News

Friday, March 23, 2007

ميــن اللـى ميـحبش حسنـى !!!


انا شايف بقالي فترة هجوم على رئيسنا العزيز
ليه كده يا جدعان .. ده جزاء الراجل يعنى اللى عاوز يصلح الدستور
اصل انتوا متعرفوش اصل الدستور كان بيخر ميه
وكل واحد بيحن لاصله .. بس يا قليل الادب انت وهو
هو مفيش غير السباك اللى بيصلح الميه اللى بتخر
لأ طبعا اى رب اسره عنده خبره بأمور السباكة والذى منه
وطبعا احنا الاسرة .. والريس ربنا .. قصدى رب الاسرة يعنى
وهو بقى ادرى بالامور دى . فليه الهجوم العنيف ده ...
يعنى الحق عليه ... والله المثل طلع صح خير تعمل شر تلقي
هو احنا كده ميتمرش فينا حاجة .. دحنا المفروض ندعى للراجل ده ليل ونهار
سامع واحد قليل الحيا بيقول انا هدعى عليه .. هش اخرس عيل ابن صرمة اهلك معرفوش يربوك
احترم نفسك يلا .. ده حتى عادل امام كان بيدعى لكل الرؤساء هو انت احسن من
عادل امام يعنى .. اللهم زود من بابا غنوجه اللهم اديله كباب وكفته





ها مش نحترم نفسنا وندعى للزعيم كده .. عايز يعدل الدستور يعدله
اللهم اعدل الزعيم

عاوز يقضي على الفساد ما يقضي
اللهم اقضي على الزعيم

وانا من بلوجى هذا بهدى الاغنيه دى للزعيم الحبيب
وبهديها لكل اللي يحبوه
وبيب بيب ريس ... بيب بيب بيب ريس






الله يخريبتنا احنا يا شيخ ..

20 comments:

bluestone said...

يا سيدي الله يخرب بيتنا ويعمر بيت الزعيم ماقولناش حاجة ..
بس هيتخرب ايه اكتر من كده ...
عبارة وحرايق وقطارات ودستور وحبس وضرب صحفيين واغلاق صحف ونهب ثروات وسرطان وتلوث ودماء ملوثة ولبن بايظ ..

مش عارف فاضل ايه يتخرب

بس سيبك برضه .. الله ينور بيته ... بحريقة

nadine said...

كرررركرررركييييييييييير
ده انا وانا بضحك
اصل البوست بصراحة فكاهى جدا
:P

بس بعد كل ده
يبقى السؤال الأزلى
حائرا
هائما
يبحث عن إجابة
السؤال الذى لطالما ادهش العالم
السؤال الذى عجب عن إجابته الفلاسفة و المفكرين
السؤال

مين اللى مايحبش حسنى؟؟؟
مييييييييييييييييييييين؟؟؟

raspoutine said...

طب يا ريت يكون يعرف كويس فى السباكه وميكونش هاوى ويخربها علينا ويغرقنامع انى متأكد انه هيعرف يسبوكها كويس هوا وصبيانه
صح ولا ايه؟؟؟؟؟

واحـــد مـــــن الـنـــاس said...

يخربيت فقرك يا اسلام

انا فطست من الضحك يا منيل

الله يخربيتنا على يخربيت الشعوب كلها
على يخربيتي انا شخصيا

والله هم يضحك وهم يبكي

islamz said...

bluestone :
---------

على رايك يا عم بلو انا هقووول امين على دعاءك اصل عادى يعنى عشان بنحب ريسنا ندعى ربنا ينور بيته كمان وكمان قادر يا كريم ,, هو وكل اللى معاه ...

وزى ما الفنانة المتربة وردة قالت جرب نار الغيرة

انا بقوله يجرب نار الشعب وقولى قولى ... هههههه

نورت يا بلو :] بس من غير حريقة يا عم اصل انا مش معاهم :]

islamz said...

نادوووو:
-------

عاش من شافك يا نادين وحشانا بس ايه الضحكة الثفرا ديه :P

انت فكرانى بتريق على ريسي حبيب قلب الشعب .. تصدقى انا بسأل نفس سؤالك وملقتش حد بيقول انا .. الحمد لله

يا رب اديله على اد نيته ...

ههههههه

ونورله بيته زى مقال بلو .. قولى ااااامييييييييين

شرفتى يا ندووونة :]

islamz said...

ايمن :
----
وحشتنى تعليقاتك ونورت البلوج فينك يت راجل من زمان مقاطعنا ولا ايه ..
يا عم الناس دى مفيش حاجة متعرفهاش
مش بيقولك اللى ميعرفش يقول اييييه ... شاطر يقول عدس ... وحبايبنا غرقوا فى العدس ... هههههههههههههه

ومفيش اكتر من الصبيان اللى تشيل الليلة فى اى زنقة وكلهم مختلين ولا ايه يا عم ...

سلاااااااامز :]

islamz said...

على :
-----
اولا انا فرحان بجد انك رجعت تانى
ثانيا .. انا فقري ليه بس يا عم دنا بهديله اغنية عشان بنحبه ( سامحنى يا رب ) بنحبك ايه بنحبك ... هههههههههه

محدش واخد منها حاجة عيشها بالطول والعرض خاف من ربك .. متخفش من مخلوق اعمل اللى عليك وسيبها على ربنا
الدنيا زى مهى بتمشي كتيييير غلط بيجى وقت ويظهر الصح غصب عن الكل ... والله يخربيت اللى يزعلك يا شيخ ...

تحياتى ليك واتمنى اشوفك :]

... الـبـتـاع ... said...

و الله ما عارف أرد, بس عارف إيه الى ينرفز بجد... إن فى ناس مصدقة الكلام ده

ياعم فضك سيرة
وارضى بقسمتك
دا شعب مش فاهم أكيد
يالا أطرده من رحمتك
وإن كنت غاوى الحكم
خليك مطرحك
هاغطس واقب وأعود
بشعب يريحك
راضى وعمره مايجرحك
........
........
نستحلفك ....... نسترحمك
نستعطفك .......نستكرمك
ترحمنا من طلعة جنابك
حبتين

islamz said...

البتاع :
-------

منور يا عم انت انت عارف انا هسميك الفاجومى ;)

وحبتين ليه متخليهم تلاتة ولا اربعة ولا خمسة ...

تحياااتى :]

smraa alnil said...

تصدق انا مش بيطمر فينا العيش والملح

اللهي ربنا يارب يسعده سعادة حنيدة الاهطل
وينور بيته بحريقة ما يعرف حد يطفيها وتفضل منورة كدة يجي الف ليلة وليله

Amr Ahmed said...

ده زي مين ميحبش فاطمة كده

ولا ايه بالظبط

الف الف مبروك وعقبال عندكم

بيسوو said...

لالالالا بقى
يخرب بيتنا ايه..اصل مفيش اكتر من كدة خراب..ربنا ياخدنا بقى علشان نرتاح ونريح...علشان ميبقاش في ازعاج للزعيم وتبقى مصر هادية وحلوة ومفيش معارضة ولا احزاب ولا اخوان ولا اي حاجة خالص
هو صحيح...مين الي ميحبش فاطمة؟
قصدي حسني...حسني ده طاقة نور وحنان
سيبك انت...انت عامل ايه؟

copa said...

عم اسلااااااااااااام
المختفي انت فين يابني ارحمني واظهر مره
اما عن تعليقاتي المهمه نحو مصير الامه المصرية ههههههههههه انا تعبت من التعليقات علي الحوار ده
البلوجرات كلها ولا كائنها وكلات رويترز منها انا برضه ههههههههههه و برضه محرمش اسلام حبيبي منها مصر هي امي نيلهاجواه دمي رايحه فين يا ماماتي حسني واخدني بحمارتي اشطه يا عم ورينا وشك بقي

islamz said...

سموورة :
-----
شوفتى يا سمورة احنا حقوديين ازاى
وكنا فاهمين الراجل غلط ..
وانا من مكانى بدعيله معاكى واقول امييييييييييين

تحياتى يا عسل .. :]

islamz said...

عموووور :
-------
عاش من شافك يا عم انت
فاطمة مين يا عم فاطمة دى كانت زمان
وهو كمان من زمان
شوف فاطمة راحت فين دلوقتى
وهو زى ماهو تلح متغيرلوش مكان


هو ايه اللى عقبال عندنا يا واد يا عمرو .. هو فرح ..

:]

islamz said...

بيسووو:
-------
يا نصابة هانم لسه طبعا فى حاجات غير ان ربنا ياخدنا
مش لسه عندنا هدوم لما نبيعها
وميبقاش فاضل غير لبانة فى بقك وتتاخد غصب عنك يبقي كده ظلم بقي

منا نفسي الاقي اجابة للسؤال ده ؟
هعمل استفتاء بنعم او لا

وكل الشعب هيقول نعم كالعادة
وانا معاهم .. هههه

ولا انت مش معاهم

نورتى يا بيسووو :]

islamz said...

كوبااااا:
-------
والله يا ابنى انت واحشنى ايه اخبار الثانوية العامة .. ربنا معاك شد حيلك يا عم انت ... انا مش مختفى ولا حاجة بس زى ما تقول بذاكر شوية بضمير عشان ده اخر ترم ومش ناقص اشيل مادة تانية ولا حاجة ساعتها ندعى على مين .. تفتكر على مين .. هههههههههههه

نورت يا بطل الثانوية الهمام .. وشد حيلك .. :]

khaled said...

ربنا يبرطشه

islamz said...

خالد :
-----

أأأأأأأأأأأمييييييييييييييييييييييين

نورت يا عم خالد .. متقطعش الزيارة بقي
على فكرة مدوناتك الاثنين تحفة
تحياااتى .. :]