News

Thursday, November 16, 2006

يا تليفيزيون .. يــا

اتصل على 0900990099 واكسب كيس بلاستيك

التليفيزيون ..والبرامج .. القناة الاولى .. القناة التانية.. القناة التالتة .. والقناة ،والقناة ، ... وهكذا
هجصX كله اصبح هجص
كل القنوات همها وشغلها الشاغل ازاى تعمل برامج هايفة عشان تجذب المشاهد
المشاهد اللى دماغه باظت من كتر البرامج الهايفة
وكل البرامج ليها نفس الهدف .. اتصل ب 090093333 واكسب عروسة وشقة وعربية وكباية بيبسي
وناس كتير بتصدق .. والبرامج شغاله الله ينور .. أسئله هبلة ومستفزة ..
والناس من غلبها بتصدق
ودى عيــنة من البرامج اللى اتكتب عليا انى اشوفها بالصدفة


برنامـــج سخيف جدا .. اسمه .. من خمسة لستة

ودول المذيعين اللى بيقدموا البرنامج .. انا مش هتكلم عليهم علشان مش لاقى كلام اقوله بصراحة مش عارف مين اللى خلاهم يبقوا مقدمى برامج وبالذات الراجل ابو دقن ده بيستظرف وحاسس انه انصح واذكى مذيع عليكى يا كورة يا ارضية


لا تعلــيق .. (كل واحد ويعلق باللى فى نفسه ) نجم سيليمائي يعالم

وده وش المذيعة وهى بتقول سؤال الحلقة الصعب جدا لو حد
عرف الاجابة هيفوز بجايزة البرنامج

يلا جاوبوا بس ركزوا الاول



اختار الاجابة الصحيحة بس ركزوا علشان السؤال صعب شوية



ولو عرفت الاجابة واستقرت على الاجابة الصحيحة اتصل على الرقم اللى ظاهر على الشاشة

هتفوز بجايزة عظيـــــــــــمة

------

بالذمة ده كلام .. فى برنامج محترم يسأل الاسئلة التافهة دى
لأ وايه عاملين اختيارات كمان

مش حرام الاستخفاف بعقول الناس للدرجة دى ..
ولا ايــــه ؟؟؟

No comments: