News

Saturday, November 10, 2007

سنة اولى تدوين



سنة عدت بالظبط
سنة عدت على اول بوست كتبته هنا
هو فعليا اول بوست كتبته كان يوم 10/21 /2006 بس هو مكنش بوست يعنى
هو بس كان مجرد كسر لحاجز الكتابة والتدوين عامة
بينى وبين التدوينbreaking the ice زى ما بيقولوا كده
لكن اول مرة اكتب كان 2006/11/10
وكنت بجد متحمس جدا فاكر اول مرة حد يكتب عنى كان طارق فى مدونته كلمتين
رحب بيا وبالمدونة وكنت لحسن حظى العضو 100 فى قهوة المدونين المصريين
وكان ترحيب حلو من طارق زود حماسي للتدوين


*******

كان كل يوم تعلقى بالتدوين بيزيد حاسس ان اسلوبي اختلف عن بداية ما ابتديت بالتدوين

مش هقول اكثر حرفية لكن بقيت فاهم يعنى ايه تدوين تقريبا
ومع زيادة تعلقى بالتدوين زادت معرفتى بالمدونين واصبح كتير منهم اصحابي
بسأل عليهم وبيسألوا عليا .. بيقرولى وبقرا لهم
كل مدونة فيها شيء بيميزها وده حاجة انا مقتنع بيها جدا والا مكنش هيبقي فى العدد الكبير
ده من المدونين والمدونات .. وزيي زي اى مدون بيفرح لما يحس ان فيه قراء له
وبيتابعوه بيديله حافز كبير .. منكرش انى بفرح لما حد بيقولى ان البوست ده عجبه
او انى اضايق لما حد بيفهم كلامى غلط او اغضب لما حد يتلفظ بالفاظ لا اقبلها على مدونتى
فرحت اوى لما مرة بالصدفة دخلت عند ساعة عصاري بعد غيابها لفترة ولقيتها كاتبة بوست
جايبة فى سيرتى بجد فرحت اوى ..



*******

مع كل بوست كنت بكتبه كنت بحاول اطلع كل اللى جوايا فى احسن شكل ممكن
لانى مقتنع ان محدش هيحب يقرا حاجة اسلوبها وحش او تقليدي
الحمد لله حاسس انى ماشي فى الطريق الصح وكان من اكبر الدلائل على انى ماشي فى الطريق الصح
ان مدون زى احمد شقير اختار بوست وما الدنيا الا مسلسل كبير كافضل بوست
وده ادانى حافز معنوى كبير جدا لانى عارف احمد مش بيجامل



*******


زى ما قلتلكوا السنة دى غيرت فكرتى عن حاجات كتير اوى .. اللى يقول ان التدوين تضيع وقت يبقي ميعرفش يعنى ايه تدوين

التدوين حالة من المصارحة مع النفس والكلام بحرية بدون قيود من اجمل الحالات التى ينتشي فيها المدون
ويشعر بالسعادة عندما تقابل كلماته بالمناقشة او المدح او حتى الاستهجان فذلك ليس له الا معنى واحد انه
يوجد من يقرأ لك ويتابعك ..
مجرد معرفة المدونين والتواصل معهم شيء رائع .. صحيح انا لحد دلوقتى مشفتش حد منهم
لكن انا متخيل لكل واحد منهم شكل من اسلوبه وكلامه وردوده
كنت اريد توجيه كلمات لاصدقائي من المدونين لكن مش عاوز انسي حد
انا بس عاوز اقول انى سعيد بمعرفتكم جميعا .. واعتذر لاى حد اكون غلط فيه بدون قصد
ومسامح اى حد غلط فيا .. واتمنى للكل الخير ودوام السعادة



*******

كنت اتمنى ان احتفل بتتويج الاهلى بطلا للقارة الافرقية للمرة الثالثة على التوالى
لكن مفيش نصيب بقي .. الحمد لله على كل شيء
صحيح اضايقت جدا لضياع البطولة
لكن اللى ضايقنى اكتر تصرفات الجماهير بعد الماتش
مش دى جماهير الاهلى اللى انا عارفها
جماهير الاهلى اعلى واحسن من كده لكن يبقي التعصب مرضا
فى دماء العرب سواء فى سياسة او حتى فى الرياضة
امنيتى ان السنة اللى جاية ان شاء الله يتوج الاهلى مرة اخرى بطلا للقارة السمراء
واعتذر لاى شخص سببت له كتاباتى فى الرياضة ضيقا
او نرفزة .. واعدكم بالهدوء
لكن انا برده اهلاوى علطووول

تحياتى للجميع

********
تحديث اسعدنى جداااا
تهنئة من بيلا مدونة (افكار مبعثرة) كانت اكثر من رائعة
من القلب اشكرك يا بيلا صديقة عزيزة ومدونة احرص على متابعتها

هدية بيلا :)

********

39 comments:

عصفور المدينة said...

أنا أول واحد يهني

كل عام وأنت بخير ونفع الله بك

islamz said...

بشمهندس عصفور
-------------
دايما سباق بالخير .. وربنا يكرمك
منور دايما يا بشمهندس التدوين الجميل
تحياتى :]

عصفور المدينة said...

لسة ما طلعتش من المدونة لقيت تعليقين قلت آه حد عملها وسبقني صراحة كنت حازعل جدا بس ربنا ستر

islamz said...

بشمهندس عصفور
-------------
ربنا يخليك يا رب والله مش عارف اقولك ايه
كفاية تهنئتك دى ولو كانت المليون حتى
هيبقي ليها مكانة خاصة عندى ..
بجد متشكر :]

Bella said...

كل سنة وانت طيب

وربنا يبارك لك في عملك ويجعل ماتكتبه في ميزان حسناتك

islamz said...

بيلاااا
------
فرحان بتعليقك يا بيلا
انت من الناس اللى بجد بحرص انى اقرالهم
ومن الاصدقاء اللى بعتز بصداقتهم
متشكر اوى يا بيلا :]

Bella said...

ربنا يخليك ياإسلام

وانت والله من الناس اللى بيسعدني جدا اقرالهم
وباحس باستمتاع شديد باسلوبك في الكتابة

يارب دايما تحتفل بعيد ميلاد المدونة ومزيد من التدوينات الرائعة

islamz said...

بيلاااا
------
طب اقول ايه انا دلوقتى .. بجد
مش عارف اكلم ربنا يخليكى يا بيلا
وصداقة دائمة اعتز بها جدا جدا جدا
تحياتى :]

Tarek said...

عقبال 100 سنة تدوين يا باشا
فعلا خطوة عزيزة إسم على مسمى

عـلا - من غـزة said...


ايه ده !!!

انت بقالك سنة وحدة بس بتدون !!

كان عندي انطباع انك قديم يا راجل :p

لأ ماشاء الله وبجد انت من المدونين المميزين .. وعندك الموهبة جاهزة .. كونك ملاحظ تطور اسلوبك معناه انك عرفت تنمي الموهبة ..

فيما عدا البوستات الي نزلتها عن الكورة الي مليش فيها :p
لكن كل بوست مكتوب عندك بيمتعني ومش بزهق من قراءته مرات ومرات

وفي هذه المناسبة خليني اسألك سؤال محيرني .. الصورة الرمزية بتاعتك ايه معناها ؟ او مين الشخصية المرسومة فيها ؟

كل سنة وانت طيب ومن نجاح لنجاح
:))

تحياتي

فوكيره said...

البوست ده حلو اووى يا اسلام

ومؤثر

بجد ....

كل سنه وانت طيب

ومدونتك بخير ... وعمرانه بالتدوينات

ساعه الغروب said...

انا بجد ليا كل الفخر انى اعلق هنا وادى الفرق بين سنه ونه تدويت

:)

ميرسى لزيارتى اللى بجد اثرت فيا جدا

شكرا ليك علىا البوست الرائع دا

ويا رب فى يوم نقدر نتعلم

Sharm said...

مدونة رائعة للغاية
يشرفنا انضمامك للاتحاد

adhm said...

بصراحة احييك على الصورة المنشورة لكريم
تعتبر سباحة ضد التيار
وجراءة غير عادية فشل كثيرين فى اظهار احتقارهم لهذا الكائن خوفا من محاكم التفتيش المضادة
تحياتى مرة اخرى

مـحـمـد مـفـيـد said...

كل عام وانت ومدونتك بالف خير وسعاده
فمدونتك تستحق الاحترام والاشاده

البنت الشلبية said...
This comment has been removed by the author.
البنت الشلبية said...

كل سنة وانت ومدونتك بالف خير
ودايما الى الامام

http://www.vtc.edu.hk/ti/kcti/images/congratulation.gif

وربنا يكتر من المدونين امثالك

islamz said...

طارق
----
اعتز بوجودك وشكرا على التهنئة الحلوة دى .. شفت يا طارق عدت سنة كاملة
والله ما حسيت بيها :]
منور دايما :)

islamz said...

علاااا
----
ايوة يا ست علا بقالى سنة .. جالك انطباع انى قديم من ناحية ايه بالظبط .. :P
ربنا يستر من حكاية قديم دى هههههههه
ربنا يخليكى يا علا على كلامك الحلو ده

بقي كده يعنى مبتحبيش بوستات الكورة بتاعتى .. ماشييييي

وفى هذه المناسبة برده خلينى اجاوبك على
السؤال اللى محيرك ان الصورة دى
بترمز لواحد قاعد مكشر قدام الكمبيوتر
يعنى مش راضي عن اللى حواليه فقاعد على الكمبيوتر حتى الكلب بتاعه قاعد جمبه بيعيط ...

وكل سنة وانت بالف خير ومنورة دايما

islamz said...

فوكيرة
-----
ربنا يخليكى يا رب .. كل سنة وانت طيبة
وصداقة الى الابد باذن الله ..
منورررررة :]

islamz said...

ساعة الغروب
-----------
انا اللى مبسوط بجد انك منورانى هنا
ثانيا مين قال ان انت لسه متعلمتيش ولا نسيتى مواضيع احساس بشع بالعجز وشخص اسطورى .. مواضيع كلها احاسيس
شكرا ليكى على زيارتك وعاوز اشوفك هنا على طوول :]

islamz said...

sharm
------
انت مش عارف انا سعيد اد ايه ببالانضمام
للاتحاد .. وان شاء الله اقدر افيد واستفيد
تشرفنى زيارتك .. :]

islamz said...

ادهم
----
اشكرك على التعليق على موضوع كريم
يستحق اكثر من السجن .. ولكن لا افهم قصدك بمحاكم التفتيش المضاد

منور يا ادهم :]

islamz said...

محمد مفيد
--------
كلامك بجد اسعدنى جداااا
تستحق انت كل التقدير ولاحترام
تحياتى لك واتمنى رؤيتك دائما هنا :]

islamz said...

شلبية هانم الزملكاوية
--------------------
ربنا يخليكى يا رب انتى مش عارفة والله انا فرحان اد ايه بالكلام ده كله
وهدية جميلة من انسانة ومدونة وصديقة اعتز بها جدااااا
ربنا يخليكى يا رب .. خفت لتكون الهدية علم الزمالك ولا حاجة
هههههههههههههه
لكن بجد متشكر جدا على التهنئة الحلوة اوى دى
منورة منورة منورة دائما :]

Lasto-adri *Blue* said...

كل سنة وانت طيب يا اسلام
هى كانت فعلا خطوة عزيزة انك دخلت علينا فى عالم البلوجز
:)

Ahmed Shokeir said...

كل سنة وانت طيب ياإسلام .. ودايما في تدوينات مميزة ... وعقبال من نقرأ بوست إحتفالا بالعام العشرين على التدوين

islamz said...

العزيزة بلو
-----------
وانت طيبة وبالف خير يا رب
انتى منورة بكلامك الجميل ده ويا رب اكون
قد الكلام ده كله ..
تحياتى :]

islamz said...

شقير الصديق العزيز
-----------------
وانت طيب يا جميل
ويا رب تفضل الصداقة والود
الى ما شاء الله .. لانى بجد اعتز بمعرفتك وصداقتك
تحياااتى :]

sad_doraa said...

يا غالي
انتا من اجمل الصداقات الي انا عمللتها في فترتي المدونتيتية
يييييه بتتقال ازاي دي
ما علينا
بجد بجد
انا فاكرة لما كنت كاتبلي كومنت وقلتلي كل سنة وانتي طيبة يوم عيد ميلادي مع اني منزلتش بوست
مش عارفة اقولك كنت مبسوطة قد ايه
فعلا صداقات جميلة جدا
والتدوين ده عالم تاني
وبعدين تعالا هنا تعالا
متوقع اشكالنا من طريقة كل واحد واسلوبة
ينهار اسود
دنا على كده هطلع شبه قهوتك السادة
:]
ربنا يوفقك يا اسلام كفاية اسمك يشرح القلب
وكل سنة تدوينيتية (يييييييه )وانتا بألف هنا وسعادة وتوفيق وكل خير لان الي زيك قليلين في الدنيا
يله يا عمنا ادعيلي بقة لحسن مودي اليومين دول معطلني عن المذاكرة
ادعيلي باحلى دعوة في الدنيا
ربنا يهدي سري ويصلح بالي
طمنا عليك يا اخينا متسبناش كده:)
تحياتي يا غالي

ابو مفراح said...

كل سنه و المدونه بخير
مدونه رااائعه اول مره ازورك فيها
تحياتى اليك
ابو مفراح

islamz said...

سدوورة
------
طب تفتكرى انا ممكن اقول ايه على الكلام ده كله بجد ربنا يخليكي يا سدرة على احلى كلام سمعته فى حياتى من احلى اخت فى الدنيا
انتى تستاهلى كل خير يا سدرة والله ، ايوة انا بقى انا متخيل كل واحد من اسلوبه
قهوة سادة ايه بس طب شوفي بوستاتك
اللى بتكتبيها وكلامك اللى زى العسل ده وانتى احكمى بنفسك انا ممكن اتخيل سدرة ازاى :]

بجد يا سدرة انا كمان سعيد بانى عرفتك جدا جدا جدا :] 3 جدا

متشكر على كلامك الحلو اوى ده
وربنا يكرمك فى مذاكرتك ودراستك وتعملى كل اللى انتى عاوزاه يا رب
وبعدين مش احنا اتفقنا ان مفيش حاجة اسمها مودى معطلنى والكلام اللى ملوش لازمة ده .. اتفقنا نبص لقدام ونشوف مستقبلنا هيبقي احلى ازاى لما نشد على نفسنا ونذاكر كويس اوى
مش كده ولا ايه يا سدووورة :]
عاوزك تطمنيني عليكى كده وتقوليلي انك بقيتى بتذاكرى اكتر واكتر ومرة تانية الف شكر على مجاملتك الرقيقة دى

تحياتى :]

islamz said...

ابو مفراح
---------
زيارة جميلة منك يا ابو مفراح ويا رب تتكرر دايما .. مشكور على تهنئتك
ومنور المدونة :]

Epitaph said...

متأخرة جدا
بس معلهش


ح اقولك برضه كل سنة وانت مدون اهلاوي

ودايما بكلامك بثري النقاش
وتكتب بحروف من نور

:)

سعيدة جدا بمعرفتك

islamz said...

هاجر
----
هى ايه اللى متأخرة بس .. دنتى منورة البلوج فى اى وقت
بجد انا فرحان بكلامك .. وفرحان اكتر انى عرفت حد محترم زيك .. ربنا يوفقك يا هاجر
وعاوز اشوفك هنا على طووول
:)
وبيب بيب اهلييييي

:] :]

واحد من الناس said...

كل سنه وانت طيب يا سلم
ولو اني ماعرفكش
بس كفايه انك مدون محترم
دا سبب كافي لاني اهنيك
واحملك كل الاحترام والتقدير
وعقبال 100 سنه تدوين
وتبقى خطوه عزيزة احسن من الجزيرة توك باذن الله
اخوك احمد
قارئ مدونات قديم
ومدون بقالى اسبوع بحاله
ادعيلي بقى

ذو النون المصري said...

الهنا ما اعدلك
مليك كل من ملك
............
لبيك قد لبيت لك
لبيك ان الحمد لك
............
و الملك لا شريك لك
ما خاب عبد سالك
...................
انت له حيث سلك
لولاك يارب هلك
..................
لبيك ان الحمد لك
و الملك لا شريك لك
.....................
كل نبي و ملك
و كل من اهل لك
...................
و كل عبد سالك
سبح او لبي فلك
................
لبيك ان الحمد لك
و الملك لا شريك لك
...................
و الليل لما ان حلك
و السابحات في الفلك
.................
علي مجاري المنسلك
لبيك ان الحمد لك
.........................
و الملك لا شريك لك
يا خاطئا ما اغفلك
....................
اعمل و بادر اجلك
و اختم بخير عملك
...............
لبيك ان الحمد لك
و الملك لا شريك لك
....................
هذه القصيده لشاعر الخمريات الشهير ابو نواس، احببت ان اهديها لكم بمناسبة وقفة عرفات و عيد لاضحي المبارك، كل عام انتم بخير ،تقبل الله منا و منكم طيب القول و صالح العمل
.........................

ذو النون المصري said...

كل سنه و انت طيب
و عقبال الف سنه

Anonymous said...

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室