News

Friday, October 05, 2007

وما الدنيا الا مسلسل كبير


وهى الدنيا ايه غير شوية مسلسلات فوق بعض
حياة كل واحد منا مسلسل فيه ابطال وكومبارس ومخرجين ومنتجين ومتفرجين كمان
بس اللى احنا فيه الايام دى كله فن هابط ....


******

يتربي فى عزه


******

المصراوية



******

حق مشروع




قضية راى عام

******

رجل غنى فقير جدا


******

قلب امرأة



وما زال العرض مستمرا ...


******

كل سنة وانتوا طيبين اصل ستة اكتوبر بكرة
يتواجد بالاسواق الان كعك على شكل طائرات وصواريخ
تكريما لصاحب الطلعة الجوية اللى قلبت الحرب على العدو

******

20 comments:

Ahmed Shokeir said...

ماقل ودل

Post of the day

:)

Bella said...

تدوينة ممتازة جدا

اختيار اسماء المسلسلات مع الصور

تحفة بجد

عجبني جدا نوع الكحك بتاع الطلعة الجوية

ههههههههههه

بس ماقلتليش

بتحب الحلاوة سادة ولا بالمكسرات علشان لما اجي ازورك اعمل حسابي

ههههههههههههههههه

islamz said...

شقير
---
احمد لك ان تتصور فرحتى باختيار البوست
عندك post of the day
بجد فرحان جدا
مش عارف اقولك ايه :)

islamz said...

بيلاااا
------

ايوة ايوة
فى الاول ممتازة وتحفة
وفى الاخر ابو زعبل وقال ايه حلاوة بالمكسرات
يا شيخة حرام عليكى حلاوة بس
هههههههههههههههههههه
بس انتى ابقي تعالى زورينى الاول بس

Unknown said...

حلو اوووي بجد

انا اول مره اجي هنا
بس البوست عجبني جدا (:

تحياتي

islamz said...

اسراء
-----

وان شاء الله متكنش اخر مرة
ومشكر على الكلام الجميل ده :]

منورة

البنت الشلبية said...

بوست هايل بجد ضحكتنى اوى
هههههههههههههه
بالذات قلب امراة ههههههههههههههههه
ايه الجمال ده كله
شكل الصيام عامل عمايله

قليل من التفكير said...


تدوينة حلوة

وفعلا أسماء المسلسلات ديه علي مسمي

بس مش فاهم الحتة بتاعة قلب امرأة

islamz said...

البنت الشلبية
-------------

ربنا يخليكى على الكلام الحلو ده
هو فعلا الصيام عامل عمايله
وربنا يكرمنا كلنا بقي

منورة :]

islamz said...

قليل من التفكير
--------------
يا اهلا يا اهلا
بص بقي يا سيدى .. لم اقصد مطلقا اهانة المراة او السخرية منها :]
لان قبل المرأة يتحمل الكثير والكثير
ولكن قصدت هنا قلب المرأة الضعيفة التى لا تزن الامور الا من منطلق ضعفها وهبدأ هعمل ايه يا خويا دنا ست وحدانية
ومليش ضهر ..
تحية لكل السيدات الا الهام شاهين
ونادية الجندى واللى على اشكالهم

تحياتى .. بلوجك رائع بجد
بوستاتك عجبتنى اوى
منور :]

أبو ضحى said...

مع احترامى ليك يا استاذ اسلام، لكن انا مش شايفها شطارة ان احنا نتريق على تاريخ شعب و ابطال كانو سبب فى اللى انت فيه دلوقت .. و أسأل والدك أو جدك اللى عاصرو ايام النكسة و النصر من بعدو ...و كفايه بقى تجنى على ناس يستحقو مننا كل احترام

أبو ضحى said...

و لو حضرتك قادر تعمل تغيير اتفضل ورينا ... و لا هو كلام و بس؟!0

حائر في دنيا الله said...

بص سيبك انتا
لا يسرا ولا سمير صبري
هوا الأهلي، مبروك للأهلي من واحد زملكاوي وكل سنة وانت طيب

islamz said...

ابو ضحى
-------
ومين بقي اللى قالك انى بتريق على تاريخ الشعب .. انا عمرى ما اتريقت على تاريخ شعبى انا مش لسه هسأل والدى وجدى يعنى ايه تاريخ مصر ويعنى ايه اكتوبر
كونك لم تفهم القصد من كلامى فليس هذا خطأى لم اقصد التجنى على تاريخ هو الاصل فى حاضرنا ومستقبلنا ..

ولكن طول عمرى لا اوافق ولا استسيغ
اول طلعة جوية فتحت باب الحرية .. ونسب كل الفضل لشخص واحد .. لا انكر عبقرية السيد الرئيس كرجل عسكري
من الطراز الاول .. ولكن لا ننسب كل الفضل لسلاح اوحد فى جيش كامل
لمجرد النفاق والمجاملة ..


وانا مش هقولك انا مش هقدر على التغيير لوحدى لا كل واحد قادر على التغيير مجرد كلامى يوصل ويفهم قصدى ويقتنع بفكرى واحد بس يبقي انا غيرت
ولكن انا مش مكتفي بكده
انا فى شغلى بحاول اغير للأحسن
فى بيتى بغير للاحسن
فى المكان اللى انا عايش فيه بغير للاحسن
وكل واحد مسئول يغير الحواليه للاحسن

ولا انت رايك ايه .. مش كلام وبس اهو

تحياتى

islamz said...

حائر
----
سيبك يا عم من يسرا وسمير صبري
كل سنة وانت طيب وروح رياضية جميلة ..
والله منور .. بس بتبارك بنفس ولا من غير نفس هههههههههههههههه

:]

. said...

داس ايست زير كود
ده الماني بقة اوعى وشك
دنتا متابع السنادي بقة طبعا ماهو مافيش لا كلية ولا مدارس ولا حاجة تسدق انا مشفتش ولا ايحاجة من المسلسلات دي فمفهمتش فالاول وبعدين افتكرت اني شفت مسلسل اسمو يتربى فعزو لما كنا معزومين مش فالبيت اصلا لان التلفزيون شلناه عيد عن الفيشة من اول رمضان ييييييييييياااااااااااااااااه فين التلفزيون
ما علينا
عجججججببببباني الفكرة اوي ياباشمهندس بجد
الكبير كبير والنص نص نص نص
وابقى اطمن علييييييييييااااا
يله عيد بقة تمااااام و هنخربها ان شاء الله

islamz said...

سدووورة
-------
ايه الالمانى اللى انتى داخلة بيه ده يا بنتى .. فهمينى ربنا يكرمك
شكلك بتشتمي يا سدوورة .. بعد العشرة دى تشتمينى وبالالمانى يا سدرة يعنى فضحانى بره البلد ..
ولا انا متابع ولا حاجة بس بشوف تخاطيف
نقي بقي مفيش دراسة ولا حاجة ايه الحقد ده انتى عندك مذاكرة .. هههههه انا لا بغيظك ولا حاجة ..
ابعدي عن التليفزيون خالص فاهمانى ولا لا ذاكرى كويس
مشكرين على الكلام الجميل ده
وكل سنة وانتى طيبة يا سدووووورة

منورة :]

eZz " the junior " said...
This comment has been removed by the author.
eZz " the junior " said...

gamda el mosalsalat deh !! :))

قليل من التفكير said...


شكرا علي ردك

بس برضه مش فاهم ايه علاقة الكلام ده بنظيف باشا !!!!!!!!!!!!!!!

وشكرا علي مجاملتك