News

Tuesday, August 21, 2007

ولسه ، ولسه ، ولسه




اصبح الدعم الان وجع دماغ وقلب كل مصري

اصبح العيش وجع دماغ وقلب كل مصري

اصبحت العيشة وجع دماغ وقلب كل مصري

اصبحت المياه الان وجع دماغ وقلب كل مصري

اصبحت المجارى الان وجع دماغ وقلب كل مصري

اصبح الهواء الملوث وجع دماغ وقلب كل مصري

اصبحت السياسة وجع دماغ وقلب كل مصري

اصبحت الاخلاق الان وجع دماغ وقلب كل مصري

اصبح التعليم الان وجع دماغ وقلب كل مصري

اصبح الغلاء الان وجع دماغ وقلب كل مصري

اصبح الاقتصاد المصري وجع دماغ وقلب كل مصري

اصبحت الشرطة
وجع دماغ وقلب كل مصري

اصبح الظلم
وجع دماغ وقلب كل مصري

اصبح الخوف من المستقبل
وجع دماغ وقلب كل مصري


والحكومة مع ده كله شايفة ان الحكاية بسيطة


وعلى طريقة جماهير الكورة ... ولسه ،، ولسسسه ،، ولسسه


******

14 comments:

smraa alnil said...

وياتري جابوا جون ولا لسة

شكلنا هنسمع لسة دي كتييييييييييير

واحشني يا مضروب

وبعدين موبيلك ماله
علي طول غير متاح

يا فقير

smraa alnil said...

وياتري جابوا جون ولا لسة

شكلنا هنسمع لسة دي كتييييييييييير

واحشني يا مضروب

وبعدين موبيلك ماله
علي طول غير متاح

يا فقير

عصفور المدينة said...

إذن لقد انفسخ
العقد الاجتماعي

islamz said...

انووووج :
--------

يوووه دول جابوا اجوان بالهبل بس فى نفسهم ... ولسه برضه مش واخدين بالهم

والله انت الاوحش .. ههههههههه
بهزر معاكى .. انتى كمان وحشانى

اصل انا فى حالة من الزهق والملل مش بفتح الموبايل خالص .. وانتى عارفانى لما ازهق

المهم خللى بالك من نفسك .. وانت كمان موبايلك مقفول على فكرة ..

وعملالي تعليقين بنفس الكلام .. داخلة تهزرى انتى يا سموورة ماشي بس اشوفك بس

سلميلي على خطيبك العزيز ;)

ودايما منورة :)

islamz said...

عصفور المدينة :
-------------

العقد الاجتماعى .. هل تقصد العقد الاجتماعى الذى تحدث عنه جون لوك ، وجان جاك روسو ، وتوماس هوبز

اذن انت تقصد مفهوم الحق الطبيعى الذى كان سببا لعذاب البشرية لان الحق الطبيعى وصف بالارادة الالهية واتخذه الحكام ساترا
لعذاب الشعوب حيث كان الحكام يدعون ان سلطاتهم مستمده من الارادة الالهية

ارى ان العقد الاجتماعى قد انسخ منذ زمن بعيد منذ ان بعيد جدا
ولم نشعر بالتفسخ حتى الان ..

سعدت بزيارتك بالفعل .. تحياتى لك

Marvel - واحد زهقان said...

يا خوفي ليلعبوا وقت اضافي علينا كمان

ahmEd_H said...

طيب لما الحكايه كدا


قاعدين ليه ما تقوموا تروحوا

يا بنى فكك من اللى بيشكك

اشتغل و حاول تغير لوحدك لأنك لو قاعدت مليون سنة مستنى ان البلد تتغير لوحدها تبقى بنحلم

islamz said...

زهقان:
-----

وهما بقالهم 25 سنة ولسه ملعبوش الوقت الاضافى .. اومال ايه بقي كل ده وقت اصلي
دى تبقي واقعة مهببة ...

islamz said...

حداد :
-----

ونروح ليه يا عم هما اللى يروحوا ...
وانا عمرى ما قلت البلد هتتغير لوحدها والله يا عم حداد .. احنا اللى لازم نغيرها .. بس احنا بقينا بطاء اوووووىىىى

ولا انت شايف ايه ...

sad_doraa said...

اسلامز
بما ان نتيجة الماتش محسومة هعمل زي تيمي الي فسبيس تون
واقول للوالدين السحرين
*اتمنى منخسرش الماتش*
بس احنا هنخسرو هنخسرو :)
اه انا غلطانة اني سكتلك فالكومنت الي فات تقول مصر منشتمهاش دي احنا الي وقعناها
بس لأه بقة
ربنا ياخدها
ع الايمان
عشان انا صراحة زهقت

EMY said...

السلام عليكم جميعا..دي اول مرة اعلق فيها على الكلام المكتوب ده و بصراحة دي كمان اول مرة ازور فيها الموقع الهايل ده.. حقيقي باشكرك يا اسلام و باهنيك على المجهود الرائع اللي انت عامله هنا و هتخليني اطلع كبت و كلام كتيييييييييييير قوي جوايا كان نفسي اطلعه و اصرخ بيه من زمان..
لحدامتى هيفضل ابن آدم أرخص مخلوق على أرض بلدنا،لحدامتى هنقعد نقطع في بعض و ننهش في لحم بعض عشان حاجات ماتستهلش!!
طيب اذا كانت الحكومة بايظة و فاشلة ليه احنا بنعمل في بعض كده؟ليه انعدم الضمير؟ أنا قعدت افكر كتير لقيت ان بلدنا ملهاش حل غير انها تتفور و تتقلب من اول و جديد لان االلي فوق نايمين على نفسهم و عاملين كانهم مش من البلد دي و لا يعرفوا عنها حاجة و سايبين اللي تحت ينخوروا في الارض زي السوس لحد لما كل ده ييجي عليه يوم و يتهد علينا كلنا..و في الاخر هما شايفين انه كله "تمام يا ريس" !!
من حقي اخاف على اهلي و على اولادي ، بس بعد الخوف ايه ..مش عارفة؟
انا تعبت و لسه عندي كلام كتير واجعني.. بس دلوقتي عندي نقطة امل لما باشوف شباب زيكم بيحاول يعمل حاجة ولو حتى صغيرة..

Beela said...

زمان و انا صغيره كانت مصر دي بيقولولي عليها حلوه و جميله و فيها نيل و اهرامات و حجات جامده...بس اول ما كبرت بقه و رحتها لاقيت فيها نيل مجاري و اهرامات زباله و حجات اجمد فعلا..و يجعله عامر

islamz said...

سدرة
----
يا تيمى وواندا وكوزمو .. فكرتينيى بالابوين السحريين ..
انا مش فاهم بقي يعنى ايه ربنا ياخدها ع الايمان ..

مستنيكى تفهمينى

islamz said...

emy
---
وساكتة ده كله .. لا طلعى اللى جواكى
وقولى واكلمى .. دحنا مبقاش فاضلنا غير الكلام يمكن يغير الحال ..

تحياتى لكى وانتظر باقي كلامك


------------------------------------

beela
-----

ومصر لسه حلوة باهلها وناسها
وبحب الناس لبعض يمكن الناس ملهية
شوية بس صدقينى قريب أوى مصر هترجع
مفتكرش هتفضل كده على طوول يا سلسبيل

تحياتى ومنورة انتى واختك العزيزة سدرة