News

Monday, April 13, 2009

عن طريق الخطأ



عن طريق الخطأ


الخبر يقول : مقتل مجند شرطة اليوم الاثنين، أثناء وجوده فى محل خدمته، إثر انطلاق رصاصة بطريق الخطأ من سلاح زميله بموقع الخدمة على الحدود جنوبي رفح

كام جندى مات على الحدود عن طريق الخطأ ... كل مرة عن طريق الخطأ مهو فى حاجة من الاتنين
يا اما العساكر عندنا هبل ومش عارفين يستخدموا السلاح بتاعهم سواء فى تنظيفه او تأمينه
وده احتمال

الاحتمال التاني بقى ان العساكر بتوعنا بيلعبوا مع بعض عسكر وحراميه والعساكر اللى ماتت
( عن طريق الخطأ يا عينى ) كانوا من فريق
الحرامية
يعنى انا عاوز افهم كل مرة عن طريق الخطأ .. مفيش طريق تانى
هو ايه يا جدعان عساكرنا بينشنوا على بعض

كفاية بقى اسباب فارغة واخبار مفبركة .. متقولوا ان الجنود الاسرائيلين على الحدود بيصطادلهم
كل اسبوع واحد ولا اتنين

دا غير الاهالى .. لسه من شهر او يزيد قليلا قرينا عن البنت الصغيرة اللى اتقتلت برصاصة جنود اسرائيلين على الحدود فى رفح المصرية
ومفيش حد اتحرك .. وغيرها كتير ومحدش بيكلم
كفاية بقي .. هو خلاص مبقاش فى حتى حد ادنى من الكرامة
كرامة شعب , كرامة جيش , كرامة جندى كل ذنبه انه بيحمى الحدود


********

14 comments:

Unknown said...

يا ابني انت مسمعتش عن النيران الصديقة

مش لازم نواكب الامريكان و البريطانين ؟! يعني كل اختراع لازم يجيلنا هنا بعد 100 سنة ؟

انت هتعارض كمان في اول اختراع ناخده بعديها ب 3 سنين بس!؟

islamz said...

طعمية
-----

هههههههاى .. هو بقي اختراع .. ماشي

تحياتى بدون معارضة

Unknown said...

هههههههههههههه
مصر مصر مصر مصر لأول مرة نسبق الصين و نقلد حاجة

عصفور المدينة said...

يا أخي الخبر ده بقالي كذا سنة باقراه زي ما هو كدة والعجيب انهم ما زهقوش من نفس الحجة الظريفة بتاعة تنظيف السلاح

micheal said...

نفسي أسمع البقين بتوع سيادة مصر وأمنها القومي في الحالات دي
:)
نفسي موقفنا تجاه الأمور دي يبقي زي موقفنا أمام تجاوزات حماس وحزب الله
ومش طمعان في أكتر من كده
تحياتي

islamz said...

طعمية
-----
والله حاجة تخنق وتحزن .. تخيلي بقالنا قد ايه معندناش ثقة فى حكومة بلدنا ولسه مصرين على زيادة عدم الثقة ..

islamz said...

عصفور
-----
مبيكسفوش على دمهم .. تخيل انت واحد عمال يتاخد على قفاه وبدل ما يمسك اللى عمل كده يطلع عينه وعين اللى جابه يقول انا كنت بهش ناموسه فزقيت ايد واحد زميلى فعملت طرقعة ...

تحياتى :[

islamz said...

مايكل
-----
سيادة مصر وامنها القومى بقت حكاية بالمزاج كده تقريبا .. انما اللى بيحموا ارضها ويتنشوا كل يومين واحد مش مهم اصل عندنا كتير ...

يا مراكبي said...

أنا ميال أكتر لموضوع العسكر والحرامية ده .. لأن إسرائيل دولة صديقة زي ما كلنا عارفين

حائر في دنيا الله said...

الخبر دا قديم أوي ربما يكون غلطة مطبعية مقصودة عن عمد واغتصاب
اقصد اغتصاب حق

لك تحياتي
السلام عليكم

islamz said...

مراكبى
-----

صديقة خالص صديقة جدا صديقة اوى خالص جدا ..

تحياتى ومشيها عسكر وحرامية

islamz said...

حائر
------

طب هنفضل ندارى على فضيحتنا كده كتير ..

مش هنواجه بقي ..

Hanadi Traifeh said...

أنا بتوقع أنو "عن طريق الخطأ" بهيك حالات بتشبه كتير "ماس كهربائي" السبب الوحيد للحرائق بمؤسسات الدولة!!

islamz said...

هنادى
-----
والله احنا الماس الكهربائي ده اتظلم معانا ظلم ... مفيش زيه