كل سنة وانتوا طيبييين والسنة اللى جاية على جبل عرفات ان شاء الله واقفين
العيد فرحة مااااااااااااء :)
ايه اخبار الخروف .. طبعا اشهر صوت فى الشوارع دلوقتى هو صوت الخرفان مع
اختلافها .. ايوة اصوات الخرفان مختلفة
وكل خروف وصوته بقي .. والساحة الفنية اتملت خرفان .. ههههههه
زمان كنا نرخم على الخروف ونركبه ونفضل نضرب فيه
تقولش حصان ..
والخروف يبقي خلاص هينطق " ادبحونى بدل ما العيال دى تموتنى من الغيظ" والزمن بيعيد نفسه
بشوف عيال عفاريت بيعملوا مسابقات جرى بين الخرفان
.. ههههه .. والله كل واحد منهم يجيب الخروف اللى ابوه جابه
ويحطوا الخرفان جنب بعض فى الشارع ويفضل كل واحد منهم يضرب الخروف
عشان يجرى اسرع وممكن الخروف يجرى ويهرب
ويبقي نهار الواد ابيض مع ابوه لما يقوله الخروف هرب يا بابا
وانا كنت بلعب معاه وملحقتوش .. عااااااااااااه
وتتفتح المناحة ...
ولو الخروف وصل ليوم العيد بالسلامة من
شقاوة جيل العفاريت ..
هيروح فين من سكين الدبح
وابقي اهرب بقي يا حلو .. ورينى هتهرب ازاىبكرة الوقفة وبعده العيد .. وهتدبح يعنى هتدبح
مرة تانية كل سنة وانتوا طيبيييين ..
عيد اضحى مبارك .. وتقبل الله منا ومنكم
******
واسمع صوت
خروفك المفضل
وقولولى
ايه رايكم
فى المواهب
الخروفية
:]
18 comments:
ازيك اسلام
كل سنة وانت طيب
عيد سعيد
تامر ..
وانت طيب يا جميل .. عيد سعيد عليك وعلى الامة الاسلامية كلها ان شاء الله ..
نورت البلوج يا تامر متغيبش تانى عننا بقي ماشي ..
تحياتى .. والسلام ختااام
:]
كل سنة و انت طيببببببببببب
سعد بيسلم عليك...طبعا مش عارف مين سعد.... دا الخروف بتاعنا
:D
عليااااء :
وانت طيبة وبالف خير يا رب ...
انتى سميتى الخروف سعد .. هههههههههه
طب سلميلي عليه وقوليله وحيد بيسلم عليك .. ووحيد ده خروفنا العزيز ...
ههههههههههههههههههه .. اسميه بمزاجى بقي
كل سنة وانتى طيبة يا عليا ...
:]
هههههههههههههههههههههه
والله ضحكتني منك لله
انا عمري ما ركبت فوق خروف ما تديني وحيد العب بيه شوية
وبعدين اول مرة اسمع عن مسابقة لخرفان دي
انا عملت قبل كدة مسابقة بين لارانب
بس مش هربوا
كل سنة وانت طيب يا اسلام يارب
ويارب بقي تخلص من امتحاناتك دي
سموووووووووووورة :
أديكى وحيد تلعبي بيه لا يختشي لا يهرب وساعتها نضرب احنا الاتنين ... اديهولك ويهرب وادبح انا .. هههههههههه
والله يا بنتى انا شفت الحكاية دى فى اسماعيلية .. وفضلت اضحك ضحك .. كان نفسي اصور العيال العفاريت دول بس مكنش معايا الكاميرا ...
كل سنة وانت طيبة يا سمووووورة ... وادعيلى بقي انى اعدى الامتحانات على خيييير ....
انا هبدأ يوم 1/9 خلااااص قربت
وربنا يستر ....
سلااااامز يا سمورتنا الحلوة :]
كل سنة وانت طيب يا اسلام
والسنة الجاية اشوفك في عرفات كده ان شاء الله
عززززز
وانت طيب يا جميل ... والسنه اللى جايه نكون سوا على عرفات ان شاء الله ...
:]
جبت صوت الخروف ده منين بقى
انا الخروف بتاعى مؤدب مش بيقول اى صوت عشان انا راسمها على ورقه اصلا
احنا مش بنجيب خروف بنجيب اللحمه جاهزه ياعم احنا لسه هاندبح
يالا كل سنه وانت طيب
يالا باى
شيكولاتاية :
مفيش خروف مبيمئمئشي .. ده حتى اكبر خروف فى البلد نازل مأمأة ليل ونهار .. ومحش عارف يدبحه .. هههههههههههههه
حتى الخروف بتاعك اللى على الورقة اكيد له صوت بس انتى مش واخدة بالك منه ... ركزى انتى معاه شوية وانتى هتسمعيه .. هههههههههه
بس انصحك ميكنش معاكى حد عشان ميقولش البنت اتهبلت وعاوزة تسمع صوت الخروف اللى هى رسماه .. بس ولا يهمك دول ناس حقوديين مش عارفين ان الخروف بتاعك اللى على الورقة بيمأمأ زى اى خروف
كل سنة وانتى طيبة وعيد اضحى سعيد ان شاء الله ...
نورتى يا شوكو .. ومتقطعيش الزيارات بقي ...
تحيااااتى .. :]
البوج شكله حلو قوي
و كل سنة و أنت طيب:)
كارول :
متشكر على مجاملتك الحلوة ..
وكل سنة وانتى طيبة .. نورتى البلوج .. واتمنى اشوفك على طول هنا ...
تحياااتى .. والسلام ختااام ...
:]
كل سنة وانت طيب يا عم اسلام ايه الحلاوة دى بس وصوت خرفان واصوات مختلفة كمان ده ايه الدلع ده كله دى حاجة حلوة خالص .. المرة اللى جاية بقي عاوزين خروف حقيقي على البلوج مش صوت وبس هههههههههه
كل سنة وانت طيب يا باشا :)
هادى :
عامل ايه يا ولد .. كل سنة وانت طيب
ايه رايك بقي .. شفت صوت وحيد
ده الخروف بتاعنا .. ههههههههههههه
ده صوت وحيد وصوت خرفان تانية كتير بس عجبونى ... هههههههه
وبفكر انزل اغنية اكسر بيها السوق اسمها مأمأة ...
ايه رايك ... ههههههههههههههه
وبالنسبة لمسالة الخروف الحقيقي ديه هفكر واقولك يا ظريف :P
وهبقي اديك اول خروف ... اتفقنا
كل سنة وانت طيب وابقي اسال يا ندل
سلاااامز :]
عيد سعيد بإذن الله
كل عام وأنتم ومن تحبون بكل خير وسعاده ..
أرق أمنياتي
كل سنة و انت طيب يا اسلام
و هابى نيو يير :P
ابن بهية :
كل سنة وانت طيب .. وعيد سعيد عليك .. نورت المدونة واتمنى اشوفك دائما ..
تحياااتى :]
emzzzz :
وانت طيبة .. وهابي نيو يير فور يو توووو
نورتى وعاوز اشوفك على طووول هنا .. ماشي :]
سلاااامز :]
Post a Comment