News

Sunday, December 03, 2006

قال ايه عاوزيــن ياخــدوه



اطلع بره يا فضل ...

بتتشطر على عيل صغير ... مش عيب على طوووولك .. ولا علشان الحرس ظبتكوا

عيب والله عيب ... الاسماعيلي اتظبط يا جدعان ... هههههههههه
وقال ايه عاوزين ياخدوه ... دورى مين اللى انتوا بتحلموا تاخدوه ان شاء الله ؟؟
دورى القناه الرابعة ممكن .. دورى بيبسي للمدارس ميضرش ..


لكن معذرة الدورى العام للكبار فقط ...





نجح عبد السلام نجاح .. فى احراز التقدم بهدف فى الدقيقة 28


وتعادل محمد فضل من ضربة جزاء مشكوك فيها فى الدقيقة 34



وزوووووووو .. محمد حليم خطف جول رائع فى الدقيقة 48

بصراحة الحدود لعب حلو .. وضيع كذا فرصة .. عبد الملك .. ونجاح .. وعبد الغنى
ضيعوا فرص كتير ..

وكان الاسماعيلي هيخرج بفضيحة .. لولا ستر ربنا




والحكم كان خلاااااص هيصوت .. قصدى هيصفر .. ولكن عبد ربه كان له كلمة تانية



بينقذ حسنى عبد ربه الموقف .. ويجيب هدف التعادل فى الدقيقة 93 بعد ما الكل كان مستنى تتر النهاية ...





وقام الحكم بطرد اللاعب محمد فضل بعد ما ضرب احد الاطفال المكلفين بارجاع الكرات
بعد ما اتأخر فى ارجاع الكرة للملعب ... بذمتك مش مكسووف من نفسك يا طويل يا .... ولا بلاش
كفاية اللى حصل فيك


مبرووووووووووووك يا حرس .... هههههههههههههههههه

مع الاعتذار لحبايبي الاسماعلوية

(عجرودى -حمدى )
هبقى اقولكم عليهم بعدين

بيييب بيييب .. دراوييييش ... ومبخافشي .. مباخافشي ... هههههههههههههه


وادعوا للأهلى فى الياباااااااان ...



6 comments:

sara said...

يــــــارب ... بس ربنا يستر و ميكسفناش .. اصل الواحد فقد اماله في كل شيء في البلد ده

smraa alnil said...

هيصة هيصة عندنا الحرس
هيصة هيصة والاسماعيلي اتخرس
ههههههههههه برضه مش عارفة كل ما
اجي عندك انسي نفسي
بس انت عارف احلي حاجة ايه ل ما الحرس يكسب او الجيش يكسب البيه طنطاوي يكون راضي عنا اصل حاكم اختك لاعبة في نادي الجيش
ومش هقولك بلعب ايه عشان التريقة والحسد والحقد اللي في قلوب الناس
وطبعا الرضا دة بيجي من مرتبنا اللي بينزل بالتمام كل اول شهر
هههههههههه يا ابني الكورة دي عاملة زي ......... ولا بلاش خليني ساكتة احسن

Amr Ahmed said...

مساء الفل يا اسلام باشا

وبمسي علي كل الاهلاوية اللي زي العسل


يااااااااااارب الاهلي يشرفنا في اليابان

ان شاء الله

islamz said...

يا سارة .. ان شاء الله ربنا هيستر والاهلى هيرجع زى الفل وفى صورة كويسة .. بس انتى ادعى وملكيش دعوة بالبلد الهبلة دى .. اعتبري الاهلى من بلد تانية .. بلد اسمها مصر الاحسن . وان شاء الله ربنا يكرم
ونورتى يا سارة

تحياااتى

:]

islamz said...

وانا اقول ايه النور ده اتارى انجى عندنا
ازيك يا بنتى عاملة ايه ... فرحانة بالمرتب .. ومش فرحانة بالاهلى ... مااااااشي :@

والبيه طنطاوى ده اخره بيشجع مركز شباب كعب النملة لالعاب الفيديو جيم

ومش عاوزة تقولى بتلعبي ايه ؟؟؟؟
طب ليه .. هههههههههههه
هو الحقد كمان وصل للرياضة ..

ربنا يستر بقي .. وخلينى انا كمان ساكت احسن :]

تحيااااااتى

والسلام ختااام

:]

islamz said...

عمووووور .. عامل ايه يا اهلاوى يا جميل ..
ان شاء الله الاهلى هيشرفنا احسن تشريف فى بلاد العيون الضيقة .. ههههههههه

ويرجع منصور ... وربنا يكرم ..

تحيااااتى ...

:]