News

Sunday, December 31, 2006

سنة جديدة .. وايه يعنى ؟


2007

كل سنة وانتوا طيبين .. عام جديد سعيد ان شاء الله

انا كنت ناوى انكد عليكم فى البوست ده .. بس قلت بلاش كفايه نكد
الناس مش ناقصة ..

صحيح ان فى ناس مننا شغالين امتحانات وبتاع وده قمة النكد وانا منهم للاسف
بس اعمل ايه يعنى اسيب السنة الجديدة تبتدى كده من غير
ما احس لا طبعا .. حاشا وكلا .. دنا لازم اهيص واضحك واطفى النور
السعة 12 بالظبط .. شايفك ياللى بتضحك وتقول هتعمل ايه لما يطفوا النور ..
هروح انوره تانى يا خفيف .. تفتكر هعمل ايه لما النور يطفى يعنى
كان نفسي اروح حفلة منير اللى فى الاوبرا
بس يا خسارة عندى امتحانات وكل اصحابي برده عندهم امتحانات
ولو كنت قلت لحد فيهم حكاية حفلة منير ديه
كان ممكن اسمع كلمة مش لطيفة ابدا
يلا مش مهم .. ابقي اتفرج عليها اصل انتوا متعرفوش منير ده روحى روحى روحى

-------



امبارح صحيح اعدموا صدام وضيعوا علينا فرحة العيد مش عشان صدام مات .. لا ده لاننا حسينا بالمذله والامتهان حسينا بكسر رمز القائد العربي وحسينا بحاجات كتيير .. هما عاوزين يضيعوا فرحتنا بس مش هنديهم فرصة .. هييجى اليوم اللى يعرفوا فيه ان الله حق .. والقوى فيه اللى اقوى منه

--------

نرجع تانى للسنة الجديدة بقي

والاهلى امبارح فاز على الزمالك بهدفين فى القمة 98 وكان عريس اللقاء فلافيو واللى كان بالصدفة بيحتفل كمان بعيد ميلاده




الهدف الاول لفلافيو



الهدف الثانى لفلافيو

مبروووك يا اهلى ..
هارد لك يا زمالك يا حبيبنا


--------

دلوقتى بقي كل واحد يتمنى امنية حلوة يا سلام لو الواحد
وهو ماشي كده يلاقي
صرة من الدنانير ... ههههههه


تبقي ليلة والواحد يبعزق فى الدنانير يمين
وشمال
ولا يهمه حاجه .. معاه صرة دنانير كاملة بقي

سنة جديدة سعيدة عليكوا كلكوا يا رب ..
عام سعيد لكل العالم .. من الشرق للغرب
لا الغرب لا سنة مهببة عليهم ان شاء الله
وبالذات القرد اللى اسمه بوش ده


Fuck you buch
ولا نقول ايه يلا ربنا ياخدهم
احنا نقول كل سنة وانتوا طيبين وخلاص
علشان احنا محترمين بس

بس اللى مش بيفهموا عربي نقولهم ايه
هنقولهم عام سعيد بكل لغات العالم الحية والميتة ..



in English :

happy new year 2007

Chinese :

新年好2007 年

dutch :

gelukkig nieuw jaar 2007

French :

nouvelle année heureuse 2007

German :

glückliches neues Jahr 2007

Greek :

καλή χρονιά 2007

Italian :

nuovo anno felice 2007

Japanese :

明けましておめでとう2007 年

Korean :

새해 복 많이 받으세요2007년

Portuguese :

ano novo feliz 2007

Russian :

С Новым годом 2007

Spanish :

Feliz Año Nuevo 2007



فى حد تانى لسه مقولنالوش عام سعيد .. بيتهيألى مفيش
حد على كوكو الارض اللى فوق ده ميفهمش اللغات دى كلها
ولا ايه ... :]

خلو بالكوا من نفسكوا وسنة طيبة عليكوا كلكوا ان شاء الله
وابقوا قولولى عملتوا ايه لما طفيتوا النووووووور

بطل قلة ادب يا واد منك له له له ليها ليها ليها له له
اما جيل اخر زمن ...

انا رايح اطفى النور بقي ...

سلاااااااااااااااامززززز






song
we wish you a merry Christmas


18 comments:

Gid-Do - جدو said...

شكلى انى اول المهنئين كل سنة وانت فى صحة وسعادة واشكر حضورك وزيارة مدونتى

islamz said...

جدووو :

دا انا ليا الشرف ان حضرتك اول واحد ترد
كل سنة وحضرتك بالف خير وصحة
واتمنى تزورنى على طوول

وسنة جديدة سعيدة عليك وعلى كل اللى بتحبهم ..

تحياااتى :]

بيجاسوس المصرى said...

happy new year 2007

بس انا زعلان فعلا
فين بقى بالصعيدى يعنى كل لغات العالم ونسيتى الصعيدى
ههههههههههة

كل سنة وانتى طيبة و شرفتنى فعلا فى المدونة

تحياتى
بيجاسوس المصرى

Haitham Abu Akrab said...

والله يا معلم ووفرت عليا بوست نت تراجعت في كتابته
وجمعت لي كل الي عايزه في ليله راس السنه واخر يوم من 2006 حسسك انه سنه بحالها
علي فكره ادينا ف 2007 ايه الي اتغير
نو نيوز حتي الان
واتباعا للمثل الانجليزي الشهير
نيو نيوز از جود نيوز

دينا فهمي said...

كل سنة وانت بخير

basma saghir said...

كل سنة وانت طيب والسنة الجاية ان شاء الله يلغوا النظام الفاشل الي اسمه امتحانات الترم واخر السنة علشان نعرف نروح حفلة منير...كان نفسي اروحها قوي قوي...يلا بقى كل سنة وانت طيب كمان مرة
وابقى تعالى انت مبتجيش ليه

smraa alnil said...

سلامونتي

شفت الفقر ياخويا
انا بقي كنت هروح حفلة منير انا واخويا
لولا اني اتخانقت معاه وحلفت اني مش هخرج معاه
وسبته يروحها لوحده
فقرية بعيد عنك

كل سنة وانت طيب يا مان
بس ايه يلا الثقافة دي كلها
انجليزي دة يا مرسي
واحشني يا واد
مش تسال علي اختك يلا
شاطر بس تعملي في بوستات وناسي اختك الكبيرة
اصل انا مش عرفت اربي
ماشي انا هتصرف معاك
ربنا يوفقك في امتحاناتك يارب
بدعيلك يا واد
انت واللي زيك
ههههههههههههه

islamz said...

بيجاسوس ..

اهلا بيك هنا .. يا سيدى الصعيدى مقدور عليه وليه انت مقولتوش يا عم الحاج .. ههههههه

بس في حاجة بقي يا عم بيجا واضح انك فاكرنى واحدة وانا راجل كده زيي زيك :]

شرفت المدونة واتمنى اشوفك على طوول :]


تحياااااتى .. :]

islamz said...

هيثم ابو عقرب :

والله عندك حق اخر يوم فى السنة كان مليان احداث .. وكويس ان البوست عجبك :]

وعاوز اشوفك هنا على طوول

تحيااتى وكل سنة وانت طيب :]

islamz said...

دينا فهمى :

وانتى بالف خير وصحة يا رب .. شرفتى ونورتى ومتقطعيش الزيارة بقي ..

تحياااتى :]

islamz said...

بيسووو :

وانتى طيبة يا جميل .. والسنة اللى جاية ان شاء الله اكون انا خلصت التعليم اساسا
ههههههههههههه
متفكرينيش انا كان نفسي اروحها اوى واضايقت لما منفعش اروووح ... عااااااااا
بس يلا خيرها فغيرها ...

نورتى يا بيسو وكل سنة وانتى بالف خير

:]

islamz said...

سمووورة :

ليه كده بس يا فقرية .. حد يضحى بحفلة منير .. يا نبيهة .. طب كنتى قلتيلي اروح بدالك .. ههههههههه

يلا يا بت انتى صالخى اخوكى عشان عيب كده

شوفتى الثقافة واللغات اللى عندى
انى اتحدث العربية بتلاكة

فين البوستات دى يا خسرة ده هما كام بوست كنت عاملهم قبل كده ومجهزهم للمناسبات بتاعتهم ..

يادوب عملت ابديت لبوست راس السنة عشان ماتش الاهلى واعدام عم صدام

وببعدين هو انا اقدر انسي سمووورة .. مش عيييب :]

ادعيلى يا سمووورة والنبي عشان انا خلاص همتحن يوم الثلاثاء 9\1 .. ادعيلى ربنا يسهلهالى كده وانجح ...

وكل سنة وانتى طيبة يا سمورتنا الحلوة

سلاااااااامز :]

Anonymous said...

happy new year for you islam .. and i wish 2007 to be better than 2006 .. lol .. nice blog dear

islamz said...

semsema :

happy new year for you too >> thx for your visit
and i wanna knew your url to visit you back >> :D

thxxx .. :]

VEЯŎ said...

kol sana we 2nta taeeb

islamz said...

vero :

we 2nta tayb ya basha .. we el sanady tkoon a7san insha2 allah ..

:]

un said...

السلام عليكم ورحمة الله وبركاته
نحب ان نحييك عخلفية البلوغ الاكثر من رائعة

وايضا عطريقة كتابتك عن ما يحدث بمصر وشوارعها
فعلا هناك اشخص يجن ان لا يكونو احرار
لان ما يفعلوه يخجل
اين الخوف من الله
؟؟؟؟؟

islamz said...

اخوات فى سبيل الله ..
-----------------

وعليكم السلام ورحمة الله وبركاته ..
مشكور على كلامك ..

هناك من يخاف من الله فى السر والعلن
الجميع يخاف الله ولكن من يتذكر الخوف وقت المعصية .. من يتذكر الخوف وقت سيطرة القوة ..

تحيااتى .. :]