News

Friday, December 08, 2006

هـــما أساسا .. مطــنــشينـــك



واقف بعيد ليه .. عشان مش زيهم .. ولا مش عاوز تبقي زيهم .. ولا مش عارف تبقي زيهم . اللى زيهم كتير .. حواليك وفى كل حتة .. بتبص جنبك مش لاقيهم .. لكن هما شايفينك ومطنشينك فى كل سكة بتسأل ليه .. عشان انت مش زيهم .. ومش عاوز تبقي زيهم .. ومش عارف تبقي زيهم

اللى زيهم كبار حتى وهما صغيرين .. كبار بالورق اللى قالوا عليه مصدر سعادة الكون . والكون لو سألته ايه مصدر سعادته .. هيقولك وانت مالك هو انت منهم ؟ .. ولسة بتسأل ليه بيطنشوك ؟؟

طنشوك وبيطنشوك وهيطنشوك .. الطيور على اشكالها تقع .. انت شايف نفسك زيهم سؤال اكيد عارف اجابته .. سؤال شبعت انت منه .. وهما لسه بيطنشوك

هما كمان عندهم سؤال .. عاوز تعرفه ... طب ازاى هو انت زيهم .. طول ما انت واقف بعيد هما مش هيقربولك .. هيتكلموا عليك من بعيد ويقولوا .. عاوز تعرف هيقولوا ايه ؟؟ .. طب ازاااى؟ .. هو انت لسه شايف نفسك زيهم؟

انت بتسأل .. وهما عارفين سؤالك .. وهما بيتكلموا وانت عاوز تعرف بيقولوا ايه .. بس انت مش هتعرف .. عارف ليه .. عشان انت مش زيهم .. ولو وصلت في يوم ليهم .. وكملت ليهم طريقك

هتلاقي كلامهم اللى كنت فاكره عليك كله وهم عشان كانوا اساسا بيطنشوك ...



******

8 comments:

Tamer Nabil Moussa said...

انا مش عايز ابقى زيهم ولا زى غيرهم لانى معرفشى اكون غير تفسى وبس

ممكن نجد عندهم اللى يشبة اللى عندنا ونخد منة لكن نكون زيهم صعب

يوست عفاريتى عم اسلام

تحياتى

islamz said...

اكيد يا عم تامر كل واحد عنده مثل للناس اللى مش عاوز يبقي زيهم .. وميتمناش يكون زيهم .. ولو بقيت نفسك هتلاقي نفسك

... وبالنسبة للعفاريت ... خليهم بعيد يا عم

ههههه .. نورت يا تامر .. واتمنى اشوفك على طوول

تححيااتى .. والسلام ختااااام ..

:]

yara said...

gamda... i had to read it more than once
we fehmtaha be taree2a mo3ayna mesh mot2akeda law deh ely neta to2sodha wala la2
el mohem
ya reet ya 3am nob2a zayohom aw 7ata nosohom aw 7ata rob3ohm
we nabtal ba2a nakhod azbal ma fehom
we nektefy be zebaletna
we nakhod el 7agat el kowissa

Anonymous said...

عجبنى البوست ده جداً لأنه بيعبر عن نمط انسانى بيواجه مشكلة تواصل مع الآخرين لأنه مختلف.

islamz said...

yara .. :D

momken tkoony fhemteha mn weghet nazarek lmawdoo3 mo3ayan ..
wda kwayes enek tshofy el kalam mn weghet nazarek ..
wna t2reban fehemt anty 2sdk 3la meen ;) .. we mwaf2ek fe kalamek ..

nawarty ya yara ..

we el salam khetaam ... :]

islamz said...

اخناتون ..

بصراحة اسمك عاجبنى جدا ...

فعلا انت فهمت قصدى من كلامى .. المشكلة هى عدم القدرة على التواصل ..وحاسس انها بقت منتشرة الايام فى كل المجالات .. فى ناس مش عارفة تتكلم او مش قادرة تتكلم او مش عاوزة تتكلم .. المهم انهم مبيوصلوش اللى عاوزين يقولوه .. وده فى حد ذاته مشكله
يبقي عامل زى الاخرس فى وسط ناس مش عارفين لغة الاشارة .. يحس بالضياع ويحس انهم بيضيعوه وفى الحقيقة انه هو اللى بيضيع نفسه .. لانه مش عارف يتواصل مع نفسه ...

تحياتى لك يا اخناتون .. :]

smraa alnil said...

اسلام باشا
حلو اوي البوست دة عجبني
يظبط الدماغ هههههههههه
بص بقي
زمااااااااان في ناس بتتمني انك تكون زيهم وفعلا بتبص عليهم من بعيد ومش قادر تكون زيهم لانك حاسس انك مش قدهم
دلوقتي لازم كل واحد فينا يروح يتكلم معاهم ويقعد معاهم بس مش يبقي غير نفسه زي ما تامر ما قال
ومش عيب ان انت تاخد منهم حاجة عشان شايف انهم كويسين في حاجة
بس عارف ايه المشكلة ان ممكن الحاجة ال انت هتاخدها منهم ديعشان تكمل بيها نفسك ممكن تكون مضرة ليك بعد كدة يبقي فشلت يا عم الحاج في انك تاخد حاجة منهم
اقولك اتفرج عليهم من بعيد وروح ليهم
واتعامل زي مانت وانا كمان هتعامل زي نفسي
وحاجة من الاتنين
يا يقولوا ايه العبط دول هما ازاي عايزين يبقوا معانا لازم يكونوا زينا مش هم
و يقولوا لينا امشوابعيد عننا بس هيتكلموا علينا
يا اما يرحبوا بينا ويقولوا لينا احنا عايزينكم زي مانتم وراضين اصل انتو مختلفين
وبرضه بعد ما نمشي هيقولوا ايه المتخلفين دول
بلا قرف
يعني في كلا الحالات هتبقي زيهم مش هيعجب
عايز تبقي زيهم برضه مش هيعجب
مش عارف تبقي زيهم سواء بتحاول او لا بره مش هتعجب
يعني من الاخر روح موووت احسنلك
او اتعلم انك تبقي اسلام عشان تبقي احسن منهم وهما اللي يبقوا عايزين يبقوا زيك او يتمنوا يبقوا زيك او مش هيعرفوا يكون زيك


بقولك ايه

انت فهمت حاجة من اللي انا كاتباها دي
هههههههههههههههه

islamz said...

سمرااااا ... يا اهلا يا اهلا

فعلا والله احلى حاجة ان الواحد يتعامل بطبيعته .. عيش زى منتا هتعيش زى ما تحب الناس لو قالت لأة اضرب فيهم ودب
يا سلااام .. شوفتى الحتة اللى فاتت دى

بجد يا بنتى الحياة بتبقى احلى لما الواحد يعيش بشخصيته لا يتصنع ولا يتظاهر .. واللى عاجبه عاجبه واللى مش عاجبه عنه ما عجبه

مش لازم ترضي كل الناس .. زى ما فى ناس هيكرهوك أو هيتضايقوا منك هتلاقي زيهم ويمكن اكتر حبوك وقربوا منك علشان انت على طبيعتك

... فاهم كلامك طبعا ... ونوتى يا سمووورة .. تحياااتى .. والسلام ختاااااام

:]