News

Saturday, January 27, 2007

يلــعــن ابو الامتحانات




ياااااااه وحشتووووونى اووووى
يخربيت الامتحانات وسنينها ..
دا انا طلعت عينى ايام الامتحانات
اولا انا مش حاسس لحد دلوقتى اننا دخلنا الامتحانات
وخلصنا كمان
مش عشان كنا بنذاكر ولا حاجة لسمح الله لكن
ده علشان
كنا مقضينها هزار انا والواد عجرودى ... عجرودى ده سديكى العزيز ....
كنت لاجىء
عنده فى البيت من الصبح لحد بليل عشان المفروض اننا بنذاكر
لكن مفيش اى حد مننا عنده دم نفضل نهزر ونكلم ولا اكن عندنا امتحان بكره
الصبح مثلا
ايام حلوة اوى والله .. فعلا محسيناش بالوقت .. فى دكتور
كده بيدينا
مواد المحاسبة اللى عندنا فى الكلية .. هو مش دكتور
ولا حاجة بس هو
مدرس ثانوى تجارى وبيدرس المواد اللى
عندنا فى الكلية
احسن من الدكاترة نفسهم .. بس ايه راجل اشتغالة
.. هههههههه
انا وعجرودى مش بنسيبه فى حاله مطلعين عينه من
سنة تانية لحد دلوقتى
3 سنين الراجل بيحلف بيهم ..
سمانا مجموعة الموت عشان
بنعمل فيه عمايل سوده
.. واللى بيغيظه اننا
بنصورله اللى بيحصل فى الحصة
ونفضحه فى وسط الناس ..
نفضل نشتغله ونهزر لحد ميتنرفز وينهار ... ههههههه
ساعات
ميقدرش يقاوم ويفضل يضحك ..
المهم رحنا مرة ليلة المراجعة
يعنى عندنا امتحان الصبح وكبرت فى دماغى انا وعجرودى اننا
نهزر
ونقلب الحصة ضحك .. وده تصوير للي حصل معلش
بقي يا بو الدكاتير الفقرة دى اتصورت لو عاوز تذيع قول ذيع

لو مش عاوز هنذيع غصب عنك ....





طبعا انا اللى عملت الفيديو بالشكل ده علشان
فى بنات معانا فى الدرس وكده بقي

انا اللى قاعد فى النص بين الولد والبنت .. كبرت فى دماغي وانا قاعد
كده انى اخلى الواد اللى جنبي ده يبوس ايدي ... ههههههه
اه والله قلت لعجرودى يجهز عشان يصور عشان هخلى الواد عدلى يبوس ايدى
المهم عجرودى بدأ يصور وانا عمال ادى ايدي لعدلى واقوله بوس ايدي يا عدلى
ههههههه .. والواد عدلى يضحك اقوله ياض بقولك بوس ايدي يلا
وهو يضحك المهم فضلت اشتغله شويه لحد ما البرنس الدكتور خد باله
وانفجر فينا .. ههههههههه
ويقولنا يا جدعان حرام عليكو دحنا ليلة الامتحان الله يخرب بيوتكم انتو اييييييييييه مبتحسوش .. انتوا معندكوش دم وانا اضحك وعجرودى يصور والدكتور شوية وهيلطم ..

والصبح لبسنا امتحان عسل .. ماده اسمها محاسبة دولية
لو الناس شافوا الحل اللى حليناه هيرجعونا على الاقل سنة 2 اعدادى
وروحنا بعد الامتحان على الدكتور بتاع الدرس فى بيته وقلتله على اللى حليته
صرخ فيا وقاللى يا بنى انت عاوز تشلنى
انت عاوز تجيبلي الضغط .. حرااام عليكووو
وانا وعجرودى نضضضضحك
... والراجل كان هيغمى عليه ... هههههه
برده كان فى ليلة من ليالى الامتحان الجميلة
صادفت يوم عيد ميلاد عجرودى .. وطبعا سيبنا المذاكرة
وعملتله عيد ميلاد واحنا بنذاكر
وقلبنا الشاي وعملنا عمايل هباب
والمفروض ان الامتحان الساعة 10 الصبح ..ههههه
بس عادى جدا ولا بنتهز




الفيديو اللى فات ده كنت انا وعجرودى بنهزر ورحت حبسته فى البلكونة
وقعدت بره فى الاوضة اغنى خاف الله خاف على الجيتار ... ههههههههه
وكان عندنا امتحان بعديها بيوم .. وعادى جدا ولا بيهمنا ..



احلى حاجة بتبقي يوم الامتحان الصبح .. الامتحان اصله بيبقي الساعة عشرة الصبح .. فبروح لواحد صاحبي الصبح اسمه حمدى .... حمدى سديك عزيز اخر زي العسل .... بدلعه واقوله حنتشى ... بروحله على الساعة 8:30 او 9 كده عشان نراجع شوية مع بعض بس برده مفيش فايدة .. مجرد ما نفتكر اى حاجة من اللى حصلتلنا قبل كده نفضل نضحك بنتلكك من الاخر عشان نضحك .. وسؤالنا التقليدى كل يوم امتحان الصبح اسأل حمدى اقوله تفتكر فيه فايدة يا حنتشي؟ .. يقوللى لأ مفيش فايدة او لو بيستظرف يقولى اه فى فايدة 2.5 % ونفضل نضحك بعديها

وننزل على الساعة 9:30 كده نروح على الجامعة
ونستقبل الامتحان بصدر رحب .. احلى تعليق سمعته من حنتشي بعد الامتحان
بقوله ها عملت ايه فى الامتحان ده .. وكان امتحان منيل لقيت حنتشي بيضحك ويقول الامتحان ده قمة فى الكوميديا ..

ههههههههههه .. صباح التعليق .. امتحان قمة فى الكوميديا

والله ربنا يسترها معانا فى النتيجة .. لحسن احنا
بالمستوى ده هنطلع من الدور الاول لبطولة الامتحانات
اصل الامتحانات دى زى الكورة يوم تصيب ويوم تخيب
ولحد دلوقتى مصابتش .. فربنا يسهل بقي فى النتيجة

كنت بفكر انى اصور اللجنة فيديو واصور الهبل اللى بيحصل جوه من تأخير للورق وتناحة المراقبين واصور ورقة الامتحان بتاعتى بس للاسف معرفتش كنت هروح فداهية بس تتعوض ان شاء الله ...


والله وحشتووووووووونى اوى ..
وشكرا لكل اللى دعولى
وسألوا عنى ..
يا رب يوفقكم انتوا كمان

وادعولى عشان النتيجة بقي


سلاااااااامز ;)


14 comments:

Amr Ahmed said...

يابني والله استنيتك من يوم الخميس

ايه اللي اخرك كل ده

وحشتني يا معلم

ايه الاخبار

يارب يكون خير ان شاء الله

مبرووووووووووووووووك

شفت واول تعلق كمان

اي خدعة

حمدا لله علي السلامة في ارض مدونستان

اه علي فكرة انا عاوز ايميلك يا معلم

تحياتي

islamz said...

عمووووووووور :
-------

واحشنى مووووووووووووت عامل ايه يا عم انت .. والله كنت تعبان وعندى برد جامد اوى .. الحمد لله الامتحانات عدت
وربنا يستر فى النتيجة بقي

شكرا على سؤالك يا معلم .. والله فيك الخير يا عموور يا جنى

ايميلى .. islam-z@hotmail.com

انت تؤمر يا باشا ...

خلى بالك من نفسك

:]

nadine said...

ايه يا اسلام اللى انت عملته فى الراجل ده؟
هو ده اللى انا علمتهولك؟
انا قلتلك تعمل كده؟
انا عودتك تتصرف كده؟
و انا اللى كنت فاكراك هادى و أمير
طلعت تبع المافيا و انا معرفش!

بس بجد بجد بجد
هو انا لما اتخرج و ابقى مدرسة... العيال اللى هدرسهم هيعملوا فيا كده
لأااااااااااااااااااا
لا منكن ابدا
انا مش هسمح بكده

على العموم
المهم تكون عملت كويس فى الإمتحانات
و ياريت ترفع راسنا

بين قوسين:
عمر... انت شاكلك مش بتسيب الجهاز
او ماشى بلاب توب
:D

سلامى ليكوا انتوا الاتنين يا اصدقائى الأعزاء

islamz said...

نادييييييييين ...
_______________

هههههه ... هو انتى شفتى حاجة يا بنتى
الراجل ده بقي بيصلي ركعات زيادة علشان يدعى ربنا يهدينا .. هههههههههه
والله يا نادين الراجل بقي مسمينا مجموعة الموت .. وبيقول انى جبتله الضغط ..ههههههههههههه

بس انا بقوله ان دى كلها مداعبات بريئة
فبيضحك اوى من الكلمة دى ...

:]

وبعدين مين اللى يقدر يضايقك من الطلبة الاوغاد
ده انا كنت طلعتلك عينه ... هههههههه

ابقي انتى قوليلي كده بس
وشوفي ايه اللى هيحصل ...

تحياااااااااااتى ليكى يا نادوووو يا سديكتى العزيزة ... :]

وبالنسب للأخ المدمن عموور .. ربنا يكون فى عونه .. ههههههههههه

pegasuselmasry said...

الامتحانات حاجة خنقة ياعم

الواحد تعب من كتر الامتحانات ياعم
المهم على الله تكون عدت الامتحانات بسلام

و سلملى على عجرودى كتير

islamz said...

بيجاسوووس ..
--------

والله عندك حق الامتحانات مقرفة جدا
وتعب دماغ على الفاضي ..

وحاضر يا عم هسلملك على عجرودى ...

:] نورت يا بيجا ..

إنـســانة said...

هههههههههههههههههههههه
مش قادرة
يخرب عقلك
انا كنت فاكرة نفسى الوحيدة اللى فاشلة وعاكة الدنيا فى الامتحان
طلعتوا زيى
والله الدكتور اللى كان بيشرح ده صعب عليا
ههههههههههههههههه

بس تعرف الواحد فى الامتحانات لو بيذاكر كمان من كتر المذاكرة مخه بيقف شوية كدة .. زى تخلف عقلى مؤقت
بحس إنى فصلت والله
فى مرة من المرات وانا فاصلة
قمت زى الشاطرة الساعة تلاتة الفجر وقمت كاتبة احلى بوست متفهمش منه حاجة
http://2insana.blogspot.com/2007/01/blog-post_11.html
بعييد عنك وعن السامعين مخى كان قفل ساعتها بالضبة والمفتاح وجالى حول

حسبىى الله ونعم الوكيل

ربنا يستر وكل اللى كان بيمتحن ينجح ياااااااارب

سلام

وله نهايه said...

ربنا معاك ومعايا ومع كل الطلبه
انا هببت الدنيا
ربك يستر بس عشان اقدر اكمل الترم التاني بدل ما انسحب
ربك يستر

بيسوو said...

اسلااااااااااام
حمدلله على السلامة..العود احمد
عملت ايه في الامتحانات...انت بالطريقة دي شكلك عملت حلة محشي زيي
خصوصا في المحاسبة..مادة تنحة قوي المحاسبة دي ياخي

عموما انتو مش غلطانين اوعى حد يقلك كدة..بصراحة الراجل هو الي غلطان الي بيديكوا

يلا الحمد لله انا بس بدعي ربنا اخلص الامتحانات وانا في كامل قوايا العقلية

ابقى تعالى..انت مبتجيش ليه؟

islamz said...

انساااانة ..
---------
ازيك عاملة ايه ...بقي الدكتور صعب عليكى .. ههههههههههه
دنا والله الترم ده عكيت عك .. كان ناقص اكتب على الورقة من بره .. تاليف اسلام

بس الحمد لله موصلتش للمخلوق الكاميكازى بتاعك ده .. هههههههههههههههه

ربنا يستر علينا .. نورتى :]

islamz said...

نهاية ..
_________
تنسحب ايه بس يا عم انت صلى على النبي كده واهدى .. تنسحب ليه يعنى ..
ياعم المذاكرة مفيش اسهل منها بس انت روق بالك كده واهدى .. وابقي طمنى عليك يا باشا ..

:]

islamz said...

بيسووووووو :
------------
وحشانى يا بيسو .. حلة محشي واحدة .. بصي انا عندى ست مواد بجميع انواع الاكل اللى ربنا خلقه .. ربنا يستر وطعمهم يعجب الدكاترة .. ههههههههههه
بس انتى الوحيدة اللى فهمانى الراجل الدكتور ده هو اللى غلطان عشان بيزعق على الفاضى احنا اللى عندنا الامتحانات مش هو .. هييجوا يقرفونا بقي ...

انا مبجيش .. انا باجى اهو بس انتى مبتبقيش موجودة وسبتلك ورقة على الباب قبل كده ..
هههههههههههههههه

تحيااااتى يا بيسووووووووو

:]

18goosebumps said...

ينهار ابيض كل ده وعازين تنجحوا

ده لو حصل يبقا ببركه دعاء الوالدين

ودعانا

ربنا يوفقكم وتنجحوا وتعدوا علشان خاطر الراجل الغلبان الي في الفديو
ده

الحمد لله الامتحانات خلصت على خير
بعد الي شفته ده
انا اكيد ان شاء الله حنجح

هههههههههههه

تحياتى

islamz said...

18gooooos :
------------
تصجقي بقي عيب عليكى هو احنا عملنا حاجة خالص دحنا اخر هدوء وادب
ربنا يستر بقي وكلنا ننجح ان شاء الله
بس متدعيش علينا والنبي ..