News

Sunday, December 23, 2007

واهو مولد وانفض !!







وعمو نظيف بيه باشا بعد ما حضر العفريت وسألو على مشكلة
طوابير العيش العفريت قاله مقدرش .. طلع عفريت مبيعرفش
يعنى الراجل هيعمل ايه تانى يا شعب ولاد مفترية .. ده حتى العفاريت حضرها


ده حتى جيمى (طويل العمر يطول عمره ينصره على مين يعاديه) هيعمل بإيده مخابز جديدة وسلع ولحمة
وياقوت ومرجان ورز بلبن .. اه يا شعب ظالم .. قال الدنيا غلا قال .. اومال الرخاء ده مين اللى عايش فيه يا
غوغائيين يا همج .. ده حتى الاسعار منافسه ..



انا مش هكلم بقي عشان مغلطش فى الشعب ابن 60 فى 70 ده .. يا ولاد المفترية دول كانوا بيدرسوا
انهم يصرفوا المعاشات والمرتبات قبل العيد .. صرفوها بقى ولا لأ مش مشكلتى .. المهم
انهم درسوا .. والمثل بيقول اطلبوا العلم ولو فى الصين .. فكويس اوى انهم درسوا يعنى اهو بيتعلموا
يا جهلة يا مفتريين ..




بسسسسسسسسسسس .. اهو جابوا من الاخر وادى مجلس الشعب بتاع الشعب وام الشعب
(بيناااااقش ) اتهام الحكومة برفع الاسعار ... يا صلاة النبي يا صلاة النبي
دى حاجة حلوة خالص .. ربنا يخلي لنا الحكومة
والحزب الوطنى التيموكراتى .. وعمو نظيف وجيمى وانا وانت وررقصنى يا معلم فى احلى عيد اضحى
يا شعب مفتر ابن ... تييييييييييييييييييييييت


واهو مولد وانفض .. وغيره جااااى ..

******

10 comments:

عصفور المدينة said...

كله حيبان بعد تأثير التصريحات المسكنة ما ينتهي

smraa alnil said...

هههههههههه

يا ابني يا حبيبي دة شعب واطي

مش بيتمر فيه لقمة الجاتوه

الناس دي تعمل ايه اكتر من كدة
طول عمرنا مش بيملي عينا غير التراب

احنا شكلنا كدة نستاهل كل اللي بيجرالنا
لانا مش مقدرين حكومتنا النجيبة العجيبة

يلا اهو علي رايك

مولد وانفض

islamz said...

بشمهندس عصفور
-------------
اولا كل سنة وانت طيب .. وعيد سعيد عليك يا رب .. واحنا ياما شبعنا تصريحات مسكنة ومنومة وكل الانواع .. ربنا ياخد اللى كان السبب ..

منور :]

islamz said...

سمووووورة
---------

وحشانييييييي جداااااا
كل سنة وانتى طيبة .. وعلى رايك انتى كمان شعب واطى واطى واطى ..

نعمل ايه بس :]

البنت الشلبية said...

ههههههه
بوست سكرة زيك
كل سنة وانت طيب ع السنة الجديدة الهجرية والميلادية
انت بس متحرقش فى دمك
هتعمل ايه يعنى ..شعبنا هيعيش ويموت ويفضل غلبان
متحاولش

سلام يا فندم

غمض عينيك said...

التدوينة دي تحفة
تسلم ايدك
كل سنة وانت طيب

. said...

تيت
تيت ايه بقى
ومين قال ان المولد انفض
دي نيلة سودة مطينة مهببة معكوكة مزدنقة مفتفتة
احنا شعب الله يرحمو ويحسن اليه
وبعدين ماالحكومة الي بتناقش دي مش من الشعب بردو
لأه هو من الشعب الواطي الي انتا بتقول عليه
لو لم اكن مصريا لوددت الا اكون مصريا
يادي الخيبة
تحياتي ياغايب

مخبر قمل دولة said...

تحفه بجد يا اسلام شكلي هاتابع مدونتك دي اول بأول
بس المولد لسه مانفضش على فكرة

حائر في دنيا الله said...

هسسس
أيوا انت
اسكت يعم
الحكومة مجتمعة عشان الغلاء
متقطعش عليهم نومتهم

.
.
.
.
ناموا ما قاموا البعدا

لك تحياتي
السلام عليكم

islamz said...

البنت الشلبية
-------------

غمض عينيك
---------

سدووورة
--------

احمد نور الدين
-------------

احمد الحائر
---------



اشكركم جميعا على التعليقات ومعذرة على التأخير .. ودايما منورين :]