News

Thursday, November 16, 2006

يــمجارى فى الدنيا يــمجارى

طبعا صورة مقرفة وتقلب البطن ... لكن هو ده بقى حال كتير من شوارع مصر ... والناس زهقت من الكلام فى الموضوع .. شويه الحكومة تقول ميزانية 100مليون لشبكات الصرف والمجارى وتانى يوم بقدرة قادر تنفجر ماسورة بأحد الشوارع الرئيسية او تخلط مياه الصرف بمياه الشرب .. زى أخر مرة كده عشان يتكسفوا على دمهم .. لكن برده مفيش فايدة والمنظر ده مبقاش فى الشوارع بس .. ولكن للأسف بقى فى الجامعات كمان .. ايوة فى الجامعات


ده شكل جامعة قناة السويس بالاسماعيلية من الخارج .. البوابة يعنى .. طبعا شكلها يفرح

----


----



----

----

----
^^^
والصور البديعة دى من جوه الجامعة نفسها
حاجة تقرف وتسد النفس

...


على فكرة انا الصور دى لما صورتها مكنش قصدى انى اقول ان اسماعيلية
بلد وحشة او مش نضيفة
بالعكس اسماعيلية بقالى فيها اربع سنين عشان الدراسة
وفعلا هى من اجمل المحافظات
واللى انا صورته ده مش بيقلل منها .. لكن بيوضح الاهمال
اللى وصل للجامعات كمان .. وزى ما انا صورت الحاجات دى فى اسماعيلية
فأنا صورت كمان احلى المناظر من اسماعيلية
----

----


----

يعنى البلد نفسها حلوة وزى الفل لكن الاهمال لو طال الدهب
هيخليه ولا يسوى صفيح
----



أظن ان المنظر ده مينفعش يكون فى جامعة
وعلى فكرة مش جامعة قناة السويس لوحدها اللى فيها المنظر ده ..
لا .. انا شفت بنفسي المنظر ده فى جامعة حلوان وجامعة عين شمس
يعنى مش كفاية مناهج الدراسة .. لأ مجارى كمان

-------

No comments: