News

Wednesday, September 05, 2007

يحيا الرئيس الى الابد


ايه الحلاوة دى .. قال تعبان قال .. مهو زى الفل اهو

شوفوا انا سكت قد ايه على الموضوع ده .. مع انى مش من عادتى اسكت فى الحاجات دى
قال ايه كانوا بيقولوا الريس تعبان وفى حالة محرجة .. حلوة محرجة دى بدل حرجة واهو كله تجديد .. وقال ايه كمان
الريس هبااااااا طلع السيكريت الالهى .. لا لا لا .. دى مش اخلاق شعبنا ابداااااا
اكيد دى كانت مدسوسة علينا الحكاية دى ..

انا كنت ساكت عشان مكنتش قادر اعلق على موضوع مؤثر بالشكل ده
موضوع اثر على نفسوية الشعب كله وخلاه زعلان ومضايق وشايل الهم
وانا شرحه .. هو انا مش من الشعب ولا ايه

بقي الراجل يروح يصيف يومين تطلع الاشاعات دى كلها
يضطر يرجع سريعا سريعا ويعمل جولة فى القرية الذكية
يعنى يجى من الساحل على الارياف
.. لا يا برنس القرية الذكية دى فى شرم الشيخ على فكرة

ما علينا ما علينا .. اهو راح القرية وقال يمكن شوية الغوغائيين دول يتهدوا
ورجع على البحر ..

شوية والراجل يسمع انه انتقل الى الجحيـــ.... احم احم
انتقل الى الجنة .. قال لا بقي انا نازلهم ولاد الـــــ..... معلش يا ريس الكلام ده ممنوع هنا

مش عيب .. مش عيب تفولوا على الريس كده وهو حى يرزق .. بصراحة عيب
لا صحيح عيب جدا ..

وانا تضامنا مع السيد الرئيس دلوقتى حالا
انا عاوز اعرف مين السافل ابن السافل اللى فقع البمبة
.. احم احم قصدى الاشاعة


محدش عاوز يرد .. ماشي انا غيظا ونكاية فى مروج تلك الشائعة المغرضة
بحب اشكر الشاعر الحليوة عبد الرحمن يوسف على القصيدة الحلوة دى
ريحتلى اعصابي وطمنتنى على مصر مبارك ..




وسمعنى سلام انتى اللى طلبتى تطلقي ..

******

7 comments:

Anonymous said...

ههههههههههه
خليه يحيا الى الابد يا عم هو حد قال حاجة
ههههههههههه
بس حلوة القصيدة الفظيعة دى

سلاماتى

ذو النون المصري said...

انا اول مره اسمع عبد الرحمن يوسف لكن الظاهر انه شاعر جريء جدا و فاهم شغله كويس
تحياتي و شكرا علي القصيده

sad_doraa said...

اسلام
اسكت ده انا بقة شكلي وحش اوي قعدت اقولهم ده مات يا جماعة ده مات خلاص وهتشوفو وكلام كده وبعدين طلع بيصيف مش مات ولا حاجة يا اسلام
المهم انا والله كنت مرة قاعدة ع الجهاز وعمالة افكر اسلام مكتبش ليه فموضوع الريس مش عادتو
المهم طلع بالقنبلة والراجل ده الي بيقول لكن له ولد ههههه انا فطست اساسا فالحتة دي على رأيك طلع الي فقلبي كلو
يا بوستاتك يا جامد

islamz said...

انونيموس
-------

يا عم وانا قلت حاجة خليه يحيا
ومنور ومعلش على التاخير كان عندى ظروف

islamz said...

ذو النون المصري
--------------

هو فعلا شاعر جريء ومتمكن جدا
له قصائد كتيرة على هذا المنوال

تحياتى لك ومعذرة على التاخير

islamz said...

سدوووورة
--------

شفتى بقي كنت ظالمة الراجل ازاى
حرام عليكوا يا مفتريين
وانا مليش دعوة بالموضوع ده هههههههههههه

المهم منورة يا سدوورة
وطمنينى على المذاكرة

kafrawy said...

اية ياعم القصائد الجامدة دى

ع العموم

سمعنى مثل

افتكرك باية يابصلة و انتى كل خرطة فيك بدمعة