News

Sunday, April 12, 2009

الحلوة اسمها قصر اعترضوا بقي على مرور مصر

(الصورة الوحيدة المنشورة لهذا الاختراع على الانترنت)

ز ر ع - ق ت ل - ش ن أ

حبيبي القارئ .. ليس هذا درسا من دروس محو الامية
وليس برنامجا تعليميا موجها لأطفال دون الخمس سنوات
انه ( حبيبي القارئ ) النظام المرورى الجديد ... فلا داعى للاستغراب

لقد بدأت هذه الظاهرة فى الانتشار .. ومع كل ترخيص جديد نجد لوحة جديدة بكلمة جديدة
وقد يصل بك الحال الى كره سيارتك اذا اوقعك حظك العاثر فى لوحة لها معنى سئ معلقة على سيارتك
كأن تجد لوحات سيارتك مثلا
( ع ب ي ط - 94 ) او مثلا ( ع ل ج - 112) مع كامل احترامى للذين اوقعهم حظهم
فى مثل هذه اللوحات ..

نيجى بقى لمؤخذة لسواقين التاكسي من اصحاب اللوحات فمثلا انا شفت سواق تاكسي كاتب على عربيته
الحلوة اسمها قصر اعترضوا بقي على مرور مصر
لان عربيته مكتوب على لوحها
ق ص ر - 425

نيجى لمشهد من عسكرى المرور وهو واقف فى الشوارع

العسكرى : ممنوع الوقوف هنا يا ( ن ع أ ) لو سمحت اتحرك
سواق العربية : ايه ( ن ع أ ) ده يا دفعة
العسكري : ده لوحك يا افندى يا محترم هتتحرك ولا اكتبها
السواق اصله مش فى دماغه رقم عربيته الجديد لسه محفظهوش

انا بشوف ساعات عساكر مرور مش عارفين ياخدو المخالفة
انا واقف فى اشارة مرة وعربية عدت من جنبي والعسكرى شايفها بتكسر الاشارة وتعدى رفع ايده بدفتر المخالفات
وقال يا .. يا .. يا ... حسبي الله ونعم الوكيل
فبقوله يا معلم هو ايه انت بقيت بتدعى على اللى بيكسروا الاشارة بدل ما تاخد نمرهم
قاللى لا يا باشا بس ده مركب نمر جديدة
قلتله يعنى ايه هو اللى مركب نمر جديدة بتدعوا عليه بس من غير مخالفة
قاللى يا باشا مبعرفش اقرا غير الارقام ..

يعنى العسكرى حاسس بقلة الحيلة فبيدعى على سواق العربية اللى كسر الاشارة
لاهو فاهم الازرق من الاحمر من الاخضر ولا ملاكى قاهرة من جيزة من كفر الشيخ



اقف يا ح م ا ر ... رخصك يا ب ر ن س

وسمعنى سلام اشارة المرور بتقولنا انتباه

*******


10 comments:

micheal said...

ههههههههههههههه..وسمعني أحلي سلام عظيمة يا مصر يا أرض اللوا
:)
تحياتي

Che_wildwing said...

طب شفت الـ هـ ف أ
A F Hوتتقري بالانجليزي

islamz said...

مايكل
-----

منور
خارج الكومنت : متدخلش نفسك فى حوارات مع ناس ملهمش لازمة بجد دى نصيحة سيب اللى محروق ونفسه يقول كلمة يقولها وامسحها لكن متنزلش لمستوى واحد همجى

تحياتى :]

islamz said...

che_wildwing
-------------

يا أهلا يا أهلا ... دنا شفت اكتر من كده خللينى ساكت ...

تحياتى

Unknown said...

ههههههههههههههههههه
حد عرف يحل شفرة اللوحات الجديدة دي !؟؟؟
بيتهيالي حجر رشيد و انك تجيب باسورد مركز معلومات السي اي ايه اسهل

islamz said...

طعمية
------

لا مهو بيقولوا محدش يسأل على المعنى ...

تحياتى

Unknown said...

ههه ليه يعني
المعني في كرش الشاعر ؟!

islamz said...

طعمية
-----
هو طبعا فى كرش بس مش كرش الشاعر
معروف طبعا ..

وفى معنى بس مش للوحات ومش معروف طبعا :]

تحياتى :]:]

Amir SalaDin said...
This comment has been removed by the author.
Amir SalaDin said...

انا شايف ان حوار النمر الجديدة دا حاجة حلوة مش وحشة يعني
وبعدين حوار الحروف الانجليزي اتشال
وكفاية انها حروف لغة عربية
بدل ماكل حاجة في البلد بقت انجليزي
وبعدين دا مش اختراع مصري يعني
بلاد كتير عاملة الحركة دي
وبعدين دي مصلحة برده في حكاية ان مفيش فرق بين محافظةوالتانية
اكيد الناس عارفة لما واحد من محافظة مثلا الجيزة يدخل على كمين محافظة كفرالشيخ مثلا
بلاش اقول انا ايه اللي بيحصل معاه