News

Saturday, September 01, 2007

قــد تجعلــه








هل فكرت يوما فيما يعتمل بداخلك .. اختلى بنفسك وفكر



بداخل كل منا رجل حكيم قد تجعله اكثر حكمة
وقد تجعله يرحل الى غير رجعة


بداخل كل منا رجل مهذب قد تجعله ملاكا
وقد تجعله يسب ويلعن


بداخل كل منا طبيب ماهر قد تجعله يداويك
وقد تجعله جاهلا يسمك

بداخل كل منا سائق لا يشق له غبارقد يصل بك الى بر الامان
وقد تجعله يتجه بك الى اقرب شجره

بداخل كل منا قاتل محترف قد تجعله يتخلص من اعدائك
وقد تجعله يقتلك وينتحر

بداخل كل منا ملاك طاهر قد ياخذك الى الجنة
وقد تجعله يرمى بنفسه الى النار


بداخل كل منا سهم موجه قد تجعله يصيب الهدف
وقد تجعله يصيبك انت


بداخل كل منا طفل صغير قد تحسن تربيته
وقد تجعله اكثر المخلوقات احتياجا للتربية



بداخل كل منا الكثير والكثير .. افعالك تحدد هويتك وانت صاحب القرار
وكما يقولون " الطبع يغلب التطبع " هل صدقوا ؟؟؟


*******

14 comments:

sad_doraa said...

والله وكسبت البريمو اول كومنت عند اسلام
تعليقي بقة
بداخل سدرة سدرة وبداخل اسلام اسلام
الا صحيح هيا الصورة دي بتعبر عنك بردو؟
انتا الي رسمها ولا عجبتك؟
عموما
الكلام ده انا افتكرت هتكتب تحت منقول من فيلسوف او حاجة
بس ده طلع انتا الي كاتبو
تحياتي

البنت الشلبية said...

بداخل كل منا طبيب ماهر قد تجعله يداويك
وقد تجعله جاهلا يسمك
عجبتنى اوى..المهم انت اخبارك ايه يارب تكون بخير دايما

عصفور المدينة said...

التطبع يغلب الطبع ولكن مع
العزيمة
العزيمة
العزيمة

Amr Ahmed said...

صحيح

الانسان بيولد وداخله كل اصناف البشر

عوامل التربية والبيئة والشخصية
تحدد طباع واخلاق الشخص

ولكن الانسان قادر علي تغيير نفسه

islamz said...

سدوورة
------

يا ستى ان شاء الله دايما كسبانة .. والمرة اللى جاية ليكى بطيخة هدية هههههههههه

فعلا يا سدرة انا جوايا نفسي وانتى جواكى نفسك ولما الواحد بيلاقي نفسه بيرتاح اوى
انا حتى الان لم اجد كل نفسي !!!!

الصورة دى انا رسمت واحدة زيها بالظبط ومش هتصدقي لو شفتيها بس دى انا لقيتها على النت .. اؤمن الان بتوارد الخواطر .. صدقينى اتصدمت لما شفتها
وشفتها بالصدفة وكان ليها تاثير عليا فى البوست ..

يا ستى كل واحد جواه فيلسوف يا اما يسهله حياته واما يملاها بالسفسطة

لو مش عارفة يعنى ايه سفسطة قوليلي ;)

بس انا لقيت الكلام بيطلع لوحده
تحياتى ليكى يا سدورة وشدى حيلك بقي
فى المذاكرة عشان خاطر اخوكى اسلام
ومتنسيش الورقة اياها هههههههه

:] سلااااامز

islamz said...

البنت الشلبية
-------------

بحب اسمك ده جداااااا لان دى من احب اغانى فيروز لقلبى ..

تصدقي بقي ان فى كتير مننا بيخلى الطبيب اللى جواه ده ولا يسوى حتى حلاق صحة
الافعال السيئة ملأت العقول وسمت الكثيرين

انا الحمد لله بخير ويا رب تكونى انتى كمان بالف صحة :]

منورة

islamz said...

عصفور المدينة
-----------

اولا اعتز بمتابعتك لى
ثانيا اتمنى ان يغلب التطبع الطبع
ولكن ليس كل ما يتمناه المرء يدركه
العزيمة والعزيمة ثم العزيمة تكرار
لغوى ولكن الافعال الواقعية تؤكد ان العزيمة غائبة هذه الايام وعلى من يجدها اخبارها باننا نحتاجها جدا

تحياتى صديقي العزيز :]

islamz said...

عمووووور :
----------

انت فين يا راجل انت .. واحشنى
فعلا النسان بيولد وداخله اصناف واصناف
شخصيات متعددة وعوامل تربيته ونشأته هى التى تختار القالب الذى يعيش فيه

الانسان قادر على تغير نفسه اذا كان لديه ارادة وعزيمة كما قال عصفور المدينة
وهى غائبة كما قلت
وجميعا نتمنى رجوعها ..

تحياتى يا عموور ومنور والله :]

malak said...

الانسان بيتولد وجواه اصناف كتير من البشر وبعزيمته يختار يكون اى نوع

تحياتى

islamz said...

ملاك
---

اهم حاجة العزيمة يا ملاك .. فعلا العزيمة
تغير اللى ميتغيرش ..

تحياتى :]

غمض عينيك said...

بداخل كل منا انسان
علاقتك بيه ممكن توصلك لبر الامان
او يمكن الحرمان

تحياتي ليك
محمد سمير

islamz said...

سمير :
---

اهم حاجة علاقتك مع نفسك .. صريح مع نفسك ولا لأ
بتعاتب نفسك لما تغلط ولا لأ
بتعرف تعاقب نفسك ولا لأ
لو كل واحد عرف يروض نفسه محدش هيتعب من التانى

منور يا بو سمرة :]

sahr said...

عندك حق والله
الطبع يغلب التطبع
تحياتي

islamz said...

سهر
----

منورة يا سهر :]

تحياتى