News

Saturday, April 07, 2007

يــوم شــم مــباركــ


كل سنة واخواتنا المسيحين وكل المصريين بخير
عيدكم سعيد ...

يوم شم النسيم ده ليه ذكريات معايا كتيير
من وانا صغير وانا لما كنت بحب الون البيض
وفاكر ان الالوان هتبقي جوه البيضة كمان
يعنى الحمرة هتبقي من جوه حمرة والزرقا زرقا وهكذا
وبمجرد ما ماما بتقشر البيض
تتبدد كل احلامى فى اكل البيض الملون ... عااااااااااااااا
مليش دعوة انا البيضة بتاعتى كانت حمرا
( دا انا بكلم ماما بعد لما قشرت البيض كله وبقي لونه كله ابيض ) وهى ترد عليا
يا حبيبي البيض بيتلون من بره بس القشرة بس لكن من جوه بيفضل ابيــ... عاااااااااا
لا مليش دعوة انا عاوز بيضتى

وهكذا يستمر الجدل حتى اقتنع بان البيض كله لونه ابيض
وكل اللى احنا بنعمله اننا بنلون القشر

وخدت وقت الحكاية دى علبال ما اقتنعت
وماما جابتلى من الحجج والبراهين والدلائل
ما يفيد بان البيض كله ابيض
والا .. فعنى ما اقتنعت ...


بوووووووع أأأغعععع ععععع

ده صوت حركة المعاء حركة انفعالية شديدة تؤدى الى
خروج ما بها من مواد غذائية غير جيدة الهضم
عن طريق الفم .. وبالبلدى كده
ترجيييييييييييييييييييييييييع

هههههههههههه
اه والله .. انا بقي عدو الفسيخ الاول والثانى والثالث والرابع .. وهلم جرجر

وصدق الحكيم اللمبى لما كان فى السجن وقال كلمته الشهيره
" هي الناس دي بتاكل ايه بيــبــي " ههههههه
اقولك بقي عزيزى اللمبى .. لا هما بياكلوا فسيخ

وخلاص كلها يومين تقريبا والدنيا هتتملى برفان فسيخكوا
والواحد هيمشي بكمامة بعد كده

وانا من مكانى هذا ارفع شعارا جديدا لمناهضة اكل الفسيخ

" اذا كـــان من حقـك ان تـاكل فسيـخا فمن حقي ان استنشق هواءا نقيــا " وحرام عليكوا بقي


وكل سنة وكل الناس طيبين ... بس من غير فسيخ
عااااااااااااااااااااااااا

14 comments:

bluestone said...

وانت طيب ...
بس شم نسيم من غير فسييييخ ..
يا راجل ودي تيجي ..
اهم حاجة ا
اوعى تقرب من جونينة الحيوانات
:)

islamz said...

بلووو :
-----

حرام عليكى يا بلو .. اسمه شم نسيم مش شم فسيخ ...

انتى عارفة انا ار مرة رحت جونينة الحيوانات دى من امتى هههههههههه

وانا فى تالتة ابتدائي كده باين وتهت هناك وكان يوم عجب ...

ومن يومها وانا بكرها ... شفتى الطفولة المشردة دى .. ههههه

كل سنة وانتى طيبة :]

واحدة و خلاص said...

www.negma.blogspot.com
خش برجلك اليمين

Anonymous said...

معقول يا اسو ولا فسيخ ولا رنجه ؟؟؟؟ولا حاجه من العيله الفواحه دي


انا اول مره اعرف ان البيض لونه ابيض دلوقت مرسي بجد على البوست ده انا باستفاد معلومات عامه رائعه

islamz said...

ميمووووو :
---------

ايوة معقول ومش معقول ليه حرام عليكوووووو ... والفواحة والفواحة وحبيبتى لابسة التراحة .. وحسرة عليها يا حيرة عليها .. وحسرة عليها يا حسرة عليهاااااا ... شوفتى بقي بقي اديها قلبت بهبل اهه ...

ههههههه


وبالنسبة للمعلومات العامة فهى دى رسالتى اللى بحاول اوصلها لكل الناس
بلا فخر وان شاء الله فى بوستاتى اللى جاية هحاول اجمع بعض المعلومات اللى بتغيب عن البعض والصعبة بعض الشيء
زى مثلا ان الجزر اصفر وبرتقالى
والخيار اخضر .. والطماطم حمرة ..
وربنا يوفقنى فى رسالتى ... هههههه

ماشي يا ميمو .. ابقي استنى المعلومات دى بفي ماشي يا بتاعة الطعمية انتى .. ولا اخلينى ساكت احسن .. سلميلى على استاذ خليفة ... ههههههههههه

منورة يا عسل :]

Amr Ahmed said...

ايه ياعم ده مبتحبش الفسيخ

ازااااااااي

انا هبعتلك فسيخ

واشممهولك بالعافية

نياههههههههههها

كل سنة وانت طيب يا مان

islamz said...

عمووووور :
--------
لاااااااااااااااااا بلاش بلاش
لحسن هيحصلك حاجات مش لذيذة ابدا .. راجع البوست فقرة بوووع اوووغ يوووعععع
بين قوسين الترجيع .. ولو لسه مصمم انت الجانى على نفسك ... نياههههههههههها


وكل سنة وانت طيب يا قمر

حائر في دنيا الله said...

منتا تستاهل بصراحة حد يكتب في العنوان شم مبارك ومش عارف ايه

انتا تعرف، كنت انبارح معزوم على عشوة شم نسيم من اللي انتا مبتحبهاش وبصراحة انا مكلتش عشان كنت متعشي ومريح معدتي
بس بصراحة الريحة نفسها فضلت معششة في نخاشيشي لغاية الفجر عما نمت بالقوة

يللا ربنا يستر عليك وعلينا
ومع تحياتي

islamz said...

ايه يا عم حائر انت عتوز تركبني اغلط وخلاص .. انا قصدى زى عيد اضحى مبارك .. وعيد فطر مبارك .. يبقي عندنا عيد شم نسيم مبارك .. بس نسيت النسيم وكتبت عيد شم مبارك .. ومحدش علمنى ازاى اغير العنوان .. شفت بقي انك ظالمنى ...
مش قصدى اللى فى دماغك خالص يعنى ..

ملحوظة : مش عاوز حد يتبرع ويقولى هعلمك تغير العنوان عشان مش عاوز اتعلم ..

وخللى العزومة تنفعك يا عم حائر ...
نورت يا معلم :]

Waleed Fareed said...

يا سلام
تصدق يا شيخ انت راجل بتفهم
بجد قال ايه ياكلوا سمك معفن ويقولوا ديليشيوس
بلا هبل
تحياتي وانا عدو البتاع ده الي اسمه فاسيخ يعني ممكن ننزل نعمل حزب اعدا الفسيخ ومادمنا لا نبني الحزب علي اساس ديني -ضمن الدستور الجديد- ففل هلم بنا يا رجل
وتحياتي

ALiaa said...

عفنو عفنو عفنو عفنوووووو
نتنو نتنو نتنو نتنووووو

islamz said...

نهيييييل :
-------
ياااااااه الحمد لله لقيت حد معايا فى الموضوع ده
اخيرا مطلعتش انا الكائن الطبيعى الوحيد على وجه كوكو الارض ...

وحكاية الحزب دى نفكر فيها .. هههههههه

نورت يا عم نهيل وابقي اسأل :]

islamz said...

علياااااا :
---------

لا حول ولا قوة الا بالله .. مالك يا بنتى
اكيد كلتى فسيخ وده اثر عليكى نفسيا ..
معلش بقي جت فيكى ..

والله يا جماعة كانت طيبة وبتتكلم عادى زينا .. لحد ما كلت فسيخ ومن يومها وهى كده ...

وادى جزاة اللى ميسمعش كلمة انا اقولها :]

حائر في دنيا الله said...

جرا ايه يعم الحاجة
انتا اول ما شطحت رحت ضارب جرعة فسيخ زيادة معدتش مخلياك تكتب ولا ايه
ههه
فينك صحيح