News

Sunday, May 10, 2009

اوسكار الكبت





متوتر بشدة مما سأعرض ..ولكن لن يفيد التوتر
من سيء لاسوء ولا استطيع ان احدد رأي

بكل المقاييس مجتمعنا مجتمع مريض .. مريض باشرس الامراض النفسية
واكثرها توحشا ..

نجد منها هنا الكبت والخوف من الناس
عدم القدرة على التحكم فى النفس
عدم القدرة على المواجهة
التلصص والاستمتاع بالفضيحة

ربي .. كيف يعيش هذا المجتمع اننا بالفعل فى مجتمع مترهل
ملىء بالعيوب والاخطاء
مجتمع لا يعترف بمرضه ولا حتى بينه وبين نفسه




شاب وفتاه فى (الجامعة) اعطوا لنفسهم الحق فى اختلاس لحظات من المتعة الحرام
اعطوا لنفسهم الحق فى قرطسة المجتمع
اعطوا لنفسهم الحق فى الضحك على انفسهم

اعطت الفتاه لنفسها الحق فى التجربة المحرمة تحت غطاء الدين
اعطت لنفسها الحق فى تلويث سمعة المحجبات على لسان كل حقير ينتظر النيل من الحجاب وفرضيته واثره على المجتمع بالخير
اعطت لنفسها الحق فى زعزعة ثقة بعض الاسر فى بناتها المحجبات خوفا من ان يكونوا على نفس الاخلاق بعد ان شاهدوا هذا الاسفاف

اعطى هذا الذكر ولن اقول الرجل فهو ذكر ولا نستطيع ان نزيل عنه صفة الذكورة
اعطى لنفسه الحق فى هتك حياء هذه الفتاة حتى ولو برضاها ومساعدتها
فلو انه ما شجعها لما فعلت ذلك ... اعطى لنفسه الحق فى التمتع بما لم يحله الله له
لم يستطيعا كبح جماح شهواتهما .. بل انهم على اثر شعورهم بانهم متواريين عن الانظار
ولا يراهم من يلومهم راحوا فى عالم تانى متعة لحظية يعقبها فضيحة لم يتوقعونها

الفتاة رخيصة ... الفتى ارخص وارخص



اذا تحدثت عما سبب الشاب والفتاة من كسر زائد على كسور المجتمع اللى مش ناقص اصلا كسور
مش هنخلص ..

نتجه لجانب اخر فى هذا الدرس الصغير ... مصور ومخرج الفيلم
شخص متسلل متلصص يستمتع بالفضائح لا يضع فى مخيلته عواقب ما يفعله
من فضح تلك الفتاة فى جامعتها ووسط اهلها ان رأوا هذا المشهد المخزى
يكفى منظرها امام المجتمع الذى لن يرحمها .. يكفى منظرها امام نفسها وشعورها بالقذارة مما اقترفته

قد اجد مبررا للشاب والفتاة على فعلتهما نعم اجد مبررا لما فعلوه فى الخفاء او كما اعتقدوا انهم فى الخفاء
مبررهما الكبت الذي يعيش فيه مجتمع بالكامل .. الكبت الذي ملا الشباب والفتيات
الظروف الاقتصادية التى ان قلنا انها تعجز الشباب عن الزواج يبقي بنهون الظروف
الظروف الاقتصادية التى نعيشها قاربت على تحريم الزواج وليس التعجيز فقط

ليست تلك المبررات طوق نجاة لهذه القذارة المصورة .. ولكنها مبررا لفعل وقع

انظروا لقد وجدت مبررا لهذا الفعل الفاضح ولكنى لا اجد مبررا على الاطلاق لمصور هذا الفعل
لا اجد لك مبررا على الاطلاق .. لماذا تقتحم خصوصيات البشر على هذا النحو السافر حتى ولو فى الشارع
ليس من حقك فضح الناس بهذا الشكل ..
ارى انك استمتعت بالفضيحة لاقصى درجة لدرجة انك كتبت تعليقات على اللقطات المصورة
انك بذيء .. جد بذيء لاقصى حد
يا اخى دا ربنا سترهم وياما ربنا بيستر الناس ... لا اجد مبررا سوى دناءة النفس
اجزم بانك غير متزن عقليا حتى ولو ظهر منك عكس ذلك




اجد ان طرفي هذا الحدث ( الشاب والفتاة ) والطرف الثانى ( المصور ) يشتركان فى خلفية واحدة الا وهى
عدم القدرة على التكيف فى المجتمع فى ظل الظروف التى نعيشها
عدم القدرة على التحكم فى النفس

لا ادرى .. انى بالفعل اشعر بالتعاطف مع الشاب والفتاة .. اقولها وكلى اسف
هم ضحايا ومذنبون بنفس الوقت .. جناة ومجنى عليهم
مجتمع مريض ...

نسيت ان اقول .. رايي ان طرفي الحدث متساويين فى كفة الانحطاط

لو دخلت هذه اللقطة المصورة كما هى فى احدى مهرجانات الاوسكار لفازت باوسكار الكبت
حقا لقد تعري مجتمعنا بشدة .. ولاول مرة اشعر بالاحباط لرؤية احدى المشاهد
التى قاربنا ان نتعود عليها

للاسف ... احباط شديد

هل تتفقون معى ام انكم تحملون المسئولية لطرف على الاخر ... هل يوجد مبررات اخرى لكل ذلك ؟
لا اعتقد

*******

20 comments:

. said...

اييييييييييييي
بجد اي
البوست ده بيوجع اوي

ومعاك فان هما ليهم المبرر
وبجد مش عارفة المصور ده ايه ؟
مش بني ادم زينا ؟
للدرجادي البني ادم ممكن يبقى قذر كده من جوا
وممكن متهونش عليه حاجة كده ابدا ؟
هما ليه كده ؟
وليه بقينا اصلا بنغلط ؟
ليه بنغلط اوي كده ؟

طب غلطنا
وبعدين ؟
هنغلط تاني وتالت وخمستاشر؟
الحل ايه يا اسلام اديني حل

Bella said...

انا علقت على الموضوع عند شقير

وكنت بافكر اصلا اعمل عنه بوست ولكني تراجعت بسبب حساسية الموضوع ولاني لم احدد موقف قاطع من الشاب والفتاة

خاصة ومن صورهم يحظي بالقدر الاكبر من الاحتقار في رايي

الامر في قمة السخافة ويدل على سادية الناس وحبهم وتلذذهم بفضح الناس رغم ان ديننا ينهى عن ذلك

المجتمع بالفعل يحتاج لعلاج نفسي سريع

micheal said...

بجد الواحد مش عارف يقول إيه
يتكلم عن اللي عملوه الشاب والفتاة ولا يتكلم عن حقارة وسفالة المصور
حاجة تقرف
تحياتي يا باشا

Unknown said...

احترم عدم اعتقادك لوجود اى مبررات اخرى يا اسلام - ازيك الاول

بصراحة انا مزودة الولد والبنت دول لووم اكتر لأنهم مش فى مكان مغلق عشان لما تبص عليهم تبقى اتعديت خصوصيتهم

انا طبعا مش موافقة على فكرة التصوير والنشر والفضيحة .. بس انا شايفة ان زى ما الولد شجع البنت .. البنت والولد شجعوا واحد نفسه مريضة زيهم انه يصورهم ويفضحهم

اولا المكان مش مغلق .. واضح من تلصصاتهم وخوفهم من عيون الناس .. وكمان بدليل انهم اتشافوا ومش بس كدة دول اتصوروا كمان .. طيب لما يعملوا كدة فى مكان مغلق مفهومة .. ياما ناس بتعمل بلاوى اكتر من كدة كمان وبتتستر عشان هما فكروا فى الستر على معاصيهم وبعدوها عن عيون الناس

لكن دول عملوا كدة فى العلن وقدام الناس .. مش عايزة نوصل لمرحلة الدول الغربية ونقول اللى عايز يعمل حاجة فى اى حتى مش مشكلة المهم انت ماتبصش عليهم وتجرح خصوصيتهم

ثانيا وده اهم .. انهى كبت يا جماعة بتتكلموا عليه .. دول شباب فى الجامعة يعنى فى اوائل العشرينيات .. ماوصلوش للتلاتينات وهما مش عارفين يتجوزوا

الولد ده لسة ماتخرجش من الجامعة اساسا عشان يبقى عنده كبت .. ده ابن امبارح جاله الكبت ده منين

وبعدين طب مااحنا كلنا مرينا بالمرحلة دى وفى منا اللى لسة بيمر بيها .. مرحلة الجامعة بكل مغرياتها .. بس لا نقص منا ايد ولا رجل لما احترمنا نفسنا .. ولا تعبنا نفسينا وبقينا نشد شعرنا

يا جماعة الرغبة الجنسية دى حاجة ممكن للإنسان التغلب عليها بعقله .. وده اللى بيفرق الإنسان عن الحيوان .. وكلنا شوفنا لما المجتمع لغى عقله فى سنة من السنين حصلت ظاهرة التحرش الجماعى بحجة احنا شباب مكبوت وسيبونا نعيش بقا

دى مش حياة .. واللى بيعمل كدة مش عايش ولا مرتاح نفسيا ولا محترم نفسه ولا محترم اللى بتعمل كدة معاه .. وعلى فكرة الولد ده لو قال يا جواز عمره ما حيتجوز البنت دى عشان حيقول عليها سهلة ومش حيقول زى ما قولت انه هو اللى شجعها ومن غير تشجيعه ماكنتش حتعمل حاجة


الوضع دلوقتى مختلف .. مش مهم مين شجع مين .. هما الاتنين غلطوا واللى دايقنى اكتر من غلطهم انهم فى الحرم الجامعى حتى مش مستخبيين فى اى حتة

افرض اللى كان مكان اللى صور ده اخوها .. او ابوها .. او حد يعرفها


انا معاك ان تصوير الموضوع ده فى حد ذاته فضيحة كبيرة .. بس فكر مع نفسك ولو للحظة ليه اتفضحوا .. من رأيي عشان هما حتى مافكروش يستروا نفسهم .. زى المجاهر بالذنب

الجلد ليهم فى مدوناتنا ده ماهو الا جلد لذاتنا احنا بمجتمعنا الفاسد الضال الضائع المغيب

وانا زيك والله لما شوفت الفيديو ده عند احمد شوقير نفسيتى تعبت جدا وحسيت ان احنا بقينا فى غابة وبناكل فى لحم بعض

الولد استغل البنت واستمتع بيها والبنت قالت مافيش مانع وجه واحد من بعيد استغلهم هما الاتنين وصورهم وفضحهم


دائرة شيطانية بنعيشها فى مجتمعنا على كل الأشكال والمستويات والنسب

وحسبنا الله ونعم الوكيل

ربنا يهدينا ويهدى كل المسلمين

ikhnaton2 said...

وحضرتك لما كتبت عنهم ونشرت صورهم تانى فى البوست اللى فوق، فرقت إيه عن اللى صورهم؟!!!

Unknown said...

بغض النظر عن اللي يستحقه الولد و البنت دول

بس فعلا هما مجني عليهم اكتر منهم جناة ...ده رايي لأنهم اتفضحوا

و برضه الجرم اللي هما عملوه و جرم التصوير ميجيش حاجة جنب حاجات كتيييييييييير و بلاوي بتتصور برضه

ده حتي يا راجل بقي في منتديات متخصصة في الفضايح

Unknown said...

أكيد أتفق معك فيما قلت

ولا حول ولا قوة إلا بالله

islamz said...

سدرة
----
غابت المبادئ وطويت صحف الاخلاق
قولى على المجتمع يا رحمن يا رحيم
وللاسف معنديش حل
نفسي احدد المشكلة الاول .. احددها صح عشان افكر فى الحل

:S

islamz said...

بيلا
----
اقع فى نفس حيرتك .. الموضوع حساس
لا ادرى هل كلامى فى الموضوع يزيد الطين بلة ولا يمكن نلاقي حل مع بعض
هو احنا هنفضل نقول ان مجتمعنا مريض والناس تبلدت كده ونسكت
هو بقي فعلا مفيش حل فى سلوك الناس
طب وبعدين .. ومين اللى هيعالج الشعب نفسيا .... مين فى ايده حل ازمة شعب كامل

تفتكرى مين يا بيلا .. ويبتدى بمين وازاى ؟؟

islamz said...

مايكل
-----
الطرفين موقفهم شائك
بل مقزز
اتمنى ان اصل لرأى محدد

islamz said...

انسانة
---
حقك وانا معاكى الولد والبنت ذنبهم كبير صحيح هما مش فى

مكان مغلق عشان يعملوا اللى على كيفهم .. وحتى لو فى مكان

مغلق ليس هذا تصريح لهم بفعل كهذا ولكن ناتى للحدث الواقع

وهو انهم فى مكان مفتوح بل فى حرم جامعى
مكان له قدسيته له نفس حرمة المسجد والكنيسة
مكان طلب العلم له حرمته ... وليس ملاذا لاصحاب النفوس

الضعيفة .. ولكنى كلما حملت الشاب والفتاه الذنب اجدنى اعود

مرة اخرى للتفكير فى مصور هذا المشهد هذا المتلذذ بالفضيحة
المتلصص على الناس المستمتع باذلالهم فى لحظات ضعفهم ..
نعم هذه اللقطة نتيجة لحظة ضعف جمعت بين هذا الشاب وتلك

الفتاة .. وهيأت فى ذات الوقت الفرصة لهذا الشخص السادى
لان يقوم بفعلته ويفضح سرهما

اختلف معاكى فى النقطة الثانية وهى ان الفعل ده مش بسبب

الكبت .. الكبت لا يرتبط بسن خاصة فى شعوبنا العربية
بالعكس انه يرتبط بالشاب منذ بلوغه
وعدم مقدرته على التحكم فى نفسه
العيل من دول عنده 14-15 سنة وملهوش كلام مع اصحابه

الا على الافلام الاباحية ومعاكسة البنات
والافلام اللى بالهبل ويتناقلها من هم فى هذا السن واصغر على

تليفوناتهم المحموله - الا من رحم الله - تسألى عن الكبت
الكبت عند شباب الجامعة اللى مبيصدق واحدة تسأله الساعة كام

يحس انه قطع السمكة وديلها
ولا لو سالته على حاجة فى المحاضرة يبقي كده الواد ده يااااي

سحر عيونه ونظراته .. اعذؤينى على تهكمى من واقعنا المرير

ولكنها حقيقة صدقينى الكبت موجود .. بصي فى الشوارع على

عيون الشباب عند مرور اى شيء اخره تاء مربوطة - اقصد

اى فتاة - جميلة او مش جميلة لابسه عادى
او ملفت هتلاقي كل العيون عليها ده اسمه كبت صدقينى مش

مرتبط بسن الكبت موجود عند الشباب والفتيات ايضا
ظاهرة الاصحاب والبنت اللى عاوزة تعمل اى حاجة عشان صاحبها
حتى ولو على حساب كرامتها بس ميسبهاش وعلى سبيل التجربة بالمرة .. كل ده مش كبت

الرغبة الجنسية ممكن الواحد يتغلب عليها ده صحيح والا مكناش طلعنا من الجامعة وعدينا المراحل دى كلها ولكن بالقرب من الله ليس لها حل اخر .. قوليلي بقي فى المجتمع اللى احنا فيه ده الشباب هيقربوا من ربنا فين وهما بالمنظر ده
هيقربوا من ربنا وهما فى دماغهم هيفا وجوازها .. صاحبته ويجبلها ايه فى عيد الحب
لست ملاكا من السماء ولست شيخا من شيوخ الزمان
بس اللى بقوله ده معروف ولا يحتاج لسفسطة

وليس معنى انى بقول ان الشباب عندهم كبت اننا نسيبهم يعملوا اللى على مزاجهم بالعكس - على راى اللمبي ابسيليوتلى - لكن ندور على حل نحاول به نشد انتباهم لشيء ارقى واسمي
من الكبت والانشغال بالشهوات .. وهنا اعانى انا من التشوش
فلا اجد دافع للشباب سوي بالخطاب الدينى الاجتماعى
ولكن مع التجديد .. افشل هنا فى تحديد هوية التجديد او المجددين ..

مجتمعنا فاسد نعم .. ضال اينعم .. مريض بالثلث
ولكن لسنا هنا لجلد انفسنا كما تقولين نحن هنا لمداواة او محاولة ايجاد دواء لمثل هذا السلوك

استمتعت بمناقشتك .. دمتى بود

islamz said...

اخناتون
-------
عزيزى اقول لك الفارق
.. طبيب النسا يصور المرأة وهى فى عملية الولادة تفتح ارجلها لتخرج مولودها يصورها لتعليم تلامذته ... ليس كالقواد الذى يصور نساءه لعرضهم على راغبي المتعة الحرام

هل وصلك الفارق عزيزى اخناتون
دمت بود

islamz said...

محمد
---
جناة ام مجنى عليهم .. ضحايا ام مرتكبي جريمة تلك هى حيرتى
الفضيحة فى المجتمع العربي اصبحت مثل
الماء والهواء .. لا حياة بدونها

ربنا يسترنا جميعا

islamz said...

احمد
---
انا نفسي عاجز عن الثبات على رأى
اشعر فعلا بالعجز ..

واشعر بالغضب الشديد لمن استغل هذه اللقطة فى تشويه صورة المسلمين
والفتيات المحجبات
...

يا مراكبي said...

الموضوع قتل بحثا والجميع لم يحدد موقفا محددا .. فالكل مشترك في الجريمة .. ليس الفتى والفتاة والمصور فقط .. بل هي جريمة مجتمع بأكمله .. وما هذه الصور إلا إنعكاس لتلك الجريمة التي شارك فيها الجميع دون أن يدري

حائر في دنيا الله said...

الحياة تحت مظلة السيد الرئيس ووزراء السيد الرئيس وبن السيد الرئيس والسياسات الفاشلة للسيد الرئيس تجعل طرق الحلال مغلفة بشكل بشع وموحش أمام اغلب الشباب
طبعا السيد الرئيس لم يقل لهذا الفتى "قل"أدبك مع تلك الفتاة ولكنه يتحمل أغلب المسئولية مع الأسرة التي تفككت سعيا نحو المال وأشياء أخرى
وحقا حسبي الله ونعم الوكيل في كل أسباب تفكك هذا المجتمع

لك تحياتي
السلام عليكم

koko said...

من ستر مؤمن فى الدنيا ستره الله فى الدنيا و الاخره ..

يا ريت تشيل الصور دى من المدونه بتاعتك .. كلنا بنغلط لان ربنا خلقنا علشان نغلط و نتوب ..

ياريت نخاف ربنا و نخاف يوم نغلط فيه و منلاقيش الى يستر علينا ..

ارجو انك تتحلى بالاخلاق الى بتتكلم عنها و تشيل الصور دى

islamz said...

مراكبي
-----
جريمة يعاقب عليها المجتمع كله .. اتفق معك .. وكن من الاصل .. من يكون مصدر الجريمة

islamz said...

حائر
-----

إذا كان رب البيت بالدف ضارباً ... فشيمة أهل البيت كلهم الرقص

الا من رحم ربي ... دمت بود

islamz said...

koko
----

عزيزتى كوكو .. من ستر مؤمنا فى الدنيا ستره الله دنيا واخرة .. كلامك صحيح .. ولكن هذا الكلام يوجه لمصور اللقطة .. فانا لم افضح احدا انا اناقش موضوع من وجهة نظرى انا ارى ان تلك اللقطات تساعد على توصيل ما اردت ايصاله .. عزيزتى لم اجرح فى احد ولم افضح احد ولا اسمح لأحد بأن يضع قيودا على كلامىى ولا على طريقة عرضى
فانا والحمد لله ارى انى اتحلى بالاخلاق او هكذا يقول من يعرفنى ولكن لا اسمح لاى احد بتجاوز الحدود معى .. ليس شرط ان اتحلى بالاخلاق ان احذف الصور .. فلم اضع صورا اباحية على مدونتى ..

"
ارجو انك تتحلى بالاخلاق الى بتتكلم عنها و تشيل الصور دى"

لا اسمح بالتجريح بالمرة فهذا اسلوبي وتلك مدونتى وهذه طريقتى فى العرض اقبل النقد ولكن لا اقبل التجريح او تعدى الحدود ..
مرة اخرى لا تعتادى على الحديث مع اي احد او معى على الاقل بهذا الهجوم او هذا الاسلوب الشرطى ..

شرفتنى زيارتك