

النهاردة بكمل واحد وعشرين سنة ..
واحد وعشرين سنة فى الدنيا

واحد وعشرين سنة بتعلم وبتكلم
واحد وعشرين سنة بناقش واجادل
واحد وعشرين سنة بتـناقش واتجادل
واحد وعشرين سنة بتعرف على ناس
واحد وعشرين سنة بفهم او بحاول افهم
واحد وعشرين سنة مواقف حلوة او وحشة

واحد وعشرين سنة بحتفل بمرورهم

مش عارف هل الاحتفال لانى مبسوط انهم خلصو ولا الاحتفال بقي عادة

واحد وعشرين سنة مؤمن بالله وسيدنا محمد .. هل ضمنت الجنة ؟

واحد وعشرين سنة بحاول افهم انا عاوز ايه
واحد وعشرين سنة عرفت ناس كتير اوى بس لحد دلوقتى الاصحاب اللى بجد قليلين
واحد وعشرين سنة ابويا وامى بيعلمونى ايه الصح وايه الغلط
واحد وعشرين سنة اعتقد انى كنت ابن بار .. الا من بعض المناوشات العادية
واحد وعشرين سنة مروا .. فاكر زى اى طفل اول يوم مدرسة
فاكر اول هدية جاتلى من بابا - وانا واعى يعنى ايه هدايا - وانا عندى 4 سنين تقريبا
ولسه عندى لحد دلوقتى .. طول عمرى وعيد ميلادى مش ليا لوحدى
بس انا مش زعلان بالعكس انا فرحان لان عيد ميلادى بتشاركنى فيه

اقرب حد ليا فى الدنيا .. بتشاركنى فيه اختى - احنا توينز لمؤاخذة - بس هى احلى طبعا
كل سنة وهى طيبة .. لانها بجد طيبة

وطلعلى كمان فى بختى ويوم عيد ميلادى صاحبي اللى معايا من يوم ما دخلت المدرسة
محمد طارق .. او دكتور طروووق حبيب قلبى هو كمان عيد ميلاده النهاردة
كل سنة وهو طيب وبالف خير ..

خلصت واحد وعشرين سنة .. يا تري هكمل زيهم
ولا قبلهم هيجيلي القدر ويقولى

" عفوا لقد نفذ رصيدكم " وساعتها بقي مفيش كروت شحن

******

20 comments:

البنت الشلبية said...

كل سنة وانت طيب يا راجل يا طيب ودايما اقرب فى الطاعة الى الله
وربنا يوفقك فى حياتك ويحققلك كل الى تتمناه
وربنا يبارك فى عمرك انت واختك
بس هيا فين التورتة والحاجة الساقعة؟
كل سنة وانتو طيبين

. said...

لأأأأأأأأاااااااااااااا
اسلام انا بقالي 3 ايام بقول هخش ع النت عشان ابقى اول حد يقولك كل سنة وانتا طيب
لا كتبت بوست كمان لأه مليش دعوة
كل سنة وانتا طييبييييب
انتا عارف الدروس والمذاكرة وخداني معلش بقة متزعلش مني
كنت عايزة اعمل سيربريزززز
بس باظت بقة
يله خلي بالك من نفسك وكل 20 سنة وانتا طيب

ALiaa said...

رصيدك لسة موجود في الحفظ و الصون...دي حاجات بتاعة ربنا و كل سنة و انت طيب

islamz said...

البنت الشلبية
------------
وانتى طيبة وبالف خير يا رب
ربنا يخليكى ويبارك فيكى انتى كمان
وبالنسبة للتورتة والحاجة الساقعة مرضتش احط حاجة عشان الصيام وكده :]

بس ملحوقة هبقي احط بعد الفطار واشيل بعد السحور هههههههههههههههههه

منورة :]

islamz said...

سدووورة
-------
وانتى طيبة يا سدورة والله فيكى الخير
انا المهم عندى انك تذاكرى وتشدي حيلك
ويا ستى السيربرايز وصلت
كفاية انك نورتى هنا :]
خلى بالك من نفسك ومن مذاكرتك ..
وطمنيني عليكى باستمرار

سلاااامز :]

islamz said...

عليااا
------
ربنا يخليكى وزى ما قلتى دى حاجات بتاعة ربنا ..
وليكى وحشة كبيرة يا عليا .. ايه الغياب ده كله .. المرة اللى جاية لو غيبتى كده مش هتدخلى البلوج الا ومعاكى ولى امرك :]

ههههههههههههههه

منورة يا عليا :]

sara said...

كل سنه وانت طيب :)

Nadine Alfred said...

اتاااااااااارى
و انا اقول ياربى ليه الجو كان ملبش كده يوم 30/9
اتارى بقى وانا ماكنتش عارفة
ههههههههههههههههه

لا نتكلم جد بقى
كل سنة و انت طيب يا سٌلم و عقبال عشرميت سنة كده يارب

بجد واحشنى قوى و اعذرنى كنت مستخبية الفترة اللى فاتت
معلش كان غصب عنى
ب ادينى جيت، و جيت كمان فى المناسبة الحلوة دى

كل سنة و انت طيب كمان مرة

فوكيره said...

كـل سنه وانت طيب يا اسلام

islamz said...

none
----
وانتى طيبة .. منورة البلوج
:]

islamz said...

نادووو
--------

كده برده انا الجو بيلبش يوم عيد ميلادى
عاااااااااااااااا
وانتى طيبة يا جميلة وعود احمد :]
متغبيش تانى بقي والا هاخد العشيييييين
جنييييه هههههههههههههههههه

:]

islamz said...

فوكيرة
------

وانتى طيبة يا فوكيرة وبالف صحة وسلامة :]

ابقي تعالى بقي :]

the others said...

كل سنة وانت طيب .....مدونتك حلوه قوي
go on
I accept to be ur friend
مستنية زيارة لمدونتي

www.myfingerprint.blogspot.com

Layla said...

كل سنة وانت طيب...وعقبال 100 سنة

Anonymous said...

Happy Birhtday..Wishing you all the best in your life ISA :)

Ahmad Hegab said...

كل سنه وانتطيب يا أسلام

بس كدا يا ريس اثبت على السن دا لذيذ اوى على فكرة

islamz said...

بنت مصر
-------
ربنا يخليكى يا ستى وانتى طيبة
وقريب اوى هتلاقينى ناططلك عندك
:]

منورة

islamz said...

marvel
------
وانت طيب يا باشا :]

islamz said...

emy
----
thanks alot emy for your wish ..
have a nice time .. :)

islamz said...

حدااااد حبيبي
------------
والله يا احمد انا نفسي اشوفك ... وهيحصل ان شاء الله ..
ليه يا عم اثبت على كده بس صحيح هو السن ده احلى سن بس كل سن برده وله حلاوته .. ولا ايه

طبعا انت عارف انك منور من غير مقولك :]
سلااامز يا راجل يا عثل