News

Saturday, December 16, 2006

بهائيـة .. ستوب





اخيرا قضت المحكمة الإدارية العليا بنقض حكم القضاء الإداري بأحقية الجالية البهائية الصغيرة في مصر في التعريف بديانتهم على أنها "بهائية" في المستندات الرسمية مثل بطاقات الهوية.

وقضت المحكمة في حكمها الصادر يوم السبت بعدم جواز اثبات الديانة البهائية واعتبار من يدين بها من المسلمين خارجا عن الدين الإسلامى

والبهائية للى ميعرفهاش .. هى حركة تتبع المذهب الشيعى الشيخى ظهرت سنة 1260 تحت رعاية الاستعمار الروسي وكان هدفها تفكيك وحدة المسلمين وافساد العقيدة الاسلامية .. وصرف المسلمين عن قضاياهم الاساسية ومعظم اللى اتبعوا الحركة البهائية او البابية موجودين فى ايران والعراق وسوريا ولبنان وحتى فلسطين وكان ليهم وجود فى مصر وكان ليهم اماكن مخصوصة بيهم يتجمعوا فيها لحد ما صدر قرار جمهورى رقم 236 لسنة 1960
باغلاقها كلها اسسها شخص يدعى بهاء الدين واطلق على نفسه لقب الباب قال باب قال .. ربنا يشفي



يعتقد البهائيون أن الباب هو الذي خلق كل شيء بكلمته وهو المبدأ الذي ظهرت عنه جمع الأشياء ( حاشا لله جل وعلا )

يقولون بالحلول والاتحاد والتناسخ وخلود الكائنات وان الثواب والعقاب إنما يكونان للأرواح فقط على وجه يشبه الخيال

يقدسون العدد 19 ويجعلون عدد الشهور 19 شهراً وعدد الأيام 19 يوماً ، وقد تابعهم في ذلك (محمد رشاد خليفة) حين ادعى قدسية خاصة للرقم 19 ، وحاول إثبات أن القرآن الكريم قائم في نظمه من حيث عدد الكلمات والحروف على 19

واتخذوا النجمة التساعية شعارا لهم
مهو مفيش النجمة التسعتشارية بقي

يحرمون الحجاب على المرأة ويحللون المتعة وشيوعية النساء والأموال

يقولون إن دين الباب ناسخ لشريعة محمد صلى الله عليه وسلم

يؤولون القيامة بظهور البهاء ، أما قبلتهم فهي إلى البهجة بعكا بفلسطين بدلاً من المسجد الحرام

الصلاة : تؤدي في تسع ركعات ثلاث مرات والوضوء بماء الورد وإن لم يوجد فالبسملة بسم الله الأطهر الأطهر خمس مرات

لا توجد صلاة الجماعة إلا في الصلاة على الميت وهي ست تكبيرات يقول كل تكبيرة (الله أبهى)

الصيام عندهم في الشهر التاسع عشر (شهر العلا) فيجب فيه الامتناع عن تناول الطعام من الشروق إلى الغروب مدة تسعة عشر يوماً ( أي شهرا بهائيا ) ويكون آخرها عيد الفصح او الربيع21 مارس وذلك من سن 11 إلى 42 فقط يعفى البهائيون من الصيام

تحريم الجهاد وحمل السلاح وإشهاره ضد الأعداء خدمة للمصالح الاستعمارية

ينكرون أن محمداً (صلوات الله وسلامه عليه) خاتم النبيين مدعين استمرار الوحي وقد وضعوا كتباً معارضة للقرآن الكريم مليئة بالأخطاء اللغوية والركاكة في الأسلوب

يبطلون الحج إلى مكة وحجهم حيث دفن بهاء الله في البهجة بعكا بفلسطين

ودى نسخة من كتابهم العحيب للى يحب يتفرج عليه


نماذج من كلام البهاء

انا عاوزكم بس تركزوا فى الكلام اللى مكتوب ده
هتحسوا بشيء من التوهان او الهبل
هو كان عاوز يحس انه عمل ما يشبه القرأن
ولكن حاشا لله ...

يقول البهاء " انتهت قيامة الإسلام بموت علي محمد الباب، وبدأت قيامة البيان ودين الباب بظهور من يظهره الله – يعني نفسه - فإذا مات أنتهت قيامته، وقامت قيامة الأقدس ودين البهاء ببعثة النبي الجديد "كتاب الإيقان ص 71.

ويقول في كتاب البديع ص 113: " كان المشركون أنفسهم يرون أن يوم القيامة خمسون ألف سنة!! فانقضت في ساعة واحدة !! أفتصدقون يا من عميت بصائركم ذلك ؟! وتعترضون أن تنقضي ألفا سنة بوهمكم في سنين معدودة".

ويقول في كتابه الأقدس ص 34 " ليس لأحد أن يحرك لسانه ويلهج بذكر الله أمام الناس حين يمشى في الطرقات والشوارع".

ويقول في ص 41 " كتب عليكم تجديد أثاث البيت في كل تسعة عشر عاماً ". ويقول: " أُحِلُ للرجل لبس الحرير لقد رفع الله حكم التحديد في اللباس واللحى".

ويقول:" قد منعتم من إرتقاء المنابر فمن أراد أن يتلو عليكم آيات ربه فليجلس على الكرسي

*****

صدرت فتوى بشان البهائية عن دار الإفتاء بالأزهر جاء فيها : " بسم الله ، والحمد لله، والصلاة والسلام على رسول الله ، وبعد:فالبهائية فرقة مرتدة عن الإسلام، لا يجوز الإيمان بها، ولا الاشتراك فيها، و لا السماح لها بإنشاء جمعيات أو مؤسسات، وذلك لأنها تقوم على عقيدة الحلول، وتشريع غير ما أنزل الله، وادعاء النبوة، بل والألوهية، وهذا ما أفتى به مجمع البحوث الإسلامية في عهد الشيخ جاد الحق، وأقره المجمع الحالي .

رأي فضيلة الشيخ جاد الحق علي جاد الحق شيخ الأزهر السابق – رحمه الله

والبابية أو البهائية فكر خليط من فلسفات وأديان متعددة، ليس فيها جديد تحتاجه الأمة الإسلامية لإصلاح شأنها وجمع شملها، بل وضُح أنها تعمل لخدمة الصهيونية والاستعمار، فهي سليلة أفكار ونحل ابتليت بها الأمة الإسلامية حربا على الإسلام وباسم الدين "

فتوى الشيخ ابن باز مفتى المملكة العربية السعودية

قال فضيلته : إنه لا يجوز دفنهم في مقابر المسلمين؛ لأن من ادعى النبوة بعد نبينا محمد صلى الله عليه وسلم فهو كاذب وكافر بالنص وإجماع المسلمين ؛ لأن ذلك تكذيب لقوله تعالى:{ ما كان محمد أبا أحد من رجالكم ولكن رسول الله وخاتم النبيين } ، ولما تواترت به الأحاديث عن رسول الله صلى الله عليه وسلم أنه خاتم الأنبياء لا نبي بعده، وهكذا من ادعى أن الله سبحانه حال فيه، أو في أحد من الخلق فهو كافر بإجماع المسلمين؛ لأن الله سبحانه لا يحل في أحد من خلقه بل هو أجل وأعظم من ذلك، ومن قال ذلك فهو كافر بإجماع المسلمين، مكذب للآيات والأحاديث الدالة على أن الله سبحانه فوق العرش، قد علا وارتفع فوق جميع خلقه، وهو سبحانه العلي الكبير الذي لا مثيل له، ولا شبيه له، وقد تعرَّف إلى عباده بقوله سبحانه: { إن ربكم الله الذي خلق السموات والأرض في ستة أيام ثم استوى على العرش }
( الأعراف: 54
)

***
وبالحكم ده المفروض ان الموضوع ده انتهى فى مصر .. اصل مصر مش ناقصة
مشاكل فرعية .. دى فيها اللى مكفيها



مصدر المعلومات
ماذا تعرف عن البهائية؟


9 comments:

Amr Ahmed said...

واول واحد اعلق برضو

ازيك يا اسلام

بيني وبينك انا فرحت لما قريت الحكم عندك

ماهو بصراحة مش طالبة بهائية ولا غيرها

شوية يقولك بقي بوذية وسيخ

وتبقي ليلة يا عمدة

احنا متفقين ان حرية الدين موجودة

بس بصراحة ماينفعش

شوية شوية يقولك عاوزين نبني ........مش عارف اللي بيصلوا فيه اذا كانوا بيصلوا

ويقولك عاوزين ندخل المجلس

ووزرا

هما ريحوا بقي

ALiaa said...

أنا كنت ناوية أهرج علي الموضوع....بس لما قريت اتفرست و اتعكنن عليه.... أصلي أول مرة أقرر اني لازم أعرف حاجة عنهم.... شكرا يا سولوم..... بس هطل زي ما قلت..... فتنة و خلاص

smraa alnil said...

واد يا اسلام
بص بقي
انا عارفة الموضوع دة قبل كدة وقريت فيه كتير
مانت عارف بقي اختك مسئفة
بس اللي اول مرة اعرفه بجد
هو الحكم
وربنا يهدي الجميع
ابقي طمني عملت ايه في مذاكرتك

islamz said...

عمووور .. ماشي يا عم تنور اول تعليق على طووول :]

شفت يا سيدى حكاية البهائين دول كمان .. اصل احنا ناقصين اوى .. لما يطلعلنا كمان بهائين عالم بتخرف .. مقلناش مفيش حرية دين .. الدين لله والوطن للجميع .. لكن عمرنا ما سمعنا عن دين البهائية ده كمان ..

وربنا يستر من اللى جاى ..

تحياتى .. :]

islamz said...

ناوية تهرجى .. :@ مااااشي المرة اللى جاية هخطفك لو هرجتى ... ههههه

بس على ايه الفرسة والعكننة دول ناس فاضية وفارغة ومخهم ضارب ويقولوك احنا عاوزين نكتب ى البطاقة بهائي

طب ايه راهم لو نكتب فى خانة الحالة الاجتماعية اهبل ..

دول عالم عاوزين يبعدونا عن قضايانا الاساسية الفقر والمرض وسوء النظام

كلها محاولات لافساد الدين والدولة ..
وبرده ربنا يستر وميطلعوش بحاجة جديدة

نورتى يا عليا :]

islamz said...

سمووورة :

ايه الصياعة دى .. واد يا اسلام وبتاع .. ماشي ماشي ااااه لو اشوفك هوريكى .. :]

شوفتى بقي يا مسئفة الكتاب بتاعهم اللى سموه الاقدس ده كمان .. كله كلام تافه ومحاولة للفزلكة ليس الا ...

فعلا ربنا يهدى الجميع ...

وادعيلي بقي عشان ربنا يكرمنى فى المذاكرة .. والله بذاكر اهو وطلعت عينى ..

متنسيش تدعى بقي ماشي .. قال واد يا اسلام قال ..

سلاااااامز :]

basma saghir said...

هي الناس ناقصة لخبطة وكلام مالوش اساس
لو تشوف كمية البدع والحاجات الغلط الي بتحصل في مصر....ولأ عمو الباب جاي يكمل عليهم
هو فعلا عك وهطل وخلاص

islamz said...

بيسوو :
---------
فعلا الناس مش ناقصة لخبطة ووجع قلب .. حبة بهائية وشوية هيطلعوا باى هجص جديد ونبعد عن اساس مشكلاتنا ...

بس برده لا باب هينفع ولا حتى شباك ..
سيبك انتى .. ياما العك اتعك فى مصر وبرضه صابرة وراضية

وهتفضل كده على طووووول ..

سلااااااامز .. نورتى :]

Anonymous said...

أنا مش فاهمة أنت جبت ليه رأى المفتين المسلمين ...رغم أنها ديانة جديدة ليس لها علاقة بالإسلام ....
أكأنك مسيحى ورحت قولت رأى القسيسين المسحين فى الإسلام والدخول فيه
وبعدين أنت ليه مجبتش رأى حسن البنا حتى وقلته ؟؟؟هتعرف ساعتها أنها ديانة لا تقارن بالإسلام وليس مذهب من الإسلام وليس لها علاقة به سوى الإيمان بأن محمد رسول الله و أنه لاإله إلا الله ....ثم بهاء الله نبى ...بديانة جديدة وكتاب جديد هو كتاب الأقداس ......

تصحيح معلومات فقد : حضرت الباب جاء ليمهد لنزول بهاء الله كنبى ولا يقول أنه مثل الله

لو حبيت تعرف ديانة شخص ...أصل أصحاب الديانة مش تدخل مواقع تهاجم الديانة نفسها
فمثلا لو أنا مسيحية وهدخل الإسلام مش هروح أقرأ عن الإسلام من كتب المسحينين

على فكرة البهائيون لم يطلبوا سوى كتابة الداينة (أخرى )أو (بهائى)وذلك لأنهم ليسوا مسلمين وليسوا مسحين
وبذلك يجب عليهم الكذب النفاق وإدعاء أأنهم إما مسلمين أو مسحين ..وبذلك هتطلخبط الديانات !!!وهو شى سى لنا ولهم

سيدى ...البهائية ليس لها علاقة بالشيعة أو الإسلام ...العلاقة أن من أوائل من أعلنوا أنهم بهائيون هم ثلاثة من الشيعة
بعد ان تركو الإسلام والشيعة .....

سيدى الدال على الخير كفاعله ...قد تكون قلت معلومات خطأة ...أرجو المراجعة و البحث ثانية حتى لا تكون نشرت كلام خاطأ

إذا أردت معرفة البهائية ..أذهب لمواقع بهائية وليس مواقع تهاجم البهائية