News

Saturday, March 31, 2007

فتح عينك تاكل ملبن



كل سنة وانتوا طيبين والسنة اللى جاية زى دلوقتى
يا رب منكونش فى مستشفى المجانين مرميين

قلنا لأ وطلعت اه لا وايه 75 وكسوور

عملوا استفتا عشان الافتا قال ايه بيعدلوا دستور

مشيت كفتة وكوسة وبامية بس خلاص كشفوا المستور

شعبي حبيبي تعالى وقولى ايه اللى مضايقك

حبك برص وسبعين خرس وربنا ياخدك

فرحان يا روح امك بالكرسي يلا يا عم محدش قدك

فتح ..عينك نديك ملبن ولا حد يذلك ويحاسبك

روح واتغطى وشخر ناااام

الدستور للجميع هـا هـا هأ سلملى على المدام

بحبك وانت بتغنى عاوز اعدل الدستور درجن درجن وادستر

عاوز اعدل الدستور درجن درجن وادستر درجن درجن

واقعد جمال ويشد اللجام .. درجن درجن

وادستر درجن درجن .. وادستر

واجيب الشعب بتاعى يقعد جنبي ويدستر

ويحط ايديه فى دراعى ويأنجنى (مشوار لحد امن دولة ) ونتمخطر

ونركن على اى جنب وننزل ناكل بطاطا وكمان نقزز لب ( فى مجلس الشعب طبعا ) ونحلى بالشكلاتة

وادستر درجن درجن .. وادستر ..

وهحط فى عينهم شطة ( اللى قال لا فى الاستفتا) وهلبسهم برانيط ( عشان يبقوا معروفين وسط الشعب ) وهنلعب

حطة يا بطة ( ابقوا قابلونى لو أخدتوا منى حق ولا باطل ) وهنتطط تنطيط

وحبيبي هيسرح بيا ( جمال عاوز يمسك ) واقعد اسبله فى عينى ( أعدله الدستور ) وكمان

يمسكلى ايديا ( كبير بقي ومش حمل مشي ) قال ايه الواد بيعدينى

وادستر .. درجن ردجن .. وادستر ..

كفاية يخربيت صوتك ... لميت الدبان ..


كانت هذه تحية مقدمه من الزعيم القائد الى الشعب
العزيز اللذيذ .. واللى بيقول اه فى كل حاجة عشان بيحي الزعيم
وبيسمع الكلام وبيشرب اللبن المغشوش بليل
ويشرب مية مسممة بالنهار
والاطفال يجيلهم حصبة فى الجيزة ويقفلوا مدرستين

والبرنس بيدستر .... وسلملى على سعد
وبوجه احلى اغانيه بحبك يا حمار
الى اغلى شخص فى الوجود .. طبعا معروف عشان غالى علينا كلنا

وبهديله الفيديو ده بمناسبة المولد النبويى الشريف
الهى بحق جاه النبي يحصل اللى فى دماغى وكل اللى فى دماغة حاجة تتحققله
ونشوف الفيلم المعجزة ..

فتح عينك تاكل ملبن ...






شعب مثقف مثقف مثقف مثقف
والقراءة للجميييييييييع

10 comments:

Amr Ahmed said...

كل سنة وانت طيب يا اسلام باشا

... الـبـتـاع ... said...

سؤال: إيه رأيك فى التعديلات الدستورية؟
إجابة: ماعرفش عنها حاجه و الله .... أنا لسه جديد هنا

مش باقولك بلد مسخره !

واحـــد مـــــن الـنـــاس said...

هيا دي مصر يا عبلة

islamz said...

عموووور :
------
وانت طيب يا معلم .. منوووووووور
وليك حصان هدية :]

islamz said...

بتاع :
----

هى مسخرة بعقل .. دى مسخرة كلمة حلوة ومحترمة جدااااااا

islamz said...

على :
---

بيقولك عبلة اتمسكت بعد التعديلات الدستورية طبقا لقانون يجرم اهانة رئيس الجمهورية .. وبيقولوا بقي ان بلة بقالها سنين قارفة المسئولييين ومطلعة عينهم وهارياهم تريقة .. فقالوا يخلصوا من ام اللى جاب عبلة

smraa alnil said...

اولا غير ام النيو لوك بتاع المدونة عشان مش حلو خالص
الاولاني كان احلي
ثانيا كلامي هيجي متاخر
بس يارب كل يوم وكل ثانية تعدي عليك تكون طيب

لامؤاخذة بقي عشان رايحة ادستر
درجن درجن

islamz said...

سمووورة ..
------
تصدقى انا زهقت من حكاية التمبليت دى
انا شكلى كده هرجعه لأول واحد وخلاص
مع انى كنت فاكر ان ده كويس .. المهم انتى ايه اخبارك ويارب انتى كمان تكونى بألف صحة وسلامة يا قمر ...

وروحى ادسترى براحتك حد حايشك ..

نورتى يا انووووجة :]

18goosebumps said...

موت من الضحك على الى مش منهنا

الاخ من الكوكب المطرود بلوتو

islamz said...

goooos :
-------

هههههه .. شفتى اللى بتقول لا والله اصل انا مش من هنا .. ولا البرنس التانى اللى فضل يقول يا عم انا اللى اعرفه ان الريس حبيبنا وهو حسنى مبارك .. وبصراحة انا بحيي الراجل ده وبقوله جتها نيلة اللى عاوزة خلف ..

منورة يا جووووز ... :]