News

Thursday, November 01, 2007

بـبـسـاطـة




عندما لا تستطيع ان تأخذ الامور البسيطة ببساطة
عندها ماذا يحدث ؟؟


تتجهم فى وجه العالم واول من تتجهم فى وجهه هو انت فى المرآة

****

تتجنب الحديث تجنبا للتصادم مع الاخرين واول ما تتجنبه هو حوار داخلى مع نفسك

****

تنفعل بشدة كموقد غاز لاتفه سبب واول من تضرر هى حالتك النفسية

****

تاخذ الكلام باكثر من معنى ولا تستهوى الا ما يجعلك تنفعل وتترك ما قد يخفف عنك
واول من تفهم كلامة خطأ هو عقلك عندما يستفسر عن سبب هياجك المفاجىء


****

ترمى الكلام كحجارة اهل الانتفاضة واول من تعتبره عدوك هو نفسك وتحاول
تدميرها

****

تري الدنيا بلون واحد فقط هو الاسود وبسبب هذا الظلام تتعثر وتقع رغم ان عينيك بأحسن حال

****

اى محاولة لتهدئتك ممن حولك تعتبرها محاولة لاثارتك يترتب عليها تجنب الجميع لك


****

محاولات عقلك المستميتة لفهم ما يحدث لك سوف تمنى جميعها بالفشل لانك اصلا سبب
حالة التربص بنفسك وبالاخرين ومحاولة اصطياد الاخطاء لنفسك ولمن حولك ولو كانت بسيطة


*******

اخيرا وليس اخرا .. عندما لا تستطيع ان تأخذ الامور البسيطة ببساطة
فقط استرخى وحاول فصل شخصك عن عقلك بالاسترخاء
تحول الى ثلاثة اشخاص لا شخصين فقط .. احدهم يتصيد الاخطاء والاخر يحاول رؤية الجانب
المشرق من الحياة .. تتسائلون الان وما فائدة الدخيل الثالث على النفس
هذا الثالث يقوم بكبح الاول ومحاولة قتل حالة التربص لديه
وفى نفس الوقت يحاول مساعدة الثانى برؤية اكبر مساحة من الجانب المشرق

*******

11 comments:

عصفور المدينة said...

جزاك الله خيرا فعلا موضوع هام جدا

المشكلة يا جميل أن أحيانا بتكون الأمور بسيطة ولكننا لا نراها بسيطة حتى نأخذها ببساطة لأننا تعودنا على الأمور المعقدة

ففعلا منذ البداية مطلوب أن يتم تقييم الأمر على أنه احتمال يكون بسيط وعدم اللجوء للخيار المعقد إلا إذا ثبت فعليا أن الأمور معقدة

Unknown said...

والله عندك حق بنجنى على نفسنا اول حاجة للأسف

يرا وليس اخرا .. عندما لا تستطيع ان تأخذ الامور البسيطة ببساطة
فقط استرخى وحاول فصل شخصك عن عقلك بالاسترخاء
تحول الى ثلاثة اشخاص لا شخصين فقط .. احدهم يتصيد الاخطاء والاخر يحاول رؤية الجانب
المشرق من الحياة .. تتسائلون الان وما فائدة الدخيل الثالث على النفس
هذا الثالث يقوم بكبح الاول ومحاولة قتل حالة التربص لديه
وفى نفس الوقت يحاول مساعدة الثانى برؤية اكبر مساحة من الجانب المشرق


حلو اوى الحل ده بجد جزاك الله خيرا يا إسلام بوست رائع والله

سلام

islamz said...

عصفور المدينة
------------

فعلا احنا اتعودنا على تعقيد الامور حتى ولو كانت سهلة وبسيطة ولا تحتاج الا لبعض التفكير المنطقي ..
حتى وان ثبت ان الامر معقد فلا داعى للتجهم والعدوانية فلكل مشكلة حل فقط
ببعض المرونة فى التفكير ومحاولة تجميع معطيات المشكلة تتضح لكل معالمها وتستطيع حلها .. والله الموفق

تحياتى .. :]

islamz said...

انسانة
------
بنجنى على نفسنا وعلى اعصابنا ونفسيتنا
قبل اى حد .. التحول لثلاثة اشخاص مفيد جدا جربي وقوليلي :]

متشكر يا انسانة هانم على الكلام الجميل ده

تحياتى :]

ma 3lina said...

وصف لحالة مستمرة معي من اسبوع ولغاية انهاردة لسه ما انتهتش بسبب بعض المشاكل

والمشكلة الكبيرة إن كل اللي حواليا بيقولوا إن الموضوع بسيط وأنا اللي معقد الأمور وعايزني انظر للأمور البسيطة من وجهة نظرهم ببساطة ..

حتى حضرتك .. وبتقدم لي حل مش حعرف اعمله .. أنا لو اقدر افصل نفسي لتلات اشخاص مكنتش اتعرضت للمشكلة من الأصل .. وعلى كل شكرا للمحاولة

وكوني اصلا زي ما قلت سبب حالة التربص بنفسي وبالاخرين وبحاول اصطاد الاخطاء لنفسي ولمن حولي ولو كانت بسيطة فدا عشان محدش قادر يفهمني ولا يحط نفسه مكاني ويبص للأمور من زاويتي

عموما إلى أن أجد حل آخر .. فمش حقدر ابص للأمور ببساطة ولسه حفضل متجهم فى وجه العالم .. وحتجنب الحديث تجنبا للصدام مع الاخرين ..

. said...

سانية
انتا الي كاتب الموضوع ده ولا منقول
ثانيا
الانسان ده ضعيف جدا انا احيانا من كتر قرايتي فعلم النفس بحس اني عايزة اقوم انهي البشرية عشان بجد ضعيف اوي اوي
بجد موضوعك جامد ولو انتا ايل كتبو يبقى احييك على اللغة العربية المصقولة دي بجد جامدة
وحشتنا يا اخي

islamz said...

تصدق بقي ان الحالة دى عندى بقالها اكتر من تلات اسابيع وكل شوية تروح وتيجى تانى
ولدي نفس الحيرة فى توصيف البساطة او تضخيم المسألة .. بجد فى حيرة حقيقية
حالة التربص موجودة لدى باستمرار هذه الايام .. بنفسي وبالاخرين وتؤرقنى بشدة
احاول ان اطبق ما توصلت اليه بما ادعى انه حل للمشكلة وبالفعل احيانا انجح
وفى الغالب يقف الفشل فى التجربة عائقا امامى اتمنى ان تمر تلك الحالة سريعا (عندى وعندك طبعا ) وربنا يكرم بقي
ابقي طمنى عليك :]

islamz said...

سدوورة
------

من امتى بنقل مواضيع يا سدرة هانم انا اللى كاتبه يا سدوورة
ثانيا .. اكيد الانسان ضعيف بس فى نفس الوقت قوى ضعيف لو اعتقد انه قوى
وقوى لو حط فى دماغه انه قدام ربنا اكيد بيقي ضعيف .. فاهمة ولا نقول كمان :]
يا سدوورة مشكرين على الكلام الحلو ده
وانتى ناسية ان العربي ده اللغة بتاعتنا ولا ايه ولا حد قالك اسلام من البرازيل ولا حاجة :]

انتى كمان والله ليكى وحشة كبيييييييرة
المهم بتذاكرى ولا لأ طبعا بتذاكرى وبتذاكري كويس كمان ان شاء الله
وطمنيني عليكى يا سدوورة :]
منورة يا قمر

Racha Khoury said...

اسلام حبيت طرحك للموضوع اوي

صحيح احنا شعب بيعقد كل حاجه بس لازم نعد للعشرة ونفصل كل حاجه عن التانية يعني الغضب والعدوانية والتوتر

صحيح بيدايق الناس الي حوليك بس الاكتر انها بتأثر على الشخص نفسه وعلى حياته

لازم الانسان يعود نفسه على الاسترخاء والحلم

ومش نعمل من كل حاجه مشكله

احييك على الموضوع

islamz said...

rasha
-----

تفتكرى يا رشا ان ممكن فعلا الواحد يعود نفسه على فصل المشاعر السلبية
عن تفكيره .. بيتهيألى انها صعب شوية بس
على كتير من الناس خاصة فى مجتمعنا اللى اصبح كل شيء فيه يدعو للضجر والنرفزة والعصبية مهما كان بسيط
فعلا احنا لازم نتعود على الاسترخاء
ونستحمل بعض شوية بس هتعملى ايه لما الواحد يكون مخنوق من ولا حاجة مضايق من نفسه كده وخلاص ..

بحاول فعلا افصل دماغى عن اى شيء سلبي
احيانا بنجح وغالبا بفشل للأسف
اعتقد انها مسألة وقت ..

منورة يا رشا ومتشكر على كلامك جدا
:] تحياتى

ihapoof said...

Great post

another way of floaing !!

http://ihapology.blogspot.com/2007/12/blog-post.html